MATAYO 25
25
1 #
Luk 12:35. “Kikongityot nyu Pöyunöto Yïm nko tipïn taman cho kip tatïnekwa akïpa kïtaroch chi pö kensyö. 2Ki sölwöy cho le mut ompö chane, kï kingöghomöch cho le mut. 3Otini kip chay le sölwöy tatïnekwa mökwipcha mwowöy walaka, 4wölo kwipö chay ngöghomöch chupen mwowöyi walaka nko tatïnekwa. 5Otini kuling chi pö kensyö, kïtönköryö tipichay löwïr akïruyö.
6“Ato mi oghö kwen, kïpölyö pich kïlentöy, ‘Kikwitï chi pö kensyö apkana ataroka!’ 7Kinget tipichay kï taman akutam tatïnekwa. 8Kïlenchï tipi chinö le sölwöy chinö ngöghomöch, ‘Chöghwecha mwowöyikwa ompöwölo kemisisyö tatïnecha.’ 9Kuyokyï chinö ngöghomöch lö, ‘Ewo, mömïchinechanye nko akwa! Ape duken ala chikwo.’ 10Kïnget tipichay le sölwöy kïpa kwal mwagh akwotini kitökïmi wölini, kwitï chi pö kensyö. Kïpa tipichinö kimi kïpsach nko nyinte kïlïtöy kö pö kensyö atolapay kekar kukat. 11#Luk 13:25. Ato mi löt kwitï tipichay walaka akïkursyö lö, ‘Echotyon, echotyon yotwecha!’ 12Kuyokyï chichay pö kensyö lö, ‘Omwowokwa nyoman melö onkïtokwa.’ ” 13Kuwany Yeso kïlenchï pïchay, “Oripsyenö nyu ompöwölo monkïtökwanye asista anta saye.
Körkeyïn pö mötwor sömök
(Luk 19:11-27)
14 #
Luk 19:11-27. “Kikongityot atoni Pöyunöto Yïm nko chi nyo kimököy kïrutoy antakwagh, kïkur mötworichi akutö chane kughyongchï tïkuchi. 15Kitö chi anka tïkwïl kïrïp kegh nko owesyenyi: kitö akonga talanten mut, kutö anka talanten odeny, kutö anka talantayan akonga atolapay kïrutö. 16Kïwö lawel mötworintonay kikitö talanten mut kuchirusön kïsïch talanteni walaka mut cho mi parak. 17Kwigh lenyoni tïkwïl nyay kikitö talanten odeny akïsïch talanten walaka odeny cho mi parak. 18Wölo kiwö nyay kikitö talantayan akonga kïwas ngwïny akïtïpchï talantayantanay echotyontenyi.
19“Kikany kuwer osiswö cho chang, kïmïla echotyontonay akutor kuyitisyö nko chane. 20Kungwïn mötworintonay kikitö talanten mut, kwipï talanteni walaka mut akïlenchï, ‘Rose köny, echotyon achï ropïyeni walaka cho le talanten mut cho kötösisyö.’ 21Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’
22“Kungwïn mötworinte nyay kikitö talanten odeny kïkonï talanteni walaka odeny cho kitösisyö. 23Kïlenchï, echotyontenyi, ‘Karam nyoman, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ye ghyongchinö tïkwïn cho chang. Nyonö atökengörekyenö tïkwïl.’ 24Wölo kungwïn mötworintonay kikitö talantayan akonga akïlö, ‘Echotyon, kyonkïtön lö ichinyi chi nyo aghïgh, ikösenyi pagh ompö wölo kimelechinyinye kïgh aighamïta wölo melö kilechinyi kösïgh. 25Kyawaghan, owan owïnchï ropïyontengu ngwïny. Anyï ye nyu, nyini le nyengu.’ 26Kilenchï echotyontenyi, ‘Ichinyi mötworin nyo gha aichï sosö. Ato kinkïtönyi lö kyokösan pagh ompöwölo kimolechanye kösïgh, aghamïta wölo melö kyolechan kösïgh, 27kimïchininyi nyu rorchinö ropïyenichan penki, wölo yiyegho ropïyen nyo kötonyorunan ropïyenichu nko tösöwekwa! 28Asarena ropïyontonini tïng atö chichona tïng talanten taman. 29#Mat 13:12; Mrk 4:25; Luk 8:18; 19:11. Ompöwölo kitöni chi kïgh nyo tïng aketösyï kïchangit. Wölo nyo melö tïng kïgh, kesöro ompö nyini kötïng. 30#Mat 8:12; 22:13; Luk 13:28; 19:11. Owirchï sany wölo tuw mötworintonï mötïnye kinyiwut. Riryegho pich wölini akïnyöghöy kelat ompö nyarïl.’
Kirwoko söröm
31 #
Mat 16:27; 19:28. “Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh, 32Kïtuyechini nyu pipö Punton tawunyi tökïtar chane le wölo törtoy mösöwontö kechir nko ngaror, 33törchini kechir ewunyi pö tagh, kïtörchï nekö ewunyi pö löt. 34Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny. 35Kyochan sutate apaghanïkwa, kyamatanïn maral, okonanïkwa pögh, kyochan ton, atachanïkwa ompö kestonikwo, 36kyochan chïrut, olokwanïkwa sïro, kyochan chirate apkanakwa arosanïn, kyomitan chela arutochanïkwa.’ 37Yokyini nyu pïchoni pö man pöytoghin lö, ‘Oyï nya, Echotyon ato kikïsïwecha nyi nko kömöy, kepaghacha nyi anta amatinyi maral kekoninyi pögh? 38Akwoyï ato kikïsïwecha nyi le ton ketokocha nyi anta ichï chïrut akelokucha nyi sïro? 39Akwoyï ato kikïsïwecha nyi ichï chirat anta imitö chela akerutoghchicha nyi?’ 40Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’
41“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi! 42Ompöwölo kyochan sutate omulanïkwa omisyö, kyamatanïn maral mokonanïkwanye pögh aghegh, 43kyochan ton wölo kimatakanïkwanye, kyochan chïrut amelö kyokonanïkwa sïra alak, kyochan chirate akyomitan chela, wölo kimapkanakwanye arosanïn.’ 44Yokyini nyu chane nyinte lö, ‘Akwoyï nya Echotyon ato kikïsïwecha nyi nko kömöy anta amatïn maral anta ichï ton anta ichï chïrut anta chirate anta imi chela amelö kikingarakacha nyi?’ 45Yokyini nyu pöytoghinto chane lö, ‘Omwowokwa nyoman lö, le wölini kyataghakwa oghchinö ngalechoni akonga ompö monechï mïnkech, kï kyataghakwa oghwanïn.’ 46#Dan 12:2. Kïrongöy nyu pïchoni kïpa nyarïlpa kokay, wölo petöy chinö pö man söpon pö kokay.”
Kakïtat kepar Yeso
(Mrk 14:1-2; Luk 22:1-2; Yna 11:45-53)
Currently Selected:
MATAYO 25: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
