Vafilipi 1
1
1Paulo na Timoteo avatugwa va Kristo Yesu, ibaruua yiyi i duke ku vatakatifu vosi mu Kristo Yesu ava veye ha Filipi, halala navahenzi navatumwa: 2Tsimbabasi nemirembe gyi twulanga ku Nyasaye Dada wetu noku Mwami Yesu Kristo, gyi ve ku mwinye.
3Nsantidza Nyasaye wange tsinyinga tsyosi lwa nzidzulitsa mwinye 4mu lisaala lyange kazozo kigira mwinye mwosi nsaalanga nobusa ngali, 5kigira lisanga lyenyu mu lilandidza ivangeli kutwula ku lidiku lyokutanga kuduka lero; 6nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo: 7kuli bu beye bulungi ku inze kuganagana ndiyo ku mwinye mwosi, kigira mbeye nemwinye mu mwoyo gwange, kigira mwinye mwosi mu veye avasangi mu tsimbabasi halala na inze mu libofwa lyange nomu lisola kandi lidinyeridza ivangeli. 8Kigira Nyasaye a veye mulolekidzi wange, kuli wa nkayi rangwa mwinye mwosi mu tsimbabasi tsya Kristo Yesu. 9Kandi yaga nsaala, ubuyanzi bwenyu bu klre kukira mu limanya nomu bugeeri bwosi: 10mu duke kutovola vindu vi veye vilahi; mu ve aveligali kandi ava ta li nelikigitalidza kuduka ku lidiku lya Kristo; 11mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.
12Kalunu nyenya rnwinye, avamitu, mu manye vindu vya ngwira vi duki kukiridza ligali lilanda lyevangeli; 13kuduka libofwa lyange li lang'ami mu Kristo ku vasikari vosi vomwami, noku vandi vosi; 14kandi avanyingi ku vamitu va veye mu Mwami va nyoye ubuluviriri ku libofwa lyange, va luviriye ligali kuvola likuva lya Nyasaye bugira ubutii. 15Avalala ligali vilwadza Kristo kigira imbodoka namahangali; navandi kandi kigira mwoyo mulahi: 16avalala vilwadza kigira ubuyanzi kigira va manya inze mbikeywi kusola ivangeli: 17navutswa avandi vilwadza Kristo mu lyavukana, si li veye mu bulahi bwomwoyo, kigira va ganagana kumeda kivi mu libofwa lyange. 18Ni kindu ki? Ga veye ndi vutswa, ku gosi ni bu veye ubugadi kinga ageligali, Kristo yilwadzangwa; na inze nsangala mu, yee kandi nda sangala. 19Kigira mmanya yaga ga la duka kugirunkana kuva lihonnya lyange, kigira lisaala lyenyu, kandi ubunyingi bwekihaanwa kya Roho wa Yesu Kristo 20kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza. 21Kigira ku inze livamwoyo ni Kristo, nelikudza li veye kyambeti. 22Navutswa ni mba ni mba mwoyo mu mubiri, yaga ni ga va ni ga leta amakuyu kigira miyinzi gyange, si mmanya kya ndi tovola. 23Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita: 24navutswa limenya mu mubiri lyenvangwa ligali kigira mwinye. 25Lwa mbeye ndi neli suuvira yili, mmanya nda menya, yee, kandi nda menya na mwinye mwosi kigira ku litsia imbiri lyenyu, nobu yanzi bwenyu mu lisuuvira; 26liidzominya lyenyu li duke kukira mu Kristo Yesu ku inze kigira mbeye nemwinye kandi. 27Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli; 28kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye. 29Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye: 30mu veye nelilwana zana lya mwa lola ku inze, kandi lya mu hulira kalunu kuva ku inze.
Currently Selected:
Vafilipi 1: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
Vafilipi 1
1
1Paulo na Timoteo avatugwa va Kristo Yesu, ibaruua yiyi i duke ku vatakatifu vosi mu Kristo Yesu ava veye ha Filipi, halala navahenzi navatumwa: 2Tsimbabasi nemirembe gyi twulanga ku Nyasaye Dada wetu noku Mwami Yesu Kristo, gyi ve ku mwinye.
3Nsantidza Nyasaye wange tsinyinga tsyosi lwa nzidzulitsa mwinye 4mu lisaala lyange kazozo kigira mwinye mwosi nsaalanga nobusa ngali, 5kigira lisanga lyenyu mu lilandidza ivangeli kutwula ku lidiku lyokutanga kuduka lero; 6nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo: 7kuli bu beye bulungi ku inze kuganagana ndiyo ku mwinye mwosi, kigira mbeye nemwinye mu mwoyo gwange, kigira mwinye mwosi mu veye avasangi mu tsimbabasi halala na inze mu libofwa lyange nomu lisola kandi lidinyeridza ivangeli. 8Kigira Nyasaye a veye mulolekidzi wange, kuli wa nkayi rangwa mwinye mwosi mu tsimbabasi tsya Kristo Yesu. 9Kandi yaga nsaala, ubuyanzi bwenyu bu klre kukira mu limanya nomu bugeeri bwosi: 10mu duke kutovola vindu vi veye vilahi; mu ve aveligali kandi ava ta li nelikigitalidza kuduka ku lidiku lya Kristo; 11mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.
12Kalunu nyenya rnwinye, avamitu, mu manye vindu vya ngwira vi duki kukiridza ligali lilanda lyevangeli; 13kuduka libofwa lyange li lang'ami mu Kristo ku vasikari vosi vomwami, noku vandi vosi; 14kandi avanyingi ku vamitu va veye mu Mwami va nyoye ubuluviriri ku libofwa lyange, va luviriye ligali kuvola likuva lya Nyasaye bugira ubutii. 15Avalala ligali vilwadza Kristo kigira imbodoka namahangali; navandi kandi kigira mwoyo mulahi: 16avalala vilwadza kigira ubuyanzi kigira va manya inze mbikeywi kusola ivangeli: 17navutswa avandi vilwadza Kristo mu lyavukana, si li veye mu bulahi bwomwoyo, kigira va ganagana kumeda kivi mu libofwa lyange. 18Ni kindu ki? Ga veye ndi vutswa, ku gosi ni bu veye ubugadi kinga ageligali, Kristo yilwadzangwa; na inze nsangala mu, yee kandi nda sangala. 19Kigira mmanya yaga ga la duka kugirunkana kuva lihonnya lyange, kigira lisaala lyenyu, kandi ubunyingi bwekihaanwa kya Roho wa Yesu Kristo 20kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza. 21Kigira ku inze livamwoyo ni Kristo, nelikudza li veye kyambeti. 22Navutswa ni mba ni mba mwoyo mu mubiri, yaga ni ga va ni ga leta amakuyu kigira miyinzi gyange, si mmanya kya ndi tovola. 23Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita: 24navutswa limenya mu mubiri lyenvangwa ligali kigira mwinye. 25Lwa mbeye ndi neli suuvira yili, mmanya nda menya, yee, kandi nda menya na mwinye mwosi kigira ku litsia imbiri lyenyu, nobu yanzi bwenyu mu lisuuvira; 26liidzominya lyenyu li duke kukira mu Kristo Yesu ku inze kigira mbeye nemwinye kandi. 27Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli; 28kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye. 29Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye: 30mu veye nelilwana zana lya mwa lola ku inze, kandi lya mu hulira kalunu kuva ku inze.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967