Varumi 14
14
1Navutswa uyu u veye mudedekere mu lisuuvira, mu mu bugirire, navutswa ga ta va agelikalaga amakuva gelihayahayidza. 2Mundu mulala a veye nelisuuvira lyokulia vindu vyosi: navutswa uyu mudedekere a litsanga tsingutsa. 3Uyu u litsanga a ta lega uyu u ta litsanga; kandi uyu u ta litsanga a ta kalagira uyu u litsanga: kigira Nyasaye u mali kumubugirira. 4Ive u veye bwaha u kalagira mutumwa wowundi? Ku mwami wewe mwene a singiranga kinga a gwidza. Ligali a la singiridzwa; kigira Mwami a veye netsingulu kumusingiridza. 5Mundu mulala a yanza lidiku lilala kuvita lidiku lindi: wundi a yanza madiku gosi halala. Avandu vosi sa mulala a manyeridze ligali mwoyo gwigwe mwene. 6Uyu u yanza lidiku, a li yanzira ku Mwami: kandi uyu u litsanga a litsanga ku Mwami, kigira a santidza Nyasaye; kandi uyu u ta litsanga, livula kulia lilye li twula ku Mwami, kandi a santidza Nyasaye. 7Kigira si ha veye nomulala ku kwinye wekolera agege mwene mu livamwoyo, kandi si ha veye nomulala wekolera agege mwene mu likudza. 8Kigira ni ku va ni ku veye mwoyo ku vera mwoyo ku Mwami, kinga ni ku va ni ku kudza ku kudzera ku Mwami: kunangwa ni ku va ni ku veye mwoyo, naho ni ku va ni ku kudza, ku veye avo Mwami. 9Kigira Kristo ya kudza na simuguka kandi, a duke kuva Mwami wetsing'ano tsyombi avakudzu kandi wa va veye mwoyo. 10Navutswa ive kigira ki u kalagira amwavo wowo? Kandi ive kigira ki u lega amwavo wowo? Kigira vosi ku la singira imbiri wekisako kyekyina kya Nyasaye. 11Kigira ga ng'odwa,
Kuli inze mbeye mwoyo, Mwami a vola amasigamo gosi ga la sigama imbiri wange,
Ne tsinimi tsyosi tsi leyama imbiri wa Nyasaye.
12Kunangwa kwinye kwosi sa mulala alevolera amakuva gege mwene imbiri wa Nyasaye.
13Na ndiyo li ta va mu kwinye likalagirana avene navene: navutswa nu bulahi mu kalage yaga, mundu kali mulala a ta vikira amwavo wewe kyokumwikigitalidza, kinga kyokumuzoma hasi. 14Mmanya, kandi nungikeywi ligali, mu Mwami Yesu si ha veye nekindu ki veye kidamano kyene: navutswa ku uyu u lola ki veye kidamano, ku uyu ki veye kidamano. 15Kigira amwavo wowo na va na a verera kigira vyokulia, su u gendanga mu buyanzi kandi. U tononnya nevyokulia vivyo uyu wa Kristo ya kudzera. 16Mu ta leka ubulahi bwenyu bu nyegwe: 17kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu. 18Kigira uyu u tumekira Kristo mu vindu yivi a yanzeka ku Nyasaye, kandi avandu va mu bugirira. 19Kigira yaga ku londe vindu vyemirembe, kandi vindu vyokukonyana. 20Mu tononnya mivinzi gya Nyasaye kigira vyokulia. Ligali vindu vyosi vi veye vilahi; navutswa nu budamano ku uyu u litsanga ni yikigitala. 21Nu bulahi kuvula kulia inyama nokunwa iwaini, nokukola vyosi vyamwavo wowo yikigitala ku. 22Lisuuvira lya u veye nalyo, u ve nalyo ive mwene imbiri wa Nyasaye. A veye nobugasu u tekalagira ku yiki kya a bugirira. 23Navutswa uyu u hayahayidza na a lia, a kalagirangwa kigira a litsa bugira lisuuvira; namakuva gosi a ga ta veye mu lisuuvira ga veye ubwoni.
Currently Selected:
Varumi 14: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Varumi 14
14
1Navutswa uyu u veye mudedekere mu lisuuvira, mu mu bugirire, navutswa ga ta va agelikalaga amakuva gelihayahayidza. 2Mundu mulala a veye nelisuuvira lyokulia vindu vyosi: navutswa uyu mudedekere a litsanga tsingutsa. 3Uyu u litsanga a ta lega uyu u ta litsanga; kandi uyu u ta litsanga a ta kalagira uyu u litsanga: kigira Nyasaye u mali kumubugirira. 4Ive u veye bwaha u kalagira mutumwa wowundi? Ku mwami wewe mwene a singiranga kinga a gwidza. Ligali a la singiridzwa; kigira Mwami a veye netsingulu kumusingiridza. 5Mundu mulala a yanza lidiku lilala kuvita lidiku lindi: wundi a yanza madiku gosi halala. Avandu vosi sa mulala a manyeridze ligali mwoyo gwigwe mwene. 6Uyu u yanza lidiku, a li yanzira ku Mwami: kandi uyu u litsanga a litsanga ku Mwami, kigira a santidza Nyasaye; kandi uyu u ta litsanga, livula kulia lilye li twula ku Mwami, kandi a santidza Nyasaye. 7Kigira si ha veye nomulala ku kwinye wekolera agege mwene mu livamwoyo, kandi si ha veye nomulala wekolera agege mwene mu likudza. 8Kigira ni ku va ni ku veye mwoyo ku vera mwoyo ku Mwami, kinga ni ku va ni ku kudza ku kudzera ku Mwami: kunangwa ni ku va ni ku veye mwoyo, naho ni ku va ni ku kudza, ku veye avo Mwami. 9Kigira Kristo ya kudza na simuguka kandi, a duke kuva Mwami wetsing'ano tsyombi avakudzu kandi wa va veye mwoyo. 10Navutswa ive kigira ki u kalagira amwavo wowo? Kandi ive kigira ki u lega amwavo wowo? Kigira vosi ku la singira imbiri wekisako kyekyina kya Nyasaye. 11Kigira ga ng'odwa,
Kuli inze mbeye mwoyo, Mwami a vola amasigamo gosi ga la sigama imbiri wange,
Ne tsinimi tsyosi tsi leyama imbiri wa Nyasaye.
12Kunangwa kwinye kwosi sa mulala alevolera amakuva gege mwene imbiri wa Nyasaye.
13Na ndiyo li ta va mu kwinye likalagirana avene navene: navutswa nu bulahi mu kalage yaga, mundu kali mulala a ta vikira amwavo wewe kyokumwikigitalidza, kinga kyokumuzoma hasi. 14Mmanya, kandi nungikeywi ligali, mu Mwami Yesu si ha veye nekindu ki veye kidamano kyene: navutswa ku uyu u lola ki veye kidamano, ku uyu ki veye kidamano. 15Kigira amwavo wowo na va na a verera kigira vyokulia, su u gendanga mu buyanzi kandi. U tononnya nevyokulia vivyo uyu wa Kristo ya kudzera. 16Mu ta leka ubulahi bwenyu bu nyegwe: 17kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu. 18Kigira uyu u tumekira Kristo mu vindu yivi a yanzeka ku Nyasaye, kandi avandu va mu bugirira. 19Kigira yaga ku londe vindu vyemirembe, kandi vindu vyokukonyana. 20Mu tononnya mivinzi gya Nyasaye kigira vyokulia. Ligali vindu vyosi vi veye vilahi; navutswa nu budamano ku uyu u litsanga ni yikigitala. 21Nu bulahi kuvula kulia inyama nokunwa iwaini, nokukola vyosi vyamwavo wowo yikigitala ku. 22Lisuuvira lya u veye nalyo, u ve nalyo ive mwene imbiri wa Nyasaye. A veye nobugasu u tekalagira ku yiki kya a bugirira. 23Navutswa uyu u hayahayidza na a lia, a kalagirangwa kigira a litsa bugira lisuuvira; namakuva gosi a ga ta veye mu lisuuvira ga veye ubwoni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967