MATAYO 20
20
1“Karkegh Pöyunöto Yïm nko chi nyo tïng para sapipun nyo kinget nyini le kiwasan kukir pich akïyonta chane kïpa parenyi pö sapipun. 2Kïchomnyechï kutö chane ropïyon akonga nyo pö silpa ompö asis akonga atolapay kïyonta chane kïpa parenyi. 3Kïnget ngat ato ngata satïn sömök, kinyorï pich walaka cho kimpuröy kwïle ompö donyö. 4Kïlenchï, ‘Ape tïkwïl angora parenyan pö sapipun okonokwa kïgh nyo mïchini.’ 5Kïpa nyu chane. Ato kingata satïn mut nko akonga nko ngat ato ngata satïn mut nko angwan, kwigh lenyaye. 6Kïmi ato ngata satïn taman nko akonga, kïwö chichay ngat donyö, kinyorï pich walaka cho kimi kimpuröy kwïle. Kïtep lö, ‘Ompö ne toghyongonekwa wöl kwimön kwïle puryö kasï?’ 7Kuyokyï lö, ‘Ompöwölo möminye chi nyo kökonecha kasï.’ Kïlenchï, ‘Ape nyo agha kasï parenyan pö sapipun!’
8 #
Law 19:13; Krt 24:15. “Nyini kiröytö asis, kïmwochï chichay pö par kighyongtoghintenyi, ‘Kurö pïchay keghöy kasï para sapipun atetönö chane ropïyenikwa, itoronyi chichinö kötö kungwïnöy iwantegha nyinö kitor.’ 9Kïpka nyu chinö kitor kasï ato kingata satïn taman nko akonga, kïtak chi anka tïkwïl ropïyonto silpa akonga nyo kipö asis akonga. 10Kïkany kïpka chinö kinya kutor, kïlenchini kegh kïnyoru cho tïlöy, wölo ketö chi anka tïkwïl ropïyonto silpa akonga nyo kipö asis akonga. 11Kïcheng ropïyenikwa akïngwïrngwïronchï chichay pö par lö, 12‘Nyini kegh pïchï kapka löt kasï nyo pö sa akonga kwïle, kï kölö ne tekongityenönyi nko acha cho kakighotisyö asis kwimön?’ 13Kïlenchï chichay akonga ompö pïchay, ‘Tere wena, melö kalïsinyi nkolentan kakïterchinö lö sïköy chi tïkwïl ropïyonto silpa akonga ompö asis akonga? 14Chenga nyengu aiwechï kegh, kamachan otö chichï pö löt kïkarkegh nko nyi. 15Kömotïngetanye so man otötö tïkuchu le wölo komöktoy? Kelilinyi so köromïntanyan?’ ”
16 #
Mat 19:30; Mrk 10:31; Luk 13:30. Kuwany nyu Yeso kïmwa lö, “Kïlenyona, lïku pich cho pö lötï cho pö tagh, kïlïkwï cho pö tagh cho pö löt.”
Kingalana Yeso meghenyi panto sömök
(Mrk 10:32-34; Luk 18:31-34)
17Otini kimi Yeso kïpusöy kutöngöy Yerusalem, kumït kinetankachi kïtaman nko odeny ato le sirö akïlenchï chane kimi pan, 18“Atere, kakïpusacha ketany Yerusalem akï wöloni wölo kitötegho Wero Chi ketöni tïsï cho echön nko koneti kirurut. Rwokyini chane nyinte ketïgh, 19atolapay kutö pipö punton kïnyerera nyinte akïmungö syaritin akïwudochï kimurtöwon, wölo kitutu nyinte ompö asispa sömök.”
Somsyo korka
(Mrk 10:35-45)
20Kiwö koko Sepedayo nko werkachi odeny wölo Yeso, akïkïtïngchï akïsom nyinte kïgh. 21Kïlenchï Yeso, “Imökenyi awunyi ne?” Kuyokyï lö, “Yomisö tökïtöpï werköchan chï le odeny ewungu nyo pö tagh nko nyo pö löt ompö Pöyunötengu.” 22Kuyokyï Yeso lö, “Monkïtökwanye kïgh nyo osomöy! Omukekwa so ogheghone kikompa nyo karich agheghtan?” Kuyokyï lö, “Kimuchecha.” 23Kïlenchï Yeso, “Nyoman, omukekwa ogheghone kikompenyan, wölo melö ani nyo okïlchini chi kïtöpö ewunyan nyo pö tagh anta nyo pö löt. Pö woptinechoni kwodeny pich cho kitötyï Paponyan.”
24Otini kilïm kinetanpa Yeso walaka ngalechini, kïnörekyï werchay tupchö le odeny. 25#Luk 22:25-26. Kïkur Yeso chane akïlenchï, “Onkïtökwa lö pöghisyegho pöytoghi Punton charut otini pöytoy pikökwa akïpöghisyeghö kintöghoghikwa kat. 26#Luk 22:25. Wölo melö lenye nyona ompö akwa. Ato mököy chi ompö akwa kïyetu, kïmïchini kïlïkwï nyinte mötworintekwa, 27#Mat 23:11; Mrk 9:35; Luk 22:26. akwoto mököy chi akong ompö akwa kïlïku nyo pö tagh kïmïchini kïlïkwï sekeyontenkwa, 28le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”
Kisop Yeso chepkörotonoy odeny
(Mrk 10:46-52; Luk 18:35-43)
29Akwotini kïngeto Yeriko, kïrïp söpïch nyo wow. 30Kïnget chepkörotonoy odeny cho kimpuröy kamas, otini kilïm lö mi Yeso kuweröy otini kuteghyö lö, “Wero Daudi, syonchecha wey!” 31Kïkar kong söpïchoni chane kïsisyö. Wölo kïtas tagh kuteghyö ngat tya lö, “Wero Daudi, syonchecha wey!” 32Kughyö Yeso akïkur chane kïtep lö, “Ne nyo omökekwa oghwokwa?” 33Kïlö, “Echotyon igha konyicha kurosïta!” 34Kusyonchï chane akïswany konyikwa kïnyini kurosïta akïrïp nyinte.
Kölït Yeso Yerusalem nko salat nyo wow
(Mrk 11:1-11; Luk 19:28-40; Yna 12:12-19)
Currently Selected:
MATAYO 20: PIPÏLIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
