1 YOHANA 3
3
1Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba. 2Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye. 3Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.
4Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago. 5Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba. 6Kunangwa, umundu woosi omenya mu lihambana na Kristo siazizagilira kokora uvwoni. Navuzwa mundu woosi uzizagilira kokora uvwoni, siyamulola, kandi siyamanya Kristo kali hakuzu mba.
7Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali. 8Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.
9Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye. 10Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.
Muyaanzane aveene na vene
11Yaga na amakuva ga mwahulira kutura mu litanga: gakuduukiraa kuyaanzane aveene na vene. 12Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi. 13Mutagenya, avaamitu, lwa avumukivala vamudunyira. 14Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza. 15Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.
16Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu. 17Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye? 18Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.
Uvuluviliri imbiri wa Nyasaye
19Yiki kilava kimanyiru ndi koveeye va giligali, kandi mioyo jietu jilaluvilira imbiri wa Nyasaye. 20Niiva zing'anagani zie mioyo jietu zikukalagiraa, kumanyi ndi Nyasaye aveeye umunene kuvita mioyo jietu, kandi amanya vindu viosi. 21Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye; 22Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa. 23Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa. 24Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.
Roho wa agiligali kandi roho wu uvugadi
Currently Selected:
1 YOHANA 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
1 YOHANA 3
3
1Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba. 2Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye. 3Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.
4Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago. 5Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba. 6Kunangwa, umundu woosi omenya mu lihambana na Kristo siazizagilira kokora uvwoni. Navuzwa mundu woosi uzizagilira kokora uvwoni, siyamulola, kandi siyamanya Kristo kali hakuzu mba.
7Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali. 8Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.
9Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye. 10Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.
Muyaanzane aveene na vene
11Yaga na amakuva ga mwahulira kutura mu litanga: gakuduukiraa kuyaanzane aveene na vene. 12Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi. 13Mutagenya, avaamitu, lwa avumukivala vamudunyira. 14Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza. 15Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.
16Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu. 17Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye? 18Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.
Uvuluviliri imbiri wa Nyasaye
19Yiki kilava kimanyiru ndi koveeye va giligali, kandi mioyo jietu jilaluvilira imbiri wa Nyasaye. 20Niiva zing'anagani zie mioyo jietu zikukalagiraa, kumanyi ndi Nyasaye aveeye umunene kuvita mioyo jietu, kandi amanya vindu viosi. 21Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye; 22Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa. 23Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa. 24Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.
Roho wa agiligali kandi roho wu uvugadi
©Bible Society of Kenya, 2019