Matayo 15
15
1Hene yaho vadza ku Yesu Avafarisayo navang'odi va twula Yerusalemi, ni va vola, 2Kigira ki avegidzwi vovo vononnya miima gyavakulundu? Kigira si visaavanga makono gavo lwa venya kulia. 3Ya tivula na a va volera, Na mwinye, kigira ki mwononnya malago ga Nyasaye nemiima gyenyu? 4Kigira Nyasaye ya laga na a vola, Widzominye dada wowo na mama wowo: kandi u nyega ise kinga mama wewe, likudza a kudze. 5Navutswa mwinye mu vola, Ku vosi uyu wenya kuvolera ise kinga mama wewe, Vyosi vya ga dukira inze kuha mwinye, mmali kuha Nyasaye; 6a tidzominya ise kandi mba. Mwononnyi likuva lya Nyasaye nemiima gyenyu. 7Mwinye avagadi Isaya ya profeta bulahi ku mwinye, na a vola,
8Avandu yava va nzidzominya neminwa gyavo;
Navutswa mwoyo gwavo gu veye ihale ninze.
9Navutswa va nsigamira vutswa, Na vegidza migidzo ga vandu.
10Naye ya langa kiduma na a va volera, Mu hulire na mmanye: 11Si ki li kingira mmunwa ki nyala kukola mundu mudamano; navutswa vi twula mmunwa, yivi vi kola mundu mudamano. 12Hene yaho avegi dzwi vadza kuye ni va mu volera, U manya Avafarisayo vikigitalidzwa lwa va hulira amakuva yaga? 13Navutswa ya tivula na a vola, Misala gyosi gya Dada wange womigulu ya vula kusimika; gyi lifwa. 14Mu va leke va ve: va veye avimiri vaboku. Mboku ni yimirira mboku, vombi va la gwa mbogo. 15Na Petro ya tivula na a mu volera, U ku vuulire lugano yilu. 16Ya vola, Mwinye kandi kali kalunu mu kikiri kuva nelimanya? 17Si mu manya vindu vyosi vingira mmunwa vi tsitsa munda na vi twulidzangwa? 18Navutswa vindu vi twula mmu nwa vi twula mmwoyo; na yivi vi kola mundu mudamano. 19Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi: 20yivi nivyo vi kola mundu mudamano; navutswa kula gira namamisu si ga kola mundu mudamano mba.
21Yesu ya twula na a tsia mu kivala kya Turo na Sidone. 22Henza, mkali Mukanani wekivala yikyo yanira na a vola, U mbere tsimba basi, Mwami, mwana wa Daudi; lidemone li kupidza kivi munonono mwana mkana wange. 23Navu tswa si ya mu tivulira likuva. Ma avegidzwi veve vadza ni va mu saala ni va vola, U mu kunge; kigira a kola liyoga inyima wetu. 24Navutswa ya tivula na a vola, Inze si nda tumwa navutswa ku magondi ga gota age nyumba ya Israeli. 25Navutswa yadza na a mu sigamira, na a vola, Mwami, u nkonye. 26Naye ya tivula na a vola, Si bu li bulahi kuvugula ubukima bwavana nokubusikisira tsimbwa. 27Navutswa ya vola, Yee, Mwami: navutswa kali tsimbwa tsi litsa amadonye ga twula ku meza yavenetsyo. 28Ma Yesu ya tivula na a mu volera, Mkali, lisuuvira lilyo li veye linene: u nyole kuli kya wenya. Na mkana wewe ya honnywa inyinga zana.
29Yesu ya twula ho ni yadza himbi inyanza ya Galilaya; ni yanegira mu kigulu ni yikala yo. 30Va tsia kuye viduma vinyingi, ni va ginga avahenyeri, navaboku, netsidi mbidi, navaleemi, navandi vanyingi halala, ni va va vika ha virenge vivye, na a va honnya: 31viduma vya luha vi genya lwa va lola tsidimbidi tsi vola, navaleemi va gwiye avagima, navahenyeri va genda, navaboku va lola: ni vidzominya Nyasaye wa Israeli.
32Hene yaho Yesu ya langa avegidzwi veve vadze kuye, na a vola Mbererera kiduma, kigira ki menya ninze kalunu madiku gavaka, va ta li nevyokulia: si nyenya kuvahila ni va ta lia, gase ihuyuki i la va malira ku inzira. 33Navegidzwi va mu volera, Ha mwigendanyama hano, ku nyola ha li ha milango minyingi kuduka kwigutidza avandu vanyingi yava? 34Yesu ya va volera, Mu veye nemilango gyanga? Navo va vola, Gyitanu na gyiviri netsisudzi tsinyerere tsinkekeke. 35Ya ha kiduma munwa kwikala hasi; 36na a vugula milango gyitanu na gviviri netsisudzi, na a santidza na a meganyira avegidzwi, navegidzwi va ha viduma. 37Ni va lagira vosi ni vigutn: ni va vungidza amadonye aga tigala, vihinda vitnnu na viviri vi zuye. 38Navo ava lagira va li tsielfu tsine vasatsa, na kandi avakali navana. 39Lwa ya mala kuha munwa viduma vi tsie, yingira mbwato ni yadza mu tsinzako tsya Magadani.
Currently Selected:
Matayo 15: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Matayo 15
15
1Hene yaho vadza ku Yesu Avafarisayo navang'odi va twula Yerusalemi, ni va vola, 2Kigira ki avegidzwi vovo vononnya miima gyavakulundu? Kigira si visaavanga makono gavo lwa venya kulia. 3Ya tivula na a va volera, Na mwinye, kigira ki mwononnya malago ga Nyasaye nemiima gyenyu? 4Kigira Nyasaye ya laga na a vola, Widzominye dada wowo na mama wowo: kandi u nyega ise kinga mama wewe, likudza a kudze. 5Navutswa mwinye mu vola, Ku vosi uyu wenya kuvolera ise kinga mama wewe, Vyosi vya ga dukira inze kuha mwinye, mmali kuha Nyasaye; 6a tidzominya ise kandi mba. Mwononnyi likuva lya Nyasaye nemiima gyenyu. 7Mwinye avagadi Isaya ya profeta bulahi ku mwinye, na a vola,
8Avandu yava va nzidzominya neminwa gyavo;
Navutswa mwoyo gwavo gu veye ihale ninze.
9Navutswa va nsigamira vutswa, Na vegidza migidzo ga vandu.
10Naye ya langa kiduma na a va volera, Mu hulire na mmanye: 11Si ki li kingira mmunwa ki nyala kukola mundu mudamano; navutswa vi twula mmunwa, yivi vi kola mundu mudamano. 12Hene yaho avegi dzwi vadza kuye ni va mu volera, U manya Avafarisayo vikigitalidzwa lwa va hulira amakuva yaga? 13Navutswa ya tivula na a vola, Misala gyosi gya Dada wange womigulu ya vula kusimika; gyi lifwa. 14Mu va leke va ve: va veye avimiri vaboku. Mboku ni yimirira mboku, vombi va la gwa mbogo. 15Na Petro ya tivula na a mu volera, U ku vuulire lugano yilu. 16Ya vola, Mwinye kandi kali kalunu mu kikiri kuva nelimanya? 17Si mu manya vindu vyosi vingira mmunwa vi tsitsa munda na vi twulidzangwa? 18Navutswa vindu vi twula mmu nwa vi twula mmwoyo; na yivi vi kola mundu mudamano. 19Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi: 20yivi nivyo vi kola mundu mudamano; navutswa kula gira namamisu si ga kola mundu mudamano mba.
21Yesu ya twula na a tsia mu kivala kya Turo na Sidone. 22Henza, mkali Mukanani wekivala yikyo yanira na a vola, U mbere tsimba basi, Mwami, mwana wa Daudi; lidemone li kupidza kivi munonono mwana mkana wange. 23Navu tswa si ya mu tivulira likuva. Ma avegidzwi veve vadza ni va mu saala ni va vola, U mu kunge; kigira a kola liyoga inyima wetu. 24Navutswa ya tivula na a vola, Inze si nda tumwa navutswa ku magondi ga gota age nyumba ya Israeli. 25Navutswa yadza na a mu sigamira, na a vola, Mwami, u nkonye. 26Naye ya tivula na a vola, Si bu li bulahi kuvugula ubukima bwavana nokubusikisira tsimbwa. 27Navutswa ya vola, Yee, Mwami: navutswa kali tsimbwa tsi litsa amadonye ga twula ku meza yavenetsyo. 28Ma Yesu ya tivula na a mu volera, Mkali, lisuuvira lilyo li veye linene: u nyole kuli kya wenya. Na mkana wewe ya honnywa inyinga zana.
29Yesu ya twula ho ni yadza himbi inyanza ya Galilaya; ni yanegira mu kigulu ni yikala yo. 30Va tsia kuye viduma vinyingi, ni va ginga avahenyeri, navaboku, netsidi mbidi, navaleemi, navandi vanyingi halala, ni va va vika ha virenge vivye, na a va honnya: 31viduma vya luha vi genya lwa va lola tsidimbidi tsi vola, navaleemi va gwiye avagima, navahenyeri va genda, navaboku va lola: ni vidzominya Nyasaye wa Israeli.
32Hene yaho Yesu ya langa avegidzwi veve vadze kuye, na a vola Mbererera kiduma, kigira ki menya ninze kalunu madiku gavaka, va ta li nevyokulia: si nyenya kuvahila ni va ta lia, gase ihuyuki i la va malira ku inzira. 33Navegidzwi va mu volera, Ha mwigendanyama hano, ku nyola ha li ha milango minyingi kuduka kwigutidza avandu vanyingi yava? 34Yesu ya va volera, Mu veye nemilango gyanga? Navo va vola, Gyitanu na gyiviri netsisudzi tsinyerere tsinkekeke. 35Ya ha kiduma munwa kwikala hasi; 36na a vugula milango gyitanu na gviviri netsisudzi, na a santidza na a meganyira avegidzwi, navegidzwi va ha viduma. 37Ni va lagira vosi ni vigutn: ni va vungidza amadonye aga tigala, vihinda vitnnu na viviri vi zuye. 38Navo ava lagira va li tsielfu tsine vasatsa, na kandi avakali navana. 39Lwa ya mala kuha munwa viduma vi tsie, yingira mbwato ni yadza mu tsinzako tsya Magadani.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967