Vagalatia 4
4
1Navutswa mbola, tsinyinga tsyosi wemiyandu na a veye ho mwana si a li nelyavukana nomutugwa kali na a veye mwami wa vosi; 2na vutswa a veye mke ku valindi navahenzi kuduka inyinga ya ise ya laga. 3Kandi kwinye kwa li ndiyo, lwa kwa li avana, kwa tumannyangwa mu megidzo gembiri gomulirova: 4navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga, 5a duke kuhonnya ava bofwa mu lilaga, ku duke kunyola libugirirwa kuva avana. 6Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada. 7U luhe u vule kuva mutugwa kandi, navutswa u veye mwana; kandi nu u veye mwana, u veye wemiyandu kigira Nyasaye.
8Navutswa inyinga yeyo, kigira si mwa manya Nyasaye, mwa li ni mu veye avatugwa va yavo aveliva lyavo li ta li lyavanyasaye: 9navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi? 10Mwinye mu linda madiku, nemyeli, netsinyinga, nemihiga. 11Mbeye nobutii ku mwinye, gase ku vyosi mmu nyankanira vutswa.
12Avamitu, nyenya mwinye mu e ve kuli inze mbeye, kigira inze mbeye kuli mwinye. Si mwa nkolera kidamano kali kilala: 13navutswa mu manya nda mwilwadzira ivangeli inyinga yokutanga kigira ubudedekere bwa nda li nabwo mu mubiri gwange. 14Ligeridzwa lyenyu ku mubiri gwange si mwa li lega mba, kandi si mwa sula; navutswa mwa mbugirira kuli nda li ingelosi wa Nyasaye, kandi kuli Kristo Yesu. 15Kunangwa liidzominya lyenyu li veye haliha? Kigira mmu lolekidzira, ni ga va ni ga nyalika nkano mwa ka twulidza tsimoni tsyenyu nokumpa. 16Kunangwa mbeye musigu wenyu, kigira nda mu volera ageligali? 17Va veye nobugulu ku mwinye, navutswa si bu li bulahi; navutswa venya kumuhanira kyova, mu duke kuvenya. 18Navutswa nu bulahi madiku gosi kugoonywa ku vindu vilahi, si ga li lwa mbeye ho halala nemwinye lweng'ine. 19Avana va nge vadoto ava ndolera ku ubululu bwelivula kandi kuduka Kristo a loleke ligondo lilye mu mwinye 20navutswa nkano nda ka va halala nemwinye kalunu nokugirunkana linidzu lyange; kigira mbeye nelihayahayidza ku mwinye.
21Mu mbolere mwinye, avenyanga kubofwa mu lilaga, si mu hulira lilaga zana? 22Kigira ga ng'odwa, Abrahamu ya li navana avayai vaviri, mulala yivulwa mu mutugwa, nowundi yivulwa mukali mwene hango. 23Navutswa mwana womutugwa yivulwa ku lugano lwomubiri; navutswa mwana womkali mwene hango yivulwa kigira lisuuviridzwa. 24Amakuva yaga ga veye lugano: kigira avakali vaviri yava va lolekidzwa kuva malagano gaviri Iilala li twula ku kigulu kya Sinai, livulanga avana ku butugwa, nalyo li veye Hagari. 25Na uyu Hagari a veye kigulu Sinai mu Arabia kandi ki fwanana ne Yerusalemi lya kalunu: kigira li veye mu butugwa halala navana valyo. 26Navutswa Yerusalemi li veye igulu i veye imboholole nayo iyo mama wetu. 27Kigira ga ng'odwa
U sangale, ive u veye mugumba wa vula kwivula avana;
U twulidze mwoyo u lire ive wa vula kulola ubusaliri bwelivula:
Kigira avana va uyu u menya yeng'ine va veye avanyingi kuvita va uyu u veye nomusatsa.
28Kwinye, avamitu, ku veye avana velisuuviridzwa kuli Isaka. 29Navutswa kuli tsinyinga yetsyo, uyu wivulwa ku lugano lwomubiri ya dambidza uyu wivulwa ku lugano lwa Roho, kandi kuduka kalunu ga veye ndiyo. 30Navutswa mang'oda ga vola ndi? U kunge uyu mutugwa halala nomwana wewe: kigira mwana womutugwa si a la lia miyandu halala nomwana womukali mwene hango. 31Kunangwa, avamitu, si ku veye avana vomutugwa, navutswa ku veye avana vomukali mwene hango.
Currently Selected:
Vagalatia 4: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
Vagalatia 4
4
1Navutswa mbola, tsinyinga tsyosi wemiyandu na a veye ho mwana si a li nelyavukana nomutugwa kali na a veye mwami wa vosi; 2na vutswa a veye mke ku valindi navahenzi kuduka inyinga ya ise ya laga. 3Kandi kwinye kwa li ndiyo, lwa kwa li avana, kwa tumannyangwa mu megidzo gembiri gomulirova: 4navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga, 5a duke kuhonnya ava bofwa mu lilaga, ku duke kunyola libugirirwa kuva avana. 6Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada. 7U luhe u vule kuva mutugwa kandi, navutswa u veye mwana; kandi nu u veye mwana, u veye wemiyandu kigira Nyasaye.
8Navutswa inyinga yeyo, kigira si mwa manya Nyasaye, mwa li ni mu veye avatugwa va yavo aveliva lyavo li ta li lyavanyasaye: 9navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi? 10Mwinye mu linda madiku, nemyeli, netsinyinga, nemihiga. 11Mbeye nobutii ku mwinye, gase ku vyosi mmu nyankanira vutswa.
12Avamitu, nyenya mwinye mu e ve kuli inze mbeye, kigira inze mbeye kuli mwinye. Si mwa nkolera kidamano kali kilala: 13navutswa mu manya nda mwilwadzira ivangeli inyinga yokutanga kigira ubudedekere bwa nda li nabwo mu mubiri gwange. 14Ligeridzwa lyenyu ku mubiri gwange si mwa li lega mba, kandi si mwa sula; navutswa mwa mbugirira kuli nda li ingelosi wa Nyasaye, kandi kuli Kristo Yesu. 15Kunangwa liidzominya lyenyu li veye haliha? Kigira mmu lolekidzira, ni ga va ni ga nyalika nkano mwa ka twulidza tsimoni tsyenyu nokumpa. 16Kunangwa mbeye musigu wenyu, kigira nda mu volera ageligali? 17Va veye nobugulu ku mwinye, navutswa si bu li bulahi; navutswa venya kumuhanira kyova, mu duke kuvenya. 18Navutswa nu bulahi madiku gosi kugoonywa ku vindu vilahi, si ga li lwa mbeye ho halala nemwinye lweng'ine. 19Avana va nge vadoto ava ndolera ku ubululu bwelivula kandi kuduka Kristo a loleke ligondo lilye mu mwinye 20navutswa nkano nda ka va halala nemwinye kalunu nokugirunkana linidzu lyange; kigira mbeye nelihayahayidza ku mwinye.
21Mu mbolere mwinye, avenyanga kubofwa mu lilaga, si mu hulira lilaga zana? 22Kigira ga ng'odwa, Abrahamu ya li navana avayai vaviri, mulala yivulwa mu mutugwa, nowundi yivulwa mukali mwene hango. 23Navutswa mwana womutugwa yivulwa ku lugano lwomubiri; navutswa mwana womkali mwene hango yivulwa kigira lisuuviridzwa. 24Amakuva yaga ga veye lugano: kigira avakali vaviri yava va lolekidzwa kuva malagano gaviri Iilala li twula ku kigulu kya Sinai, livulanga avana ku butugwa, nalyo li veye Hagari. 25Na uyu Hagari a veye kigulu Sinai mu Arabia kandi ki fwanana ne Yerusalemi lya kalunu: kigira li veye mu butugwa halala navana valyo. 26Navutswa Yerusalemi li veye igulu i veye imboholole nayo iyo mama wetu. 27Kigira ga ng'odwa
U sangale, ive u veye mugumba wa vula kwivula avana;
U twulidze mwoyo u lire ive wa vula kulola ubusaliri bwelivula:
Kigira avana va uyu u menya yeng'ine va veye avanyingi kuvita va uyu u veye nomusatsa.
28Kwinye, avamitu, ku veye avana velisuuviridzwa kuli Isaka. 29Navutswa kuli tsinyinga yetsyo, uyu wivulwa ku lugano lwomubiri ya dambidza uyu wivulwa ku lugano lwa Roho, kandi kuduka kalunu ga veye ndiyo. 30Navutswa mang'oda ga vola ndi? U kunge uyu mutugwa halala nomwana wewe: kigira mwana womutugwa si a la lia miyandu halala nomwana womukali mwene hango. 31Kunangwa, avamitu, si ku veye avana vomutugwa, navutswa ku veye avana vomukali mwene hango.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967