2 Vakorintho 8
8
1Kandi ku mannya mwinye, avamitu, tsimbabasi tsya Nyasaye ya ha mavugano ga Makedonia; 2mu ligeridzwa linene lyobusaliri, bunyingi bwobuyanzi bwavo nobudaka bwavo bwa kira ligali, kuduka ku butugi bwobuhaani. 3Kigira kuli tsingulu tsyavo, ndolekidza yee kandi kuvita tsingulu tsyavo, va haana nobusaaviri bwavo avene, 4va ku goonya ligali ku tsimbabasi yitsi tsyelisanga lyokutumekira ava takatifu. 5Kandi si ga li kuli kwa suuvira, navutswa lwembiri vehila ku Mwami avene, nokweleta ku kwinye kandi nobulaliri bwa Nyasaye. 6Kwinye kwa luha kwa tsuuva Tito, kuli ya tanga miyinzi yigyi, kandi a dukidze ku mwinye kandi tsimbabasi yitsi. 7Navutswa kuli mwa kira vindu vinyingi lisuuvira, nelivola, nelimanya, nobugulu bwosi, nobuyanzi bwenyu bu yeka ku kwinye, mu henze mu kire tsimbabasi yitsi kandi. 8Si mbola kuhaana munwa, navutswa ku bugulu bwavandi ngeridza kandi ubulungi bwobuyanzi bwenyu. 9Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe. 10Na inze mu inkuva yiyi mmu hedzanga amakuva gange: kigira yaga na malahi ku mwinye, ava mwa tanga va maliye muhiga mulala, si ga li likola lyeng'ine, navutswa halala nokusaavira kandi. 11Navutswa mu maliridze likola kandi; kuli mwetegeka lisaavira, kandi mu ve nobudukiru mu tsingulu tsyenyu. 12Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba. 13Kigira si mboye likuva yili, avandi va hone na mwinye mu kupidzwe kivi mba; 14navutswa li ve lile ng'ana: inyinga ya kalunu, ubuhinda bwenyu bu duke ku bugeheru bwavo, kandi ubuhinda bwavo bu duke ku bugeheru bwenyu; li duke kuva lileng'ana: 15kuiigang'odwa, Uyu wa vungidza vinyingi si ya veye nevya tigala; kandi uyu wa vungidza vikekeke si ya daka.
16Navutswa nsantidzanga Nyasaye, u vikanga ubugulu yibu kigira mwinye mu mwoyo gwa Tito. 17Kigira ya bugirira lyeganehidza lyetu ligali; navutswa kigira mwene ya li nobugulu ligali, yadza ku mwihye nobulaliri bwibwe mwene. 18Kandi ku tumi halala naye amitu wetu welidzominywa lilye mu ivangeli lya landa mu mavugano gosi; 19navutswa si ga li yaga geng'ine, navutswa a veye wamavugano ga vika a gende halala nekwinye mu inkuva yetsimbabasi yitsi, tsya ku tumekira kuduka kuleta ubukumi ku Mwami, kandi kuvuula lyetegeka lyemyoyo gyetu: 20kwilinda mu inkuva yiyi ha ta va nomundu kali mulala u lola kindu ku kwinye ku vindu vyobuhaani bwa ku tumekira yibu: 21kigira kwa tanga kugana gana ivindu vilahi, si ga li imbiri wo Mwami yeng'ine, navutswa imbiri wavandu kandi. 22Kandi kwinye ku tumi halala navo amitu wetu, wa ku lemera mwoyo kigira a veye nobugulu ligali mu vindu vinyingi, navutswa kalunu a veye nobugulu kukira ligali kigira lisuuvira linene lya a veye nalyo ku mwinye. 23Mundu na a teva makuza ga Tito, a veye wa ku sanga naye kandi u yinzira halala na inze kigira mwinye; kinga na a teva amakuva gavamitu vetu, va veye avatumwa va mavugano, kandi va veye ubukumi bwa Kristo. 24Mu lang'aminye kilolero kyobuyanzi bwenyu imbiri wa mavugano, kandi mu lang'aminye kilolero kyeliidzominya lyetu kigira mwinye.
Currently Selected:
2 Vakorintho 8: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
2 Vakorintho 8
8
1Kandi ku mannya mwinye, avamitu, tsimbabasi tsya Nyasaye ya ha mavugano ga Makedonia; 2mu ligeridzwa linene lyobusaliri, bunyingi bwobuyanzi bwavo nobudaka bwavo bwa kira ligali, kuduka ku butugi bwobuhaani. 3Kigira kuli tsingulu tsyavo, ndolekidza yee kandi kuvita tsingulu tsyavo, va haana nobusaaviri bwavo avene, 4va ku goonya ligali ku tsimbabasi yitsi tsyelisanga lyokutumekira ava takatifu. 5Kandi si ga li kuli kwa suuvira, navutswa lwembiri vehila ku Mwami avene, nokweleta ku kwinye kandi nobulaliri bwa Nyasaye. 6Kwinye kwa luha kwa tsuuva Tito, kuli ya tanga miyinzi yigyi, kandi a dukidze ku mwinye kandi tsimbabasi yitsi. 7Navutswa kuli mwa kira vindu vinyingi lisuuvira, nelivola, nelimanya, nobugulu bwosi, nobuyanzi bwenyu bu yeka ku kwinye, mu henze mu kire tsimbabasi yitsi kandi. 8Si mbola kuhaana munwa, navutswa ku bugulu bwavandi ngeridza kandi ubulungi bwobuyanzi bwenyu. 9Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe. 10Na inze mu inkuva yiyi mmu hedzanga amakuva gange: kigira yaga na malahi ku mwinye, ava mwa tanga va maliye muhiga mulala, si ga li likola lyeng'ine, navutswa halala nokusaavira kandi. 11Navutswa mu maliridze likola kandi; kuli mwetegeka lisaavira, kandi mu ve nobudukiru mu tsingulu tsyenyu. 12Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba. 13Kigira si mboye likuva yili, avandi va hone na mwinye mu kupidzwe kivi mba; 14navutswa li ve lile ng'ana: inyinga ya kalunu, ubuhinda bwenyu bu duke ku bugeheru bwavo, kandi ubuhinda bwavo bu duke ku bugeheru bwenyu; li duke kuva lileng'ana: 15kuiigang'odwa, Uyu wa vungidza vinyingi si ya veye nevya tigala; kandi uyu wa vungidza vikekeke si ya daka.
16Navutswa nsantidzanga Nyasaye, u vikanga ubugulu yibu kigira mwinye mu mwoyo gwa Tito. 17Kigira ya bugirira lyeganehidza lyetu ligali; navutswa kigira mwene ya li nobugulu ligali, yadza ku mwihye nobulaliri bwibwe mwene. 18Kandi ku tumi halala naye amitu wetu welidzominywa lilye mu ivangeli lya landa mu mavugano gosi; 19navutswa si ga li yaga geng'ine, navutswa a veye wamavugano ga vika a gende halala nekwinye mu inkuva yetsimbabasi yitsi, tsya ku tumekira kuduka kuleta ubukumi ku Mwami, kandi kuvuula lyetegeka lyemyoyo gyetu: 20kwilinda mu inkuva yiyi ha ta va nomundu kali mulala u lola kindu ku kwinye ku vindu vyobuhaani bwa ku tumekira yibu: 21kigira kwa tanga kugana gana ivindu vilahi, si ga li imbiri wo Mwami yeng'ine, navutswa imbiri wavandu kandi. 22Kandi kwinye ku tumi halala navo amitu wetu, wa ku lemera mwoyo kigira a veye nobugulu ligali mu vindu vinyingi, navutswa kalunu a veye nobugulu kukira ligali kigira lisuuvira linene lya a veye nalyo ku mwinye. 23Mundu na a teva makuza ga Tito, a veye wa ku sanga naye kandi u yinzira halala na inze kigira mwinye; kinga na a teva amakuva gavamitu vetu, va veye avatumwa va mavugano, kandi va veye ubukumi bwa Kristo. 24Mu lang'aminye kilolero kyobuyanzi bwenyu imbiri wa mavugano, kandi mu lang'aminye kilolero kyeliidzominya lyetu kigira mwinye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967