2 Vakorintho 2
2
1Mu lisuuvira lyenyu. Navutswa nda saavira yaga mwene ntadza ku mwinye kandi neliverera. 2Kigira ni mba ni mu vereridza, nibwaha u sangalidza inze navutswa uyu wa inze nda vereridza? 3Kandi nda ng'oda yaga, ni mba ni ntsitsa nta va neliverera ku yava ava ga ndukira kusangala kuvo; mbeye nelisuuvira ku mwinye mwosi, ubuyanzi bwange bu veye ubuyanzi bwenyu mwosi. 4Kigira lwa nda li mu busaliri ubunene nomu lidambidzwa lyomwoyo nda mu ng'odera namaliga manyingi; si ga li mwinye mu vereridzwe, navutswa mu duke kumanya ubuyanzi bwa mbeye nabwo ligali ku mwinye.
5Ku vosi mundu na a va na a vereridza, si ya vereridza inze tsyeng'ine, navutswa ha luvega lulala, a vereridza mwinye mwosi (nta mmina kuvita). 6Lihebwa amageli kuli yaga lya twula ku vanyingi li dukana nomundu kuli uyu, 7ndiyo nu bulahi mwinye mu mu samehe nokumuleminya mwoyo, gase ku makuva gosi mundu kuli uyu a la mirwa ku likira lyobuvereri bwibwe. 8Kigira yaga nyenya mmu singeridzire ubuyanzi bwenyu. 9Yiki ni kigira nda ng'oda, nduke kumanya ubulungi bwenyu, mu veye avahuliri ku makuva gosi. 10Navutswa ku uyu wa mu sameha kindu ku vyosi, inze kandi mmu sameha: kigira kindu kya inze nsamehi, ni mba ni nsamehi kindu ku vyosi, nsamehi kigira mwinye imbiri wa Kristo; 11Setani a ta nyola ubwiyangu kukuguuta: kigira si ku vula kumanya lisaavira lilye.
12Lwa nda duka Troa kigira ivangeli ya Kristo, kandi lwa ndigulirwa kiliango ku Mwami, 13roho gwange si gwa sosa, kigira si nda nyola Tito amitu wange: navutswa nda sivulana navo, ni ntsia Makedonia.
14Navutswa lisantidza li ve ku Nyasaye, u kwimiriranga mu liguuta kazozo mu Kristo, kandi a lang'aminya mwayu gwelimanya lilye hosi ku kwinye. 15Kigira ku veye muhomo mulahi gwa Kristo ku Nyasaye, mu yava ava honyanngwa nomu va divanga; 16ha luvega lulala mwayu kutwula ku likudza kuduka ku likudza; ha luvega lundi mwayu kutwula ku livamwoyo kuduka ku livamwoyo. Kandi ibwaha a dukana nevindu yivi? 17Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.
Currently Selected:
2 Vakorintho 2: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
2 Vakorintho 2
2
1Mu lisuuvira lyenyu. Navutswa nda saavira yaga mwene ntadza ku mwinye kandi neliverera. 2Kigira ni mba ni mu vereridza, nibwaha u sangalidza inze navutswa uyu wa inze nda vereridza? 3Kandi nda ng'oda yaga, ni mba ni ntsitsa nta va neliverera ku yava ava ga ndukira kusangala kuvo; mbeye nelisuuvira ku mwinye mwosi, ubuyanzi bwange bu veye ubuyanzi bwenyu mwosi. 4Kigira lwa nda li mu busaliri ubunene nomu lidambidzwa lyomwoyo nda mu ng'odera namaliga manyingi; si ga li mwinye mu vereridzwe, navutswa mu duke kumanya ubuyanzi bwa mbeye nabwo ligali ku mwinye.
5Ku vosi mundu na a va na a vereridza, si ya vereridza inze tsyeng'ine, navutswa ha luvega lulala, a vereridza mwinye mwosi (nta mmina kuvita). 6Lihebwa amageli kuli yaga lya twula ku vanyingi li dukana nomundu kuli uyu, 7ndiyo nu bulahi mwinye mu mu samehe nokumuleminya mwoyo, gase ku makuva gosi mundu kuli uyu a la mirwa ku likira lyobuvereri bwibwe. 8Kigira yaga nyenya mmu singeridzire ubuyanzi bwenyu. 9Yiki ni kigira nda ng'oda, nduke kumanya ubulungi bwenyu, mu veye avahuliri ku makuva gosi. 10Navutswa ku uyu wa mu sameha kindu ku vyosi, inze kandi mmu sameha: kigira kindu kya inze nsamehi, ni mba ni nsamehi kindu ku vyosi, nsamehi kigira mwinye imbiri wa Kristo; 11Setani a ta nyola ubwiyangu kukuguuta: kigira si ku vula kumanya lisaavira lilye.
12Lwa nda duka Troa kigira ivangeli ya Kristo, kandi lwa ndigulirwa kiliango ku Mwami, 13roho gwange si gwa sosa, kigira si nda nyola Tito amitu wange: navutswa nda sivulana navo, ni ntsia Makedonia.
14Navutswa lisantidza li ve ku Nyasaye, u kwimiriranga mu liguuta kazozo mu Kristo, kandi a lang'aminya mwayu gwelimanya lilye hosi ku kwinye. 15Kigira ku veye muhomo mulahi gwa Kristo ku Nyasaye, mu yava ava honyanngwa nomu va divanga; 16ha luvega lulala mwayu kutwula ku likudza kuduka ku likudza; ha luvega lundi mwayu kutwula ku livamwoyo kuduka ku livamwoyo. Kandi ibwaha a dukana nevindu yivi? 17Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967