MATAYO 22
22
1Kïpöghisyeghö Yeso ngat körkeyïntin kunet pich. 2Kimwa lö, “Karkegh Pöyunöto Yïm nko pöytoghin nyo kigh ichon nyo pö kensyo werïnyi. 3Kiyonta mötworichi kïpa kïkur pich kïpka ichon, wölo kïtagh pich kikïkur kïpka. 4Kïyonta ngat mötwori walaka kïmwochï pïchay kikikekur lö, ‘Kyaghan omisyewutkachu, kayengan eghinechu nko walaka cho okwoghöch akikwighisyö tïkwïn löwïr. Apkana ama ichon nyo pö kensyö!’ 5Wölo kimökïyangcha chane, kïpa pat kwigh ighisyewutkökwa: kiwö anka parenyi, kïwö anka kwigh mïnchïrïsnön, 6kïnam walaka mötworichi, kïmuny akïpar. 7Kïnarek pöytoghintö akïyonta askarinechi kïpa kuwany pörichini akïpel kanasyantengwa. 8Atolapay kïkur mötworichi akïlenchï, ‘Kikwitïta ato pö ichontönyan wölo kimömïchinotnye pïchay kikïkur. 9Ape nyu ortïna kanasyan okurunö pich cho chang cho tenö cho konyorï kïpka kwam ichon pö kensyö.’ 10Kïlenyona kïpa mötworichay kutang ortïna kanasyan akïghamïtï pich löwïr cho kimï chane kïnyorï cho karamach nko cho ghach, kïnyïghï pich köyoni pö kensyö.
11“Nyini kïwö pöytoghintö kura toyechi, kïsïwa chi nyo kimelaknye sïro pö kensyö mi ori. 12Kïtep chichay lö, ‘Wena, kengwïnanyi lö ne wölï amelö itïngetenyi sïro pö kensyö?’ Wölo kïnam kïgh kut. 13#Mat 8:12; 25:30; Luk 13:28. Kïlenchï pöytoghintö mötworichi, ‘Arata morïn nko kelyön awirchï sany wölo tuw. Lïku nyu rirat nko nyaghata kelat ompö kichïr.’ ”
14Kuwany Yeso nyu kïmwa lö, “Chang cho kïkukuröy, wölo ngörï cho kïkïlöy.”
Ngala kwaghata surï
(Mrk 12:13-17; Luk 20:20-26)
15Kïpa Parisaytin* kurwoch wölo nömtoy Yeso ompö kinetutkachi. 16Kïlenyona, kïyonta kinetankakwa nko pich cho rïpanpa Erode kïpa kïtep nyinte lö, “Konetin, kinkïtöcha lö ingölonenyi ngala man ainetenyi kunkïtï chi lö ne nyo möko Tororöt nyinte. Amewöghenyinye chi, ompöwölo meyongenyinye wowïn pö pich. 17Mwowecha köny wölo inontonyi, mïchini kekwöghchï Kaisari surï nya anta ewo?”
18Wölo kunkïtï Yeso lïsatengwa, kïlenyona kïlenchï, “Ochikwa lïsï! Kölö ne tomökekwa olutanïn ngöghöp? 19Oporwanïn ropïyeni chini kïkwögho surï!” Kutö nusïyon, 20kïtep Yeso chane lö, “Pö ngo motï nko kaynatanï mi ori nya?”
21Kïlenchï, “Pö Kaisari.”
Kïlenchï Yeso chane, “Kilenyona, otönö Kaisari tïkuchi, otö Tororöt chechi.”
22Nyini kilïm pïchay lenyoni, kïtöngönchï akïpïstö nyinte kïpechï kegh.
Kingalana Yeso paraku kitutunöt
(Mrk 12:18-27; Luk 20:27-40)
23 #
Ist 23:8. Kïpkonchï Yeso Sadukaytin,* ki chane cho kinetöy lö möminye kitutunötö. 24#Krt 25:5. Kïtep lö, “Konetin, kinetecha Musa lö ato rapas chi nyo kimösïknye monïng kïmïchini kïmïl werïngwa korketö atökïsïkyï werïngwa monïng. 25Kimi werpö chi cho le mut nko odeny cho kikïmöngecha tïkwïl. Kikensyö weri nyo wow akïma puryö monïng, kïmïl werïngwa korkenyi. 26Kwighisyö lenyoni ompö weri nyo pö odeny nko nyo pö sömök ntökwit weri nyo pö mut nko odeny. 27Ato mi löt kïma kokonay. 28Pöyitu ngo nyu kokonï ato tutï pich? Ompöwölo kip chane tïkwïl nyinte kï mut nko odeny?”
29Kuyokyï Yeso chane lö, “Ochikwa lelote nyoman ompöwölo monkïtökwanye kirurut anta owesyo Tororöt! 30Ompöwölo otini tutu cho kimeghö kïwöghökisyot kïkarkegh nko malayken ompö yïm, melö kensïyi chane anta kip. 31Kïkany ngala kitutunöto pich cho kimeghö, kitö tomönye so osomönökwa ngalechay kimwowokwa Tororöt? 32#Wuw 3:6. Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”
33Otini kilïm söpïchischay ngalechoni kïtöngönchï kinetutkachi.
Kirurut nyo wow
(Mrk 12:28-34; Luk 10:25-28)
34Nyini kilïm Parisaytin lö kimï Yeso kwigh Sadukaytin kïsisyö, kïghamïtï kegh, 35#Luk 10:25-28. kumukyï akong ompö chane nyo kile konetinto kirurut kityam nyinte kïtep lö, 36“Konetino, kirurut ne nyo wow tya ompö kirurut nya?”
37 #
Krt 6:5. Kuyokyï Yeso lö, “ ‘Chama Echotyon Tororötïngu ompö mïkulöwungu kïmïkul nko ompö söpontöngu kïmïkul nko ompö ngöghomnyengu kïmïkul.’ 38Nyoni Kirurutye nyo tagh akïnyoni nyo pïchigh tya. 39#Law 19:18. Akï nyo pö odeny nyo pïchigh tya kïlata nyoni, lentöy, ‘Chama pöröryengu le wölo ichömtonyi kegh.’ 40#Luk 10:25. Chïchïmo Kirurut pö Musa nko kinetut pö werkoy kirurut chete le odeny.”
Kangalana Yeso paraku Kristo*
(Mrk 12:35-37; Luk 20:41-44)
41Otini kighamïtï kegh Parisaytin, kïtep Yeso chane teput lö, 42“Ononekwa ne ompö Kristo? Wero ngo nyinte?”
Kuyokyï lö, “Pö ara Daudi.”
43Kuyokyï Yeso lö, “Kwompö ne tökïkurö Daudi nyinte ‘Echotyon,’ ompö owesyo Mïkulögh nyo Tïlil? Ompöwölo kilö Daudi,
44 #
Tum 110:1. ‘Kilenchï Echotyon Echotyontenyan:
Töpenö ewunyan pö tagh wölo konyïtote
ntökïtenö otönön punköku ngwïnyi kelyeku.’
45Kwoto kuro nyu Daudi Kristo ‘Echotyon,’ kï kalïkuna onö werïnyi?”
46Melö kitökïmi chi nyo kitökuyokyï nyinte ngölyon akimökïminye chi nyo kimukyï kïtep nyinte teput ngat kïngeta asisoni.
Körirchï Yeso pich kïripö kegh koneti kirurut nko Parisaytin
(Mrk 12:38-39; Luk 11:43,46; 20:45-46)
Currently Selected:
MATAYO 22: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
