Vikolwa 20
20
1Inyima wekivihiri kya kiring'ana, Paulo ya langa avegidzwi na a veganehidza na a va siivula, na a twula kutsia Makedonia. 2Lwa ya mala kuvita tsimbega yitsyo, na a veganehidza namakuva manyingi, ya duka Ebugreki. 3Lwa ya mala kumenya yo myeli gyivaka, na Vayuda venya kumugoneka tsiluku inyinga yenya kunina mu bwato kutsia Siria, ya manya ni yirana ku inzira ya Makedonia. 4Kandi va tsia halala naye kuduka Asia, Sopatro wa Berea muana wa Puro; na ku Vatesalonike, Aristarko na Sekundo; na Gaio wa Derbe, na Timoteo; na ku va Asia, Tukiko na Terofimo. 5Navutswa yava va li ni va mali kwimira ni va ku lindira Troa. 6Kandi kwa nina mu bwato kutwula Filipi inyima yamadiku gobukima bu ta li namamera, ni ku duka kuvo mu Troa madiku gatanu; ni ku menya ho madiku gatanu na gaviri.
7Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati. 8Tsitaya tsinyingi tsya li mu inyumba ye igulu ya kwa vuganira mu. 9Kandi mundu musoleli wa langwa Eutuchio ya li ni yikaye mwidirisha, tsindolo tsya mu vuha ligali; kandi Paulo lwa ya hongera kudasa lilwadza lilye, uyu ya kirwa netsindolo, yaguluka na a gwa kutwula mu inyumba ye igulu i kola tsivaka, na a vugulwa u kudzi. 10Paulo yika na a mu gwira na a mu kumberera, na a vola, Mu ta kola liyoga; kigira mwoyo gwigwe gu veye muye. 11Kandi lwa ya mala kunina igulu nokumegannya ubukima, nokulagira nokuvavolera manyingi, kuduka inyinga ya bwa kya, ya tsia. 12Ni va leta muyai a kiri mwoyo, ni va yanza ligali.
13Navutswa kwinye kwekolerera mu bwato, ni ku tsia Aso, kwa vola ku la vugulira yo Paulo: kigira ya laga ndiyo, mwene yenya kugenda nevirenge. 14Kandi lwa ya duka ku kwinye Aso, kwa mu vugula, ma kwa duka Mitulene. 15Kwa tsia mu bwato kutwula yo, na mugamba kwa vita ku luvega lwa Chio, kandi mugamba gundi kwa duka Samo; kandi mugamba gundi kwa duka Mileto. 16Kigira Paulo yenya kuvita Efeso, a ta gunza mu Asia mba; kigira ya li na a genda bwangu, na a nyala a duke kuva mu Yerusalemi lidiku lya Pentekote.
17Kandi kutwula Mileto ya tuma mundu Efeso na a langa avakulundu velivugana. 18Kandi lwa va duka kuye, ya va volera. Mwinye avene mu manya kuli nda menya na mwinye halala tsinyinga tsyosi kutwula lidiku lya nda tanga kuluvata Asia, 19ni ntumekira Mwami nobuhokya bwosi bwomwoyo, kandi namaliga nobugeridzwi bwa ngwira kigira tsiluku tsya Vayuda; 20kuli wa nda vula kuvaasa amakuva kumuvolera gosi aga nyala kumukonya, ni mmwegidza imbiri wavandu vosi, kandi inyumba nenyumba, 21nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo. 22Kandi kalunu, henza, inze ntsitsanga Yerusalemi, nnigwa mu mwoyo gwange na inze si mmanya ga li ngwira yo 23navutswa Roho Mutakatifu a ndolekidza mu madala gosi, a vola libofwa nekivi vi ninda. 24Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye. 25Kandi kalunu henza, mmanya mwinye mwosi ava mbo donkana mu ni nzilwadza ubwami si mu li ndola kandi tsimoni tsyange. 26Kigira yaga ndolekidzira mwinye lero ndi, inze si mbeye namasahi ga vandu vosi ku inze kali mulala. 27Kigira si nda vaasa amakuva kumuvolera ubusaaviri bwosi bwa Nyasaye. 28Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene. 29Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo; 30kandi ku mwinye avandu va la twula, va vola amahangali, va duke kung'usa avegidzwi va va londe. 31Ku yaga mu linde, mwidzulitse inze inyinga yemihiga gyivaka si nda leka kweganehidza mundu namaliga, kali mulala ubudiku nombasu. 32Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa. 33Si nda kayirwa ifetha yomundu kinga thahabu kinga tsingubo. 34Mwinye avene mu manya amakono gange ga tumekira ku lyenya lyange, nelyavo ava li halala ninze. 35Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.
36Lwa ya mala kuvola ndi, ya sigama na a saala halala navo vosi. 37Navo vosi va lira ligali ni va gwira Paulo mu ligoti, ni va mu busa, 38va verera ligali kigira likuva lya ya vola, si mu li ndola mu tsimoni tsyange kandi. Kandi va mu hereka kuduka mu bwato.
Currently Selected:
Vikolwa 20: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Vikolwa 20
20
1Inyima wekivihiri kya kiring'ana, Paulo ya langa avegidzwi na a veganehidza na a va siivula, na a twula kutsia Makedonia. 2Lwa ya mala kuvita tsimbega yitsyo, na a veganehidza namakuva manyingi, ya duka Ebugreki. 3Lwa ya mala kumenya yo myeli gyivaka, na Vayuda venya kumugoneka tsiluku inyinga yenya kunina mu bwato kutsia Siria, ya manya ni yirana ku inzira ya Makedonia. 4Kandi va tsia halala naye kuduka Asia, Sopatro wa Berea muana wa Puro; na ku Vatesalonike, Aristarko na Sekundo; na Gaio wa Derbe, na Timoteo; na ku va Asia, Tukiko na Terofimo. 5Navutswa yava va li ni va mali kwimira ni va ku lindira Troa. 6Kandi kwa nina mu bwato kutwula Filipi inyima yamadiku gobukima bu ta li namamera, ni ku duka kuvo mu Troa madiku gatanu; ni ku menya ho madiku gatanu na gaviri.
7Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati. 8Tsitaya tsinyingi tsya li mu inyumba ye igulu ya kwa vuganira mu. 9Kandi mundu musoleli wa langwa Eutuchio ya li ni yikaye mwidirisha, tsindolo tsya mu vuha ligali; kandi Paulo lwa ya hongera kudasa lilwadza lilye, uyu ya kirwa netsindolo, yaguluka na a gwa kutwula mu inyumba ye igulu i kola tsivaka, na a vugulwa u kudzi. 10Paulo yika na a mu gwira na a mu kumberera, na a vola, Mu ta kola liyoga; kigira mwoyo gwigwe gu veye muye. 11Kandi lwa ya mala kunina igulu nokumegannya ubukima, nokulagira nokuvavolera manyingi, kuduka inyinga ya bwa kya, ya tsia. 12Ni va leta muyai a kiri mwoyo, ni va yanza ligali.
13Navutswa kwinye kwekolerera mu bwato, ni ku tsia Aso, kwa vola ku la vugulira yo Paulo: kigira ya laga ndiyo, mwene yenya kugenda nevirenge. 14Kandi lwa ya duka ku kwinye Aso, kwa mu vugula, ma kwa duka Mitulene. 15Kwa tsia mu bwato kutwula yo, na mugamba kwa vita ku luvega lwa Chio, kandi mugamba gundi kwa duka Samo; kandi mugamba gundi kwa duka Mileto. 16Kigira Paulo yenya kuvita Efeso, a ta gunza mu Asia mba; kigira ya li na a genda bwangu, na a nyala a duke kuva mu Yerusalemi lidiku lya Pentekote.
17Kandi kutwula Mileto ya tuma mundu Efeso na a langa avakulundu velivugana. 18Kandi lwa va duka kuye, ya va volera. Mwinye avene mu manya kuli nda menya na mwinye halala tsinyinga tsyosi kutwula lidiku lya nda tanga kuluvata Asia, 19ni ntumekira Mwami nobuhokya bwosi bwomwoyo, kandi namaliga nobugeridzwi bwa ngwira kigira tsiluku tsya Vayuda; 20kuli wa nda vula kuvaasa amakuva kumuvolera gosi aga nyala kumukonya, ni mmwegidza imbiri wavandu vosi, kandi inyumba nenyumba, 21nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo. 22Kandi kalunu, henza, inze ntsitsanga Yerusalemi, nnigwa mu mwoyo gwange na inze si mmanya ga li ngwira yo 23navutswa Roho Mutakatifu a ndolekidza mu madala gosi, a vola libofwa nekivi vi ninda. 24Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye. 25Kandi kalunu henza, mmanya mwinye mwosi ava mbo donkana mu ni nzilwadza ubwami si mu li ndola kandi tsimoni tsyange. 26Kigira yaga ndolekidzira mwinye lero ndi, inze si mbeye namasahi ga vandu vosi ku inze kali mulala. 27Kigira si nda vaasa amakuva kumuvolera ubusaaviri bwosi bwa Nyasaye. 28Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene. 29Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo; 30kandi ku mwinye avandu va la twula, va vola amahangali, va duke kung'usa avegidzwi va va londe. 31Ku yaga mu linde, mwidzulitse inze inyinga yemihiga gyivaka si nda leka kweganehidza mundu namaliga, kali mulala ubudiku nombasu. 32Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa. 33Si nda kayirwa ifetha yomundu kinga thahabu kinga tsingubo. 34Mwinye avene mu manya amakono gange ga tumekira ku lyenya lyange, nelyavo ava li halala ninze. 35Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.
36Lwa ya mala kuvola ndi, ya sigama na a saala halala navo vosi. 37Navo vosi va lira ligali ni va gwira Paulo mu ligoti, ni va mu busa, 38va verera ligali kigira likuva lya ya vola, si mu li ndola mu tsimoni tsyange kandi. Kandi va mu hereka kuduka mu bwato.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967