MATAYO 26
26
1Otini kinet Yeso ngalechi löwïr, kïlenchï kinetankachi, 2#Wuw 12:1-27. “Onkïtökwa lö köngötï ye osiswö odeny kwitïta asispa Pasaka,* kitötoy atoni Wero Chi tökewudochï kimurtöwon.”
3Kïtuyö nyu tïsï cho echön nko poyi pipö Yaudi ompö ka Tïsin nyo Wow* nyo kikïkuro Kayapa 4akïtat wölo nömtoy Yeso ompö sison tökïpar. 5Kimwochinchö lö, “Melö kighöy ngalechï asis nyo wow tömar kegh pich.”
Kakiyila Yeso mwagh ompö Petaniya
(Mrk 14:3-9; Yna 12:1-8)
6Otini kitökïmi Yeso Petaniya kö pö Simon nyo kyamate psenkwet. 7#Luk 7:37-38. Kungwïnchï korka Yeso nyo kitïng chupa nyo kimi mwagh nyo ngutoy nyo karam nyo pö olyot nyo wow akïmïlchï mwaghay möt pö Yeso otini kimi kwomisïyi. 8Kïsïwa kinetankachi kwighöy lenyoni, kïnörekyö akïlö, “Pö ne lastaghta nyo tenö nyï? 9Mötökyalta mwaghï tökesïkö ropïyen cho chang cho kitöni meyï!”
10Kunkïtï Yeso kinonutyengwa kïlenchï, “Kölö ne tosusekwa kamanï? Keghwanïn nyinte nyo karam. 11#Krt 15:11. Mi meyï nko akwa osis löwïr, wölo momitanye nko akwa kïnomnyö. 12Keyilenanïn kamanï mwagh atökutönanïn kïpsach ketïpanïn. 13Omwowokwa nyoman lö wop anka tïkwïl wölo kyomtegho Lökoyechï Karamach ompö ngwïny kïmïkul, kengölono kïyï kegh nyinte kenono nyinte.”
Kacham Yudas kïwïchtö Yeso
(Mrk 14:10-11; Luk 22:3-6)
14Kïwö Yudas Iskariote nyo kile akonga ompö kinetan pö Yeso taman nko odeny wölo mi tïsï cho echön 15#Sak 11:12. akïlenchï, “Okonanïkwa ne ato oporwokwa nyinte!” Keyityï kerpes pö silpa cho le tömönut sömök akutö nyinte. 16Kïmar Yudas pöroyïn nyo wïchtegho Yeso kïngeta atoni.
Kam Yeso omisyö Pasaka nko kinetankachi
(Mrk 14:12-21; Luk 22:7-14,21-23; Yna 13:21-30)
17Kïpkonchï Yeso kinetankachi asisto tagh nyo pö Ichon pö Makatin cho puryö Mumar akïtep lö, “Imökenyi keghenacha onö ichonto Pasaka?”
18Kïlenchï, “Ape wölo mi chi nyo le anïm nyo mi kanasyan alenchï, ‘Lentöy konetintö, kakwitïta sayenyan, ongwïnan nko kinetankachu omo Pasaka kongu.’ ”
19Kwigh kinetankachi lenyini kimwochï Yeso chane. Kwigh chichay ichonto Pasaka.
20Otini kituwit kumpur Yeso ngwïny nko kinetankachi taman nko odeny akwomisyö. 21Kïkany otini kitökwomisïyi, kïlenchï chane, “Omwowokwa nyoman lö wïchtonanïn chi akong ompö akwa.”
22Kwotyö chane nyoman akïtep chi anka tïkwïl nyinte lö, “Ani nya Echotyon?”
23 #
Tum 41:9. Kuyokyï Yeso chane lö, “Chi nyo kenönok makatyan ompö tïwan akonga nko ani nyo wïchtonanïn. 24Wechini kegh nyoman Wero Chi kïrïp kegh nko Kikirut, wölo heywey ompö chichini wïchtoy Wero Chi! Kitö karam ntökimelö kikïyï chichoni!”
25Kïtep Yudas nyo kiwïchtoy nyinte lö, “Ani so, konetin?” Kuyokyï Yeso lö, “Nyi nyo kemwagh.”
Omisyo Echotyon
(Mrk 14:22-26; Luk 22:15-20; 1Kr 11:23-25)
26Nyini kitökwomisïyi, kïcheng Yeso makatyan kusoyön akïmïnchïran akutö kinetankachi kïlenchï, “Achenga am, portönyan nyete.”
27Atolapay kïcheng kikompa akusoyön Tororöt akutö chane akïlenchï, “Agheghena akwane tïkwïl kikomponï. 28#Wuw 24:8; Yer 31:31. Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa. 29Omwowokwa lö mogheghanye ngat nko akwa dipay* pö sapipun ntökïtenö asisini ogheghan nko akwa dipay cho relach ompö Pöyunöto Paponyan.”
30Atolapay kïtum chane tum akïpa kutang kutïng pö Arol.
Kangor Yeso lö tiyot Petro nyinte
(Mrk 14:27-31; Luk 22:31-34; Yna 13:36-38)
31 #
Sak 13:7. Atolapay kïlenchï Yeso kinetankachi, “Otoyonekwa oghonete löwïr opïstonanïn, ompöwölo kirate ompö Kikirut lö,
‘Pöröy Tororöt mösöwonte,
tökïtoyö kechir.’
32 #
Mat 28:16. “Wölo otini kotutwan, onyoghan owetöy Kalilaya.”
33Kuyokyï Petro lö, “Mopïsteninyinye nyonikïny, kïrkegh köpïstinyi pich walaka!”
34Kïlenchï Yeso, “Omwowunyi nyoman Petro lö itiyonaninyi oghonete kïnyïl sömök kïtomö kïwach kïrpö kokoroch.”
35Kïlenchï Petro, “Kïrkegh kölïku meghe, kïmomukanye otiyot lö monkïtinyinye.” Kïmwa tïkwïl kinetanchay lenyoni löwïr.
Kasagha Yeso Ketsemane
(Mrk 14:32-42; Luk 22:39-46)
36Atolapay kïwö Yeso nko kinetankachi kutang ato kïkuro Ketsemane akïlenchï, “Ompure yi owan otinö asagh.”
37Kumït Petro nko werpö Sepedayo odeny, kïsïch nyinte nyarïl akuwongwï tya, 38kïlenchï pïchay, “Wongunote mïkulöwunyan nyoman, karich kïtïghanïn, ompure yi oripsyö nko ani.”
39Kunayta yona kite, kupït akïsagh lö, “Ato muko, Paponyu, ichengenanïn kikomponï pö nyarïl kïlowit ompö ani! Wölo melö ompö machatenyan, wölo machatengu.”
40Atolapay kïmïla wölay mi kinetankachi, kutomï mi kïrusot, kïlenchï Petro, “Kölö ne tömamukakwa oripsyö nko ani ompö nyo le sa akonga? 41Oripsyenö asagh atömolïtöy työmut. Tïng mïkulögh machat, wölo nyarkalal portö.”
42Kïwö ngat panto odeny akïsagh kïlö, “Ato memukonye kechengenanïn kikomponï Papo ntökïtenö agheghan, ikany kwigha machatengu.” 43Kïmïla ngat kutomï mi kinetankachi tökïruyot, ompöwölo kinïkisöch konyikwa nko rïwön.
44Kïpïstö Yeso chane ngat akïwö kïsagh panto sömök le nyaye pö tagh. 45Atolapay kuyokyï kegh kinetankachi akïlenchï, “Tomitenökwa so oruyot amungöy? Arose! Ketïta nyu sa ato kitöni Wero Chi mori mwokïyis. 46Ongetyenö kepe. Arose, anyinö chichinö wïchtonanïn!”
Kakïnam Yeso
(Mrk 14:43-50; Luk 22:47-53; Yna 18:3-12)
47Nyini kitökïngölonöy Yeso, kuchumï Yudas nyo kile akonga ompö kinetankachi chay le taman nko odeny. Kimito nyinte nko söpïch pö pich cho kitïng chokon nko runkun cho kiyonï tïsï cho echön nko poyi pipö Yaudi. 48Kikikuporchï Yudas söpïchini lö, “Ato asïwekwa chi nyo otokwesan okonköy kegh tïkwïl anam, nyinte nyoni.”
49Otini kit Yudas wölo mi Yeso kïlenchï, “Sïpay konetin.” Kutakwes ompö kikonköyöt.
50Kuyokyï Yeso nyinte lö, “Igha wena kini kepunyi yi!” Kïpka pïchay akïnam Yeso lenyini. 51Kïngwïsï chi akong chokenyi nyo kimi nko Yeso akuchat yit pö sekeyonto Tïsin nyo Wow. 52Kïlenchï Yeso chichay, “Yokyinö chokengu mïlenyi, ompöwölo chi anka tïkwïl nyo pöghisyegho chok, ketïgho chok. 53Olentekwa so kepölanïn orirchï Paponyu kïyonwanïn lïkos pö malayken cho tïlöy kïres taman nko odeny? 54Wölo itïtoy lö ne Kikirut chay mwoghöy lö, ighisyot ngalechi nyo mötïny?”
55 #
Luk 19:47; 21:37. Atolapay kïngölonchï Yeso tuyonay pö pich kïlenchï, “Kaghanïkwa so le pkatyan tapkanakwa nko chokon nko runkun anamanïn? Nkomitan nko akwa ompuröy anetisïyi kïnomnyö ompö Kö pö Tororöt* akimöminye ato kyanamanïkwa. 56Wölo keghisyö ngalechï le nyete ntökwitïta ngala werkoy cho kikikir ompö Kikirut lö.” Kïpïstö nyu kinetankachi löwïr nyinte akupertoy.
Kakip Yeso tawu Kokwö*
(Mrk 14:53-65; Luk 22:54-55,63-71; Yna 18:13-14,19-24)
57Kïnam pïchay Yeso akumït ka Kayapa nyo kile Tïsin nyo Wow, wölo kïghömïtï kegh koneti kirurut nko poy. 58Kirïp nyu Petro Yeso ompö ato low ntökwitïta kiroryo Tïsin nyo Wow, kïlït ori akumpur nko ripï tökïsïwa sörömu ngalechoni. 59Kumukyï tïsï cho echön nko Kokwö* kïmïkul kïmar söwintöno putintön nyo rwokinegho Yeso atökïpar, 60wölo kimönyorïcha nyonikïny, kïrkegh kikonï kegh pich cho chang cho kipka kïmïrchï nyinte putintön. Ato mi löt, kïpka söwï odeny 61#Yna 2:19. akïlö, “Kilö chichï, ‘Omukan owuröy Kö pö Tororöt atek ngat ompö osis sömök.’ ”
62Kughyö Tïsin nyo Wow akïtep Yeso lö, “Metïngetenyinye ngölyon nyo iyoku so? Ilentenyi ne ompö söwintöno pïchï?” 63Wölo kïsï Yeso lasay. Kïlenchï Tïsintonay, “Omunyi muma ompö kaynata Tororöt nyo satate lö mwowu ne köny ato ichinyi Kristo,* Wero Tororöt.”
64 #
Dan 7:13. Kuyokyï Yeso nyinte lö, “Kemwaghanyi! Wölo omwowokwa ye lö osïwïyekwa kïngeta ye Wero Chi kïtöpo ewu tagh nyo pö Kimuktoghin Tororöt akungwïno poltoy ompö yïm.”
65 #
Law 24:16. Otini kimwa lenyoni, kïkarer Tïsin nyo Wow sïrokachi akïlö, “Kemwa Tororöt! Tökïpö ne söwi walaka! Kalïmakwa ye kumwosïyi! 66Olentekwa ne ye?”
Kuyokyï pich löwïr lö, “Mïchini kïma chichï!”
67 #
Isa 50:6. Kïlenyona kïngwïtyï konyïn, kurapach walaka ompö pïchini akïlenchï, 68“Nyi Kristo, ngore lö ngo nyï kerapakinyi.”
Kötiyö Petro lö monkït Yeso
(Mrk 14:66-72; Luk 22:56-62; Yna 18:15-18,25-27)
69Otini kimpuröy Petro sany köyini pö Tïsin Wow, kwitï työ nyo le mötworin akïlenchï, “Kimitenyi tïkwïl nko Yeso nyo pö Kalilaya.”
70Wölo kïtiyeghö Petro tawungwa lö, “Monkïtönye ngalechoni imwöghenyi.” 71Otini kilïtï Petro kukat, kïsïwa mötworinte anka. Kïlenchï pich cho kimi otini, “Kimi chichete nko Yeso nyo pö Nasaret.”
72Kïtiyö ngat Petro kïchïp kegh lö, “Monkïtönye chichoni!”
73Kïnyini tomönye kite, kïpka pich kughyongö ato mi Petro akïlenchï, “Nyoman ichinyi akonga nyo pö pïchini, ompöwölo poru ngalanatengu!”
74Atolapay kïchïp kegh Petro lö, “Monkïtönye chichoni!” Panini lawel, kïwach kïrpö kokoroch. 75Kunan Petro ngalechay pö Yeso kilenchï, “Itiyonaninyi kïnyïl sömök kïtomö kïwach kïrpö kokoroch.” Kïwö sany akïloch nyoman.
Kakip Yeso tawu Pilato
(Mrk 15:1; Luk 23:1-2; Yna 18:28-32)
Currently Selected:
MATAYO 26: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
