Vagalatia 6
6
1Avamitu, mundu na a hyoye ku lihyola lyosi, mwinye ava veye va Roho mwirannye wa zana a ve mulahi, mu roho gwobuhooma; welinde mwene gase na ive u la geridzwa. 2Mu konyane ku maliduhu mundu sa mulala nowakye, na ndiyo mu la dukidza miima gya Kristo. 3Kigira mundu ni yeganagana a veye kindu inyinga ya a ta va kindu, yegada mwene. 4Navutswa avandu vosi sa mulala yegeridze ku miyinzi gyigye mwene, hene yaho a la va neliidzominya mwene, si ga li ku gyowundi. 5Kigira avandu vosi sa mulala a la ginga musigo mu ene.
6Navutswa uyu wegidzangwa likuva a kole lisanga na uyu wegidzanga ku vindu vyosi vilahi. 7Mu ta gadwa; ari Nyasaye a kolerwa kihenyahenye mba kigira kyomundu a taga a la gesa kya zana. 8Kigira uyu u taga ku mubiri gwigwe mwene, a la gesa ku mubiri ubwoneku; navutswa u taganga ku Roho a la gesa ku Roho livamwoyo li ta hera mba. 9Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo. 10Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.
11Mu lole kuli tsinduguta tsi veye tsinene tsya mmu ng'odera nomukono gwange mwene. 12Kuyava avenya kuloleka bulahi mu vindu vyomubiri, va mu niga kukevwa; va vule kukupidzwa kivi kigira musalaba gwa Kristo, kigira ni yiki kyeng'ine. 13Kigira yava ava kevangwa si va londa lilaga avene; navutswa venya mu kevwe va duke kwiidzominya ku liva lyemibiri gyenyu. 14Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova. 15Kigira likevwa si li veye kindu, kandi livula kukevwa, navutswa kilombe kihya. 16Ku yava ava londa miima yigyi gyekilombe kihya, mirembe gyi ve kuvo, kandi tsimbabasi, kandi ku Vaisraeli va Nyasaye.
17Kutwula kalunu mundu a ta nkolera bubi; kigira ngingi ku mubiri gwange tsimbala tsya Yesu.
18Tsimbabasi tsyo Mwami wetu Yesu Kristo tsi ve na roho gyenyu, vamitu. Amini.
Currently Selected:
Vagalatia 6: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
Vagalatia 6
6
1Avamitu, mundu na a hyoye ku lihyola lyosi, mwinye ava veye va Roho mwirannye wa zana a ve mulahi, mu roho gwobuhooma; welinde mwene gase na ive u la geridzwa. 2Mu konyane ku maliduhu mundu sa mulala nowakye, na ndiyo mu la dukidza miima gya Kristo. 3Kigira mundu ni yeganagana a veye kindu inyinga ya a ta va kindu, yegada mwene. 4Navutswa avandu vosi sa mulala yegeridze ku miyinzi gyigye mwene, hene yaho a la va neliidzominya mwene, si ga li ku gyowundi. 5Kigira avandu vosi sa mulala a la ginga musigo mu ene.
6Navutswa uyu wegidzangwa likuva a kole lisanga na uyu wegidzanga ku vindu vyosi vilahi. 7Mu ta gadwa; ari Nyasaye a kolerwa kihenyahenye mba kigira kyomundu a taga a la gesa kya zana. 8Kigira uyu u taga ku mubiri gwigwe mwene, a la gesa ku mubiri ubwoneku; navutswa u taganga ku Roho a la gesa ku Roho livamwoyo li ta hera mba. 9Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo. 10Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.
11Mu lole kuli tsinduguta tsi veye tsinene tsya mmu ng'odera nomukono gwange mwene. 12Kuyava avenya kuloleka bulahi mu vindu vyomubiri, va mu niga kukevwa; va vule kukupidzwa kivi kigira musalaba gwa Kristo, kigira ni yiki kyeng'ine. 13Kigira yava ava kevangwa si va londa lilaga avene; navutswa venya mu kevwe va duke kwiidzominya ku liva lyemibiri gyenyu. 14Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova. 15Kigira likevwa si li veye kindu, kandi livula kukevwa, navutswa kilombe kihya. 16Ku yava ava londa miima yigyi gyekilombe kihya, mirembe gyi ve kuvo, kandi tsimbabasi, kandi ku Vaisraeli va Nyasaye.
17Kutwula kalunu mundu a ta nkolera bubi; kigira ngingi ku mubiri gwange tsimbala tsya Yesu.
18Tsimbabasi tsyo Mwami wetu Yesu Kristo tsi ve na roho gyenyu, vamitu. Amini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967