2 Vakorintho 6
6
1Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa. 2(Kigira a vola,
Nda ku hulira inyinga yo bugirirwa,
Kandi ku lidiku lyokuhonnya nda ku konya: henzi, lero ni lidiku lyokubugirirwa; henzi, lero ni lidiku lyokuhonnywa.)
3Ku vule kuha mundu kali mulala ku vyosi kyokwikigitalidza, ubutumiki bwetu bu ta kyaywa; 4navutswa ku vindu vyosi kwenyolera libugirirwa, kuli avatumwa va Nyasaye, mu bwikudziri bunyingi, mu busaliri, mu budinyu, mu kivi, 5mu bukinduki, mu libofwa, mu kivihiri, mu miyinzi, mu lididikana, mu lihonga lilia; 6mu litakaswa, mu limanya, mu lyekudzira, mu likolera avandi bulahi, mu Roho Mutakatifu mu liyanza li ta li nobugadi, 7mu likuva lyeligali, mu tsingulu tsya Nyasaye ku vyuma vyobulungi kuluvega lwomukono mulungi nomukono mmosi, 8ku bukumi, kandi ku livula kuva nobukumi, ku liginwa nokulidzominywa: kuli avagadi navutswa aveligali: 9kuli ava ta manyekana, navutswa ava manyekana ligali; kuli ava kudzanga, navutswa henza, ku veye mwoyo; kuli ava hebwanga amageli, navutswa si viitangwa; 10kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.
11Minwa gyetu gyi kunuleywi mwinye, Avakorintho, myoyo gyetu gyi nenehidzeywi. 12Mu kwinye si mu veye neliminika, navutswa mu minika mu myoyo gyenyu avene. 13Kunangwa amadanyi kuli yaga (mmu volera kuli mu veye avana vange), na mwinye mu nenehidzwe ndiyo mu myoyo gyenyu.
14Mu ta bofwa inira indala nava ta suuvira: kigira ha veye nelisanga ki hagati hobulungi nelihyola? Kinga ha veye nelisanga ki hagati hobulavu nekisundi? 15Kandi Kristo a veye nelihambana ki ne Biliali Setani? Kinga u suuviranga a veye nekidieli ki halala no ta suuviranga? 16Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange. 17Kunangwa kigira yaga
Mu twuli hagati havo, mwahuleywi, Mwami a vola,
Mu ta dira kindu kidamano
Na inze nda mu bugirira
18Kandi nda va Dada wenyu,
Na mwinye mu la va avana vange avayai navakana
Mwami Wa Nyala Vyosi a vola.
Currently Selected:
2 Vakorintho 6: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
2 Vakorintho 6
6
1Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa. 2(Kigira a vola,
Nda ku hulira inyinga yo bugirirwa,
Kandi ku lidiku lyokuhonnya nda ku konya: henzi, lero ni lidiku lyokubugirirwa; henzi, lero ni lidiku lyokuhonnywa.)
3Ku vule kuha mundu kali mulala ku vyosi kyokwikigitalidza, ubutumiki bwetu bu ta kyaywa; 4navutswa ku vindu vyosi kwenyolera libugirirwa, kuli avatumwa va Nyasaye, mu bwikudziri bunyingi, mu busaliri, mu budinyu, mu kivi, 5mu bukinduki, mu libofwa, mu kivihiri, mu miyinzi, mu lididikana, mu lihonga lilia; 6mu litakaswa, mu limanya, mu lyekudzira, mu likolera avandi bulahi, mu Roho Mutakatifu mu liyanza li ta li nobugadi, 7mu likuva lyeligali, mu tsingulu tsya Nyasaye ku vyuma vyobulungi kuluvega lwomukono mulungi nomukono mmosi, 8ku bukumi, kandi ku livula kuva nobukumi, ku liginwa nokulidzominywa: kuli avagadi navutswa aveligali: 9kuli ava ta manyekana, navutswa ava manyekana ligali; kuli ava kudzanga, navutswa henza, ku veye mwoyo; kuli ava hebwanga amageli, navutswa si viitangwa; 10kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.
11Minwa gyetu gyi kunuleywi mwinye, Avakorintho, myoyo gyetu gyi nenehidzeywi. 12Mu kwinye si mu veye neliminika, navutswa mu minika mu myoyo gyenyu avene. 13Kunangwa amadanyi kuli yaga (mmu volera kuli mu veye avana vange), na mwinye mu nenehidzwe ndiyo mu myoyo gyenyu.
14Mu ta bofwa inira indala nava ta suuvira: kigira ha veye nelisanga ki hagati hobulungi nelihyola? Kinga ha veye nelisanga ki hagati hobulavu nekisundi? 15Kandi Kristo a veye nelihambana ki ne Biliali Setani? Kinga u suuviranga a veye nekidieli ki halala no ta suuviranga? 16Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange. 17Kunangwa kigira yaga
Mu twuli hagati havo, mwahuleywi, Mwami a vola,
Mu ta dira kindu kidamano
Na inze nda mu bugirira
18Kandi nda va Dada wenyu,
Na mwinye mu la va avana vange avayai navakana
Mwami Wa Nyala Vyosi a vola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967