Matayo 25
25
1Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi. 2Vatanu kuvo va li ava siru na vatanu kuvo va li avageeri. 3Kigira avasiru, lwa va hila tsitaya tsyavo, si va hila maguta halala natsyo: 4navutswa avageeri va hila maguta mu tsichupa tsyavo halala netsitaya tsyavo. 5Inyinga userereywi ya lindagira, tsindolo tsya va vuha ni va gona tsindolo vosi. 6Navutswa mu budiku hagati, lya li lilangeridzana, Henza, userereywi Mu twule kumwaganira. 7Hene yaho avakana avagima yava vosi va vuka ni va iomba tsitaya tsyavo. 8Na avasiru va volera avageeri, Mu ku he ku maguta genyu, kigira tsitaya tsyetu tsyenya kusima. 9Navutswa avageeri va tivula ni va va volera, Namusiya si ga la dukira kwinye na mwinye: nobulahi mu tsie kuvo ava gulanga maguta, mwegulire. 10Lwa va li ni va tsie kugula, userereywi yadza; navo vetegeki vingira naye mu kiserero: na kiliango kya hanwa. 11Inyima va duka kandi avakana avagima vandi ni va vola, Mwami, Mwami, u kwigulire. 12Navutswa ya tivula na a vola, Ligali mmu volera, si mmu manya mba. 13Kunangwa mu linde, kigira si mu manya lidiku ne isaa.
14Kigira ga fwana kuli mundu u tsia mu kivala kindi, na a langa avatugwa veve, na a va ha vindu vivye ku vi linda. 15Ya ha mulala vigero vitanu, na wundi viviri, na wundi kilala; sa mulala va hebwa kuli tsi ngulu tsvavo; na a tsia ulugendo lwilwe. 16Nonoho wa hebwa vigero vitanu ya tsia na a kirannya, na a nyola vindi vitanu. 17Kandi ndiyo uyo wa hebwa viviri ya nyola vindi viviri. 18Navutswa uyo wa hebwa kilala ya tsia na a yava mu lirova, na a visa kigero kyomwami wewe 19Inyima wa madiku manyingi mwami wavatugwa yavo yadza na a va teva vindu vivye. 20Uyo wa hebwa vigero vitanu yadza na a leta vigero vindi vitanu, na a vola, Mwami, wa mba vigero vitanu: henza, mmali kunyola vigero vindi vitanu 21Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo. 22Kandi uyo wa hebwa vigero viviri yadza, na a vola, Mwami, wa mba vigero viviri: henza, mmali kunyola vigero vindi viviri. 23Mwami wewe ya mu volera, U koli bulahi, mutugwa mulahi nomsuuviridzi: wa kola bulahi ku vindu vikekeke, nda ku vika ku vindu vinyingi; wingire mu buyanzi bwomwami wowo 24Naye yadza wa hebwa kigero kilala, na a vola, Mwami, nda manya ive u veye mundu mululu, u gesanga ha u ta taga, u vungidza ha u ta salannya; 25inze nda tia, ni ntsia ni mbisa kigero kikyo mu marova: henza, u veye ne kya li kikyo. 26Navutswa mwami wewe ya tivula na a mu volera, Mutugwa mudamano nomugata, wa manya ngesa ha nta taga, na mbungidza ha nta salannya; 27bwa li bulahi nkano wa ha avebengi tsishilling tsyange, kandi inyinga yeliduka lyange nkano nda nyola tsyange halala nevyambeti vyatsyo. 28Kunangwa mu mnyage kigero, mu he wevigero likumi. 29Kigira u veye navyo a la hebwa vindi, a la medwa: navutswa u ta veye navyo, a la nyagwa kali vya a veye navyo. 30Kandi mutugwa u ta leta vyambeti, mu mu te mu kisundi kye kyova: ha la va nokulira nokudyedyeidza amino.
31Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe. 32Tsihiri tsyosi tsi la vuganywa imbiri wewe: naye a lahulanya tsindala ku tsindi kuli mwa yi yahulanya magondi netsimbuli; 33namagondi a la vika ku mkono gwigwe mulungi, navutswa tsimbuli a la vika ku mkono mmosi. 34Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa: 35kigira nda li nenzala, na mwinye mwa mba vyokulia; nda li nobuluhu, na mwinye mwa nwehidza; nda li mgeni, na mwinye mwa nkonya; 36nda li kyahonyo, na mwinye mwa mbika; nda li mulwaye, na mwinye mwadza kundola; nda li muhambe, na mwinye mwadza kundola. 37Hene yaho avalungi va la mu tivulira, va vola Mwami, kwa ku lola inyinga ki nenzala, kwa ku ha wa lia? Kinga kwa ku lola inyinga ki nobuluhu, kwa ku ha wa nwa? 38Kandi kwa ku lola inyinga ki nu u veye mgeni, kwa ku konya? Kinga kwa ku lola kyahonyo inyinga ki, kwa ku vika? 39Kandi kwa ku lola inyinga ki nu u veye mulwaye, kandi muhambe, kwadza kukulola? 40Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze. 41Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve. 42Kigira nda li nenzala, si mwa mba vyokulia; nda li nobuluhu, si mwa mba madzi; 43nda li mgeni, si mwa nkonya mba; nda li kyahonyo si mwa mbika mba; nda li mulwaye kandi muhambe, si mwadza kundola mba. 44Hene yaho navo va la tivula, va vola, Mwami, inyinga ki kwa ku lola ne nzala, kinga nobuluhu, kinga mgeni, kinga kyahonyo, kinga mulwaye, kinga muhambe, kwa vula kukutumekira? 45Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera. 46Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.
Currently Selected:
Matayo 25: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Matayo 25
25
1Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi. 2Vatanu kuvo va li ava siru na vatanu kuvo va li avageeri. 3Kigira avasiru, lwa va hila tsitaya tsyavo, si va hila maguta halala natsyo: 4navutswa avageeri va hila maguta mu tsichupa tsyavo halala netsitaya tsyavo. 5Inyinga userereywi ya lindagira, tsindolo tsya va vuha ni va gona tsindolo vosi. 6Navutswa mu budiku hagati, lya li lilangeridzana, Henza, userereywi Mu twule kumwaganira. 7Hene yaho avakana avagima yava vosi va vuka ni va iomba tsitaya tsyavo. 8Na avasiru va volera avageeri, Mu ku he ku maguta genyu, kigira tsitaya tsyetu tsyenya kusima. 9Navutswa avageeri va tivula ni va va volera, Namusiya si ga la dukira kwinye na mwinye: nobulahi mu tsie kuvo ava gulanga maguta, mwegulire. 10Lwa va li ni va tsie kugula, userereywi yadza; navo vetegeki vingira naye mu kiserero: na kiliango kya hanwa. 11Inyima va duka kandi avakana avagima vandi ni va vola, Mwami, Mwami, u kwigulire. 12Navutswa ya tivula na a vola, Ligali mmu volera, si mmu manya mba. 13Kunangwa mu linde, kigira si mu manya lidiku ne isaa.
14Kigira ga fwana kuli mundu u tsia mu kivala kindi, na a langa avatugwa veve, na a va ha vindu vivye ku vi linda. 15Ya ha mulala vigero vitanu, na wundi viviri, na wundi kilala; sa mulala va hebwa kuli tsi ngulu tsvavo; na a tsia ulugendo lwilwe. 16Nonoho wa hebwa vigero vitanu ya tsia na a kirannya, na a nyola vindi vitanu. 17Kandi ndiyo uyo wa hebwa viviri ya nyola vindi viviri. 18Navutswa uyo wa hebwa kilala ya tsia na a yava mu lirova, na a visa kigero kyomwami wewe 19Inyima wa madiku manyingi mwami wavatugwa yavo yadza na a va teva vindu vivye. 20Uyo wa hebwa vigero vitanu yadza na a leta vigero vindi vitanu, na a vola, Mwami, wa mba vigero vitanu: henza, mmali kunyola vigero vindi vitanu 21Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo. 22Kandi uyo wa hebwa vigero viviri yadza, na a vola, Mwami, wa mba vigero viviri: henza, mmali kunyola vigero vindi viviri. 23Mwami wewe ya mu volera, U koli bulahi, mutugwa mulahi nomsuuviridzi: wa kola bulahi ku vindu vikekeke, nda ku vika ku vindu vinyingi; wingire mu buyanzi bwomwami wowo 24Naye yadza wa hebwa kigero kilala, na a vola, Mwami, nda manya ive u veye mundu mululu, u gesanga ha u ta taga, u vungidza ha u ta salannya; 25inze nda tia, ni ntsia ni mbisa kigero kikyo mu marova: henza, u veye ne kya li kikyo. 26Navutswa mwami wewe ya tivula na a mu volera, Mutugwa mudamano nomugata, wa manya ngesa ha nta taga, na mbungidza ha nta salannya; 27bwa li bulahi nkano wa ha avebengi tsishilling tsyange, kandi inyinga yeliduka lyange nkano nda nyola tsyange halala nevyambeti vyatsyo. 28Kunangwa mu mnyage kigero, mu he wevigero likumi. 29Kigira u veye navyo a la hebwa vindi, a la medwa: navutswa u ta veye navyo, a la nyagwa kali vya a veye navyo. 30Kandi mutugwa u ta leta vyambeti, mu mu te mu kisundi kye kyova: ha la va nokulira nokudyedyeidza amino.
31Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe. 32Tsihiri tsyosi tsi la vuganywa imbiri wewe: naye a lahulanya tsindala ku tsindi kuli mwa yi yahulanya magondi netsimbuli; 33namagondi a la vika ku mkono gwigwe mulungi, navutswa tsimbuli a la vika ku mkono mmosi. 34Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa: 35kigira nda li nenzala, na mwinye mwa mba vyokulia; nda li nobuluhu, na mwinye mwa nwehidza; nda li mgeni, na mwinye mwa nkonya; 36nda li kyahonyo, na mwinye mwa mbika; nda li mulwaye, na mwinye mwadza kundola; nda li muhambe, na mwinye mwadza kundola. 37Hene yaho avalungi va la mu tivulira, va vola Mwami, kwa ku lola inyinga ki nenzala, kwa ku ha wa lia? Kinga kwa ku lola inyinga ki nobuluhu, kwa ku ha wa nwa? 38Kandi kwa ku lola inyinga ki nu u veye mgeni, kwa ku konya? Kinga kwa ku lola kyahonyo inyinga ki, kwa ku vika? 39Kandi kwa ku lola inyinga ki nu u veye mulwaye, kandi muhambe, kwadza kukulola? 40Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze. 41Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve. 42Kigira nda li nenzala, si mwa mba vyokulia; nda li nobuluhu, si mwa mba madzi; 43nda li mgeni, si mwa nkonya mba; nda li kyahonyo si mwa mbika mba; nda li mulwaye kandi muhambe, si mwadza kundola mba. 44Hene yaho navo va la tivula, va vola, Mwami, inyinga ki kwa ku lola ne nzala, kinga nobuluhu, kinga mgeni, kinga kyahonyo, kinga mulwaye, kinga muhambe, kwa vula kukutumekira? 45Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera. 46Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967