2 Vakorintho 10
10
1Kalunu inze mwene Paulo, mmu goonya kigira ubuhokya nobuhooma bwa Kristo, inze lwa mbeye nemwinye halala mbeye mwegehidzu, navutswa lwa mbedzanga ihale nemwinye mbedzanga nobuluviriri ku mwinye: 2yee, mmu goonya lwa mbedza ho, mbule kuva nobuluviriri ku yavo bwa mbola nda va nobuluviriri ku yavo, ava vola ku kwinye ku genda ku lugano lwomubiri. 3Kigira kali ku genda mu mubiri, si ku lwana kuli lugano lwomubiri. 4(Kigira vyuma vyo bulwani bwetu si vi veye vyomubiri navutswa vi veye netsingulu kigira Nyasaye kuduka kutsoma hasi tsingaga); 5kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo; 6kandi ku veye mu lyetegeka lyokuha livula kuhulira lyosi amageri, lwelihulira lyenyu li la dukidzwa. 7Mwinye mu henza vindu vi veye imbiri wetsimoni tsyenru. Mundu kali mulala ni yesuuvira mwene kuva wa Kristo, a ganagane likuva yili mwene kandi, kuli mwene a veye wa Kristo, kandi kwinye ku veye ndiyo. 8Kigira ni nziidzominya ligali kigira tsingulu tsyetu (tsyo Mwami ya ku ha kwombakira mwinye, ni tsi ta li tsyokumutsoma hasi), si nda va isoni: 9nta lolwa kuli wenyanga kumutihidza netsibaruwa tsyange. 10Ki gira va vola, Tsibaruwa tsitsye, ni tsindiduhu kandi tsi veye netsingulu; navutswa mwene na a veye ho mubiri nu mudedekere, kandi livola lilye si li veye kindu. 11U veye ndiyo a ganagane likuva yili, kuli ku veye nelivola ku tsibaruwa ni ku ta li ho, ku veye ndiyo mu likola lwa ku veye ho. 12Kigira si ku lema mwoyo kwivika mu livalidzwa lya yava aviidzominyanga avene, kinga si ku lema mwoyo kweleng'annya kuvo: navutswa yava avegerannyanga avene na avene, kandi veleng'anyanga avene na avene, si va veye nelimanya. 13Navutswa kwinye si ku liidzo minya kuvita kigero kyetu, navutswa kuli kigero kyolwako kya Nyasaye a ku gerera ki ve kigero kyetu, ki duke ku mwinye. 14Kigira si ku vitanga kigero kyetsingulu tsyetu, kuli tsya vula kuduka ku mwinye: kigira kwa tanga kuduka ku mwinye mwivangeli ya Kristo; 15kali si kwiidzominya kuvita kigero kyelu kuli kleiidzominya mu miyinzi gyavandu vandi; navutswa ku veye nelisuuvira, kuli lisuuvira lyenyu li nenehanga, ku la nenehidzwa ku mwinye ligali kuli lwako lwetu lu veye, 16ku duke kwilwadza ivangeli mu vivala vi veye inyima u enyu, ku tiidzominya ku lwako lwomundu wundi kigira amakuva ga mala kulombwa. 17Navutswa uyu wiidzominyanga, yiidzominye mu Mwami. 18Kigira si a li uyu wiidzominyanga mwene u bugirirwa, navutswa ni uyu wo Mwami yidzominyanga.
Currently Selected:
2 Vakorintho 10: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
2 Vakorintho 10
10
1Kalunu inze mwene Paulo, mmu goonya kigira ubuhokya nobuhooma bwa Kristo, inze lwa mbeye nemwinye halala mbeye mwegehidzu, navutswa lwa mbedzanga ihale nemwinye mbedzanga nobuluviriri ku mwinye: 2yee, mmu goonya lwa mbedza ho, mbule kuva nobuluviriri ku yavo bwa mbola nda va nobuluviriri ku yavo, ava vola ku kwinye ku genda ku lugano lwomubiri. 3Kigira kali ku genda mu mubiri, si ku lwana kuli lugano lwomubiri. 4(Kigira vyuma vyo bulwani bwetu si vi veye vyomubiri navutswa vi veye netsingulu kigira Nyasaye kuduka kutsoma hasi tsingaga); 5kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo; 6kandi ku veye mu lyetegeka lyokuha livula kuhulira lyosi amageri, lwelihulira lyenyu li la dukidzwa. 7Mwinye mu henza vindu vi veye imbiri wetsimoni tsyenru. Mundu kali mulala ni yesuuvira mwene kuva wa Kristo, a ganagane likuva yili mwene kandi, kuli mwene a veye wa Kristo, kandi kwinye ku veye ndiyo. 8Kigira ni nziidzominya ligali kigira tsingulu tsyetu (tsyo Mwami ya ku ha kwombakira mwinye, ni tsi ta li tsyokumutsoma hasi), si nda va isoni: 9nta lolwa kuli wenyanga kumutihidza netsibaruwa tsyange. 10Ki gira va vola, Tsibaruwa tsitsye, ni tsindiduhu kandi tsi veye netsingulu; navutswa mwene na a veye ho mubiri nu mudedekere, kandi livola lilye si li veye kindu. 11U veye ndiyo a ganagane likuva yili, kuli ku veye nelivola ku tsibaruwa ni ku ta li ho, ku veye ndiyo mu likola lwa ku veye ho. 12Kigira si ku lema mwoyo kwivika mu livalidzwa lya yava aviidzominyanga avene, kinga si ku lema mwoyo kweleng'annya kuvo: navutswa yava avegerannyanga avene na avene, kandi veleng'anyanga avene na avene, si va veye nelimanya. 13Navutswa kwinye si ku liidzo minya kuvita kigero kyetu, navutswa kuli kigero kyolwako kya Nyasaye a ku gerera ki ve kigero kyetu, ki duke ku mwinye. 14Kigira si ku vitanga kigero kyetsingulu tsyetu, kuli tsya vula kuduka ku mwinye: kigira kwa tanga kuduka ku mwinye mwivangeli ya Kristo; 15kali si kwiidzominya kuvita kigero kyelu kuli kleiidzominya mu miyinzi gyavandu vandi; navutswa ku veye nelisuuvira, kuli lisuuvira lyenyu li nenehanga, ku la nenehidzwa ku mwinye ligali kuli lwako lwetu lu veye, 16ku duke kwilwadza ivangeli mu vivala vi veye inyima u enyu, ku tiidzominya ku lwako lwomundu wundi kigira amakuva ga mala kulombwa. 17Navutswa uyu wiidzominyanga, yiidzominye mu Mwami. 18Kigira si a li uyu wiidzominyanga mwene u bugirirwa, navutswa ni uyu wo Mwami yidzominyanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967