Matayo 19
19
1Yesu lwa ya maliridza makuva yaga, ya twula Galilaya na a duka mu tsinzako tsye Ebuyuda engereka wa Yordani; 2viduma vinyingi vya mu londa, na a va honnyera yo.
3Avafarisayo va tsia kuye, ni va mu geridza, ni va mu volera, Nu bulahi mundu a kunge mkali wewe ku makuva gosi? 4Ya tivula na a vola, Si mwa soma uyu wa va lomba, ya tanga kuvalomba musatsa nomkali, 5na a vola, Kigira yaga mundu a la leka ise na mama wewe, na a hambane nomkali wewe navo vaviri va la gwa mubiri mulaia? 6Si va li vaviri kandi navutswa mubiri mulala. Kunangwa kya Nyasaye ya hambannya, mundu a ta kyavukannya mba. 7Va mu volera, Kigira ki Musa ya haana munwa kuha mkali ibaruwa yokwavukannya nokumukunga? 8Ya va volera, Kigira Musa ya mu ha munwa kukunga avakali venyu, nu budinyu bwemyoyo gye nyu: navutswa kutwula litanga si ga li ndiyo. 9Na inze mmu volera, Ku vosi u li kunga mkali wewe, kigira bu ta li ubuheyi, na a kwa wundi, a kola ubuheyi: kandi u kwa wa kungwa a kola ubuheyi. 10Avegidzwi veve va mu volera, Amakuva gomundu nomkali wewe ni ga va ndiyo, si bu li bulahi kukwa mukali. 11Navutswa ya va volera, Si va li vosi va nyala kubugirira likuva yili, navutswa yava va hebangwa. 12Kigira va ve ho vitsiri vivulwa ndiyo kutwula munda mwa vamama: kandi va ve ho vitsiri vindi vyavandu va kola ndiyo: kandi va ve ho vitsiri vindi vekola ndiyo kigira ubwami bwomigulu. U veye netsingulu kulibugirira, a bugirire.
13Hene yaho ya leterwa avana vakekeke a vike makono gege kuvo, asaale. Navutswa avegidzwi va va gaya. 14Navutswa Yesu ya vola, Mu leke avana vakekeke vadze ku inze, mu ta va gaya mba: kigira ubwami bwomigulu bu veye bwa va li ndi. 15Ya vika makono gege kuvo, na a twula ho.
16Henza, muiala yadza kuye na a vola, Mwegidzi, nkola kindu ki kilahi nyole liva mwoyo li ta hera mba? 17Naye ya mu volera, Kigira ki u nteva ku agevilahi? Ha veye no Mulala mulahi. Navutswa ive nu wenya kwingira mu liva mwoyo, u gumire malago. 18Naye ya mu teva, Ga li ha? Yesu ya vola, U tiita mba, U ta heya mba, U tiba mba, U ta gina mba, 19Widzominye dada wowo na mama wowo; kandi, U yanze mutende wowo kuli weyanza. 20Munyerere ya mu volera, Yivi vyosi mmali kugumira: kalunu ndaki ki? 21Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde. 22Navutswa munyerere lwa ya hulira livola yili ya tsia nobuvereri; kigira ya li nobutugi bunyingi.
23Yesu ya volera avegidzwi veve, Ligali mmu volera, Nu budinyu mutugi kwingira mu bwami bwomigulu. 24Kandi mmu volera, Nu bwangu ing'amia kuvita muluhu gwesindani, kusira mutugi kwingira mu bwami bwa Nyasaye. 25Avegidzwi lwa va ga hulira, va genya munonono ni va vola, Ibwaha a nyala kuhonnywa? 26Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika. 27Petro ya tivula na a mu volera, Henza, kwinye ku leki vyosi kulonda ive; kunangwa kwinye ku li nyola ki? 28Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli. 29Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba. 30Navutswa vanyingi kuvo va veye imbiri va la va avenyima; na venyima va la va avembiri.
Currently Selected:
Matayo 19: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Matayo 19
19
1Yesu lwa ya maliridza makuva yaga, ya twula Galilaya na a duka mu tsinzako tsye Ebuyuda engereka wa Yordani; 2viduma vinyingi vya mu londa, na a va honnyera yo.
3Avafarisayo va tsia kuye, ni va mu geridza, ni va mu volera, Nu bulahi mundu a kunge mkali wewe ku makuva gosi? 4Ya tivula na a vola, Si mwa soma uyu wa va lomba, ya tanga kuvalomba musatsa nomkali, 5na a vola, Kigira yaga mundu a la leka ise na mama wewe, na a hambane nomkali wewe navo vaviri va la gwa mubiri mulaia? 6Si va li vaviri kandi navutswa mubiri mulala. Kunangwa kya Nyasaye ya hambannya, mundu a ta kyavukannya mba. 7Va mu volera, Kigira ki Musa ya haana munwa kuha mkali ibaruwa yokwavukannya nokumukunga? 8Ya va volera, Kigira Musa ya mu ha munwa kukunga avakali venyu, nu budinyu bwemyoyo gye nyu: navutswa kutwula litanga si ga li ndiyo. 9Na inze mmu volera, Ku vosi u li kunga mkali wewe, kigira bu ta li ubuheyi, na a kwa wundi, a kola ubuheyi: kandi u kwa wa kungwa a kola ubuheyi. 10Avegidzwi veve va mu volera, Amakuva gomundu nomkali wewe ni ga va ndiyo, si bu li bulahi kukwa mukali. 11Navutswa ya va volera, Si va li vosi va nyala kubugirira likuva yili, navutswa yava va hebangwa. 12Kigira va ve ho vitsiri vivulwa ndiyo kutwula munda mwa vamama: kandi va ve ho vitsiri vindi vyavandu va kola ndiyo: kandi va ve ho vitsiri vindi vekola ndiyo kigira ubwami bwomigulu. U veye netsingulu kulibugirira, a bugirire.
13Hene yaho ya leterwa avana vakekeke a vike makono gege kuvo, asaale. Navutswa avegidzwi va va gaya. 14Navutswa Yesu ya vola, Mu leke avana vakekeke vadze ku inze, mu ta va gaya mba: kigira ubwami bwomigulu bu veye bwa va li ndi. 15Ya vika makono gege kuvo, na a twula ho.
16Henza, muiala yadza kuye na a vola, Mwegidzi, nkola kindu ki kilahi nyole liva mwoyo li ta hera mba? 17Naye ya mu volera, Kigira ki u nteva ku agevilahi? Ha veye no Mulala mulahi. Navutswa ive nu wenya kwingira mu liva mwoyo, u gumire malago. 18Naye ya mu teva, Ga li ha? Yesu ya vola, U tiita mba, U ta heya mba, U tiba mba, U ta gina mba, 19Widzominye dada wowo na mama wowo; kandi, U yanze mutende wowo kuli weyanza. 20Munyerere ya mu volera, Yivi vyosi mmali kugumira: kalunu ndaki ki? 21Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde. 22Navutswa munyerere lwa ya hulira livola yili ya tsia nobuvereri; kigira ya li nobutugi bunyingi.
23Yesu ya volera avegidzwi veve, Ligali mmu volera, Nu budinyu mutugi kwingira mu bwami bwomigulu. 24Kandi mmu volera, Nu bwangu ing'amia kuvita muluhu gwesindani, kusira mutugi kwingira mu bwami bwa Nyasaye. 25Avegidzwi lwa va ga hulira, va genya munonono ni va vola, Ibwaha a nyala kuhonnywa? 26Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika. 27Petro ya tivula na a mu volera, Henza, kwinye ku leki vyosi kulonda ive; kunangwa kwinye ku li nyola ki? 28Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli. 29Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba. 30Navutswa vanyingi kuvo va veye imbiri va la va avenyima; na venyima va la va avembiri.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967