Vakolosai 3
3
1Kunangwa ni mu va ni mwa simugukidzwa halala na Kristo mwenye vindu vi veye igulu, ha Kristo a veye, wikaye ha mukono mulungi gwa Nyasaye. 2Muganagane ligali vindu vi veye igulu mu ta ganagana vindu vya hasi. 3Kigira mwa kudza, nelivamwoyo lyenyu li viseywi halala na Kristo mu Nyasaye. 4Kristo a veye livamwoyo lyetu, lwa a li lang'aminywa hene yaho na mwinye mu la lang'aminywa mu bukumi halala naye.
5Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa. 6Kigira vindu yivi ubutima bwa Nyasaye buudzanga ku vana vobutingu: 7na mwinye kandi mwa genda mu vindu yivi ku matsyambiri, lwa mwa menya mu vindu yivi. 8Navutswa kalunu mwinye kandi mu te vyosi ihale: ubutima, nelivihirirwa, nembodoka, namanyego, namakuva madamano mu minwa gyenyu: 9mu ta veherana avene navene; kigira mu mali kufwuvula mundu wa kale halala nelikola lilye, 10kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba: 11ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.
12Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri; 13mwikudzirane avene navene, nokusamehana mundu sa mulala nowa kye, ku vosi mundu na a veye nelikuva ku wakye; kuli Mwami ya sameha mwinye, na mwinye mu kole ndiyo: 14nokuvita vindu yivi vyosi mu ve nobuyanzi, bu veye kiboheru kyobudukiru. 15Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza. 16Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi. 17Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.
18Mwinye avakali, mwegehidze ku vasatsa venyu, kuli wa ga dukanga mu Mwami. 19Mwinye avasatsa, mu yanze avakali venyu, mu ta va vihirirwa. 20Mwinye avana, mu hulire avivuli venyu mu vindu vyosi, kigira yiki ki yanzekanga mu Mwami. 21Mwinye vadada, mu ta vihiriridza avana venyu, va vule kwoneka mu myoyo. 22Avatugwa, mu hulire avami venyu ku lugano lwomubiri, mu vindu vyosi; mu ta kola butugwa bwetsimoni, kuli ava yanzidza avandu, navutswa nomwoyo gu ta li nobugadi; nomu gwokutia Mwami: 23ku vyosi vya mu kola, mu kole nomwoyo, kuli ku Mwami, ga ta va kuli ku vandu; 24mu manya mu la nyola ku Mwami madanyi gemiyandu: mu tumikiranga Mwami Kristo. 25Kigira uyu u kyaminyanga a la nyola ubukyamu bwibwe bwa ya kola kandi: si ha veye nelitovola.
Currently Selected:
Vakolosai 3: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
Vakolosai 3
3
1Kunangwa ni mu va ni mwa simugukidzwa halala na Kristo mwenye vindu vi veye igulu, ha Kristo a veye, wikaye ha mukono mulungi gwa Nyasaye. 2Muganagane ligali vindu vi veye igulu mu ta ganagana vindu vya hasi. 3Kigira mwa kudza, nelivamwoyo lyenyu li viseywi halala na Kristo mu Nyasaye. 4Kristo a veye livamwoyo lyetu, lwa a li lang'aminywa hene yaho na mwinye mu la lang'aminywa mu bukumi halala naye.
5Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa. 6Kigira vindu yivi ubutima bwa Nyasaye buudzanga ku vana vobutingu: 7na mwinye kandi mwa genda mu vindu yivi ku matsyambiri, lwa mwa menya mu vindu yivi. 8Navutswa kalunu mwinye kandi mu te vyosi ihale: ubutima, nelivihirirwa, nembodoka, namanyego, namakuva madamano mu minwa gyenyu: 9mu ta veherana avene navene; kigira mu mali kufwuvula mundu wa kale halala nelikola lilye, 10kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba: 11ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.
12Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri; 13mwikudzirane avene navene, nokusamehana mundu sa mulala nowa kye, ku vosi mundu na a veye nelikuva ku wakye; kuli Mwami ya sameha mwinye, na mwinye mu kole ndiyo: 14nokuvita vindu yivi vyosi mu ve nobuyanzi, bu veye kiboheru kyobudukiru. 15Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza. 16Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi. 17Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.
18Mwinye avakali, mwegehidze ku vasatsa venyu, kuli wa ga dukanga mu Mwami. 19Mwinye avasatsa, mu yanze avakali venyu, mu ta va vihirirwa. 20Mwinye avana, mu hulire avivuli venyu mu vindu vyosi, kigira yiki ki yanzekanga mu Mwami. 21Mwinye vadada, mu ta vihiriridza avana venyu, va vule kwoneka mu myoyo. 22Avatugwa, mu hulire avami venyu ku lugano lwomubiri, mu vindu vyosi; mu ta kola butugwa bwetsimoni, kuli ava yanzidza avandu, navutswa nomwoyo gu ta li nobugadi; nomu gwokutia Mwami: 23ku vyosi vya mu kola, mu kole nomwoyo, kuli ku Mwami, ga ta va kuli ku vandu; 24mu manya mu la nyola ku Mwami madanyi gemiyandu: mu tumikiranga Mwami Kristo. 25Kigira uyu u kyaminyanga a la nyola ubukyamu bwibwe bwa ya kola kandi: si ha veye nelitovola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967