1 VATESALONIKE 3
3
1Kunangwa, lwa kwaali sikunyala kwikuzira kali hakuzu kwatovola ndi ni vulahi kunyi kutigale inyima kwenyine mu Azene. 2Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu. 3Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye. 4Lwa kwaali nikukiri ni munyi, kwa muvooleraa nigakiri kwekoleka, ndi kuziiza konyoora lisalira kandi lidambizwa; kuli mumanyi vulahi yaga gamali kwekoleka. 5Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.
Amakuva malahi ga Timateo gu kudinyiriza
6Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi. 7Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu. 8Kalunu koveeye mwoyo ligali kigira musingiyi vudinyu mu Mwami. 9Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi. 10Kusaala Nyasaye vudiku nu mbasu ligali numwoyo gwitu gwosi aleke kunyi kololane nimunyi moni namoni, kuduuki kumuha ekegeheraa mu lisuuvira lienyu.
11Kalunu, Nyasaye wiitu, kandi Baba wiitu, harara nu Mwami wiitu Yeso akwimiliri mu zinzira zietu kuduuki ku munyi. 12Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi. 13Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.
Liiva liu kuyaanziza Nyasaye
Currently Selected:
1 VATESALONIKE 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
1 VATESALONIKE 3
3
1Kunangwa, lwa kwaali sikunyala kwikuzira kali hakuzu kwatovola ndi ni vulahi kunyi kutigale inyima kwenyine mu Azene. 2Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu. 3Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye. 4Lwa kwaali nikukiri ni munyi, kwa muvooleraa nigakiri kwekoleka, ndi kuziiza konyoora lisalira kandi lidambizwa; kuli mumanyi vulahi yaga gamali kwekoleka. 5Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.
Amakuva malahi ga Timateo gu kudinyiriza
6Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi. 7Kigira yaga, avaamitu viitu, kwaleminywa mioyo mu kivi chietu choosi no mulidambizwa lietu kigira lisuuvira lienyu. 8Kalunu koveeye mwoyo ligali kigira musingiyi vudinyu mu Mwami. 9Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi. 10Kusaala Nyasaye vudiku nu mbasu ligali numwoyo gwitu gwosi aleke kunyi kololane nimunyi moni namoni, kuduuki kumuha ekegeheraa mu lisuuvira lienyu.
11Kalunu, Nyasaye wiitu, kandi Baba wiitu, harara nu Mwami wiitu Yeso akwimiliri mu zinzira zietu kuduuki ku munyi. 12Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi. 13Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.
Liiva liu kuyaanziza Nyasaye
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019