Vafilipi 3
3
1Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi. 2Mu gelihe ku tsimbwa, mu gelihe ku va kolanga tsimbi, mu gelihe ku lyekalaga: 3kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri. 4Ni ga ta li inze mwene, nyala kusuuvira kali mubiri: mundu ku vosi na a loleka kuva nelisuuvira mu mubiri inze mbiti. 5Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo; 6ku miima gyembodoka nda dambidza livugana; ku miima gyobulungi bwelilaga, si nda nyolwa nekindu. 7Navutswa vindu vyosi vya li vyambeti ku inze, navyo nda vi lola vya li ubugoti vutswa kigira Kristo. 8Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo, 9kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira: 10nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye; 11ku vyosi mbula nda duka ku lisimuguka kutwula mu vakudzu. 12Si ga li mmali kunyola kinga mmali kudukira: navutswa nzi dinyiridza kutsia imbiri, mbula nda duka kunyola yikyo kyagira Kristo Yesu ya ngumira. 13Avamitu, si nzevola inze mwene mmali kunyola: navutswa nkolanga kindu kilala, vindu vyenyima nziviriranga, kandi nzinyira nduke ku vindu vyembiri, 14nzidinyeridza kutsia kuduka ku lwako lwamadanyi geliiangwa lye igulu lya Nyasaye mu Kristo Yesu. 15Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi: 16navutswa ha ku mali kuduka, ku gendere mu kya zana yekyo.
17Avamitu, mu ve avegi ku inze halala, kandi mu henze ligali yava ava gendanga kuli ku lugano lwa mweganga ku kwinye. 18Kigira vanyingi va genda ava nda mu volera amakuva gavo hali kanyingi, kandi kalunu mmu volera nelilira, va veye avasigu vomusalaba gwa Kristo: 19avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova. 20Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo: 21u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.
Currently Selected:
Vafilipi 3: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
Vafilipi 3
3
1Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi. 2Mu gelihe ku tsimbwa, mu gelihe ku va kolanga tsimbi, mu gelihe ku lyekalaga: 3kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri. 4Ni ga ta li inze mwene, nyala kusuuvira kali mubiri: mundu ku vosi na a loleka kuva nelisuuvira mu mubiri inze mbiti. 5Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo; 6ku miima gyembodoka nda dambidza livugana; ku miima gyobulungi bwelilaga, si nda nyolwa nekindu. 7Navutswa vindu vyosi vya li vyambeti ku inze, navyo nda vi lola vya li ubugoti vutswa kigira Kristo. 8Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo, 9kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira: 10nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye; 11ku vyosi mbula nda duka ku lisimuguka kutwula mu vakudzu. 12Si ga li mmali kunyola kinga mmali kudukira: navutswa nzi dinyiridza kutsia imbiri, mbula nda duka kunyola yikyo kyagira Kristo Yesu ya ngumira. 13Avamitu, si nzevola inze mwene mmali kunyola: navutswa nkolanga kindu kilala, vindu vyenyima nziviriranga, kandi nzinyira nduke ku vindu vyembiri, 14nzidinyeridza kutsia kuduka ku lwako lwamadanyi geliiangwa lye igulu lya Nyasaye mu Kristo Yesu. 15Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi: 16navutswa ha ku mali kuduka, ku gendere mu kya zana yekyo.
17Avamitu, mu ve avegi ku inze halala, kandi mu henze ligali yava ava gendanga kuli ku lugano lwa mweganga ku kwinye. 18Kigira vanyingi va genda ava nda mu volera amakuva gavo hali kanyingi, kandi kalunu mmu volera nelilira, va veye avasigu vomusalaba gwa Kristo: 19avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova. 20Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo: 21u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967