MATAYO 3
3
1Kingwïn osiswechoni Yoana Kipatisanintö akutor kwamtata ompö surkwen pö Yudea kilentöy, 2#Mat 4:17; Mrk 1:15. “Okötenö ngokikwo, ompöwölo kirikï Pöyunöto Yïm!” 3#Isa 40:3. Ki Yoana nyinte nyaye kingölono werkoyon Isaya ato kimwa lö,
“Mi chi nyo tegho surkwen lö,
‘Agha ara Echotyon,
oghïtenö ortïnechi.’ ”
4 #
2Pöy 1:8. Kiloköy nyu Yoana sïro cho kikïnapa puto tamas nko angwa mu akyomöy talam nko ponit. 5Kïpkonchï pich nyinte cho kipkono Yerusalem nko okumpö Yudea kïmïkul nko koros cho kilekïto lalwa Yordan. 6Kïnganyta chane ngokikwa, kupatisan Yoana chane ompö lalwa Yordan.
7 #
Mat 12:34; 23:33. Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy? 8Agha nyu tïkwïn cho poru lö kyokötekwa ngokikwo 9#Yna 8:33. amolenchï kegh, möminye kïgh nyo omekwa, ompöwölo olentekwa, kïchï monïngo Apraam. Omwowokwa nyoman lö, muköy Tororöt kwighöy koghichete kilïkwï monïngo Apraam! 10#Mat 7:19. Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma. 11Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi. 12Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”
Kipatisanata Yeso
(Mrk 1:9-11; Luk 3:21-22)
13Kingwïna nyu Yeso Kalilaya kutöngwï lalwa Yordan atökepatisan Yoana nyinte. 14Wölo kimököy Yoana kïtöghöy lö, “Kö nyi nyo kepötisönanïn, irïpönyi nyu ingwïn wölo omitan lö ne?”
15Wölo kuyokyï Yeso lö, “Chamanyi ye lenyoni, ompöwölo mïchinecha kepuntenö man anka tïkwïl lenyoni.” Kïcham nyu Yoana.
16Akwotini kikipatisan Yeso kumuchö, kïngetunö pöghechay, kïnyini kiyata yïmö, kïsïwa Mïkulöwu Tororöt nyo kirökyï parakunyi le chepïrïm. 17#Tow 22:2; Tum 2:7; Isa 42:1; Mat 12:18; 17:5; Mrk 1:11; Luk 9:35. Atolapay kïlö kut nyo kingwïno yïm, “Werïnyan nyï nyo le chamanenyan, nyo ochömonan kegh nyinte tya.”
Kakïtyam Yeso
(Mrk 1:12-13; Luk 4:1-13)
Currently Selected:
MATAYO 3: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019