OBUBALI 10
10
Etsitulumbete tsialombwa khufetsa
1OMWAMI nabool'la Musa mbu, 2“Lomba ebisiliba bibili okhurula khufetsa eyatuywa; ne obirumikhile khulwo okhulanga abandu bosi halala, nende khulwo okhusambula ekambi. 3Olwa ebisiliba biombi bikhupwa, abandu bosi bebunjikhe imbeli uwo habwinjil'lo bwe Liheema liokhubaho khwanje. 4Ne nibaba nibakhupa esisiliba silala sionyene, kho abakhulundu, abali abemeli bebilibwa bia Isiraeli, bebunjikhe aha oli. 5Ne olwe ebisiliba bihiinia amayoosi kabwangu, etsikambi etsili ebukwe tsichiake oluchendo lwatsio. 6Ne olwa bikhupwa okhuhiinia amayoosi kabwangu olwakhabili, etsikambi etsili enandete tsichiake oluchendo lwatsio; bikhupenje amayoosi kabwangu singa mbwo khulwa okhuchiakia tsinjendo. 7Nebutswa olwomukanda kwosi kwenya okhubunjelesibwa, ebisiliba bikhupwe khulwoluhono. 8Ne abasiani ba Haruni, abesaalisi, bakhupenje ebisiliba. Lilako yili okhwola lirumikhilwe khulweinziayo mumatukhu kosi akeetsanga. 9Kata olwa murula okhutsia mwihe musibala sienywe, okhulwana abasuku abamusandinjia, mukhupe ebisiliba khulwo okhumanyia mbu muli mwihe, ne ise OMWAMI Nyasaye wenywe naamukhonye, nimuhabina khubasuku benywe. 10Khandi khwitukhu liobusangali bwenywe, nohomba mumilukha chienywe, nohomba mumasabo kokhulaba khwomwesi, mukhupenje ebisiliba olwa muhaananga emisango chienywe emisambe, nende emisango chienywe chiobuhambani. Yisi silabetsanga khwinywe esiitsul'lo imbeli wanje ise Nyasaye wenywe. Ise nise OMWAMI Nyasaye wenywe.”
Abaisiraeli barula Sinai
11Mumuhika kwakhabili, mumwesi kwakhabili, khwitukhu liamakhumi kabili eliomumwesi yikwo okhurula olwa Abaisiraeli barula Emisiri, lilumbesi liarula khwiheema lio khubaho khwo MWAMI. 12Kho abandu ba Isiraeli bachiaka oluchendo lwabwe okhurula musitsiimi sia Sinai. Bachenda okhwola olwelumbesi liasinjila hasitsimi sia Parani.
13Bachiaka okhuchenda, singa OMWAMI yali nalachile Musa; 14ne buli lwosi olwa barulanga balondananga mubulosie bulala. Yabo abali hasi wependela yomukanda okwemel'lwanga nabolwibulo lwa Yuda bekholel'la okhurula mumikanda chiabwe; ne Nashoni omwana wa Aminadabu yali omwemeli wabwe. 15Ne omwemeli wolwibulo lwa Isakari yali Natsanieli omwana wa Suari. 16Ne omwemeli wolwibulo lwa Sabuloni yali Eliabu omwana wa Heloni.
17Liheema liokhubaho khwo MWAMI liasambulwanga, abesilibwa sia Gerishoni nende esia Merari, abachinganga Liheema liokhubaho khwo MWAMI nabo nibachaaka oluchendo. 18Ma yabo abali hasi wependela yekambi ya Rubeni balondakhwo mumikanda chiabwe; ne Elisuri omwana wa Shedeuri nali omwemeli wabwe. 19Ne omwemeli wolwibulo lwa Simioni yali Shelumieli omwana wa Surishadai. 20Ne omwemeli wolwibulo lwa Gadi yali Eliasafu omwana wa Deweli.
21Ma Abalawi besilibwa sia Kohatsi balondakhwo, nibachinjile ebindu ebitsienukhu. Ne Liheema liokhubaho khwo MWAMI liasinjisibwanga nibasili okhwola ahekambi elondakhwo yakhomwa.
22Ma yabo abali hasi wependela yekambi yolwibulo lwa Efuraimu balondakhwo, mumikanda chiabwe, ne Elishama omwana wa Amihudi nali singa omwemeli. 23Ne omwemeli wolwibulo lwa Manase yali Gamalieli omwana wa Pedasuri. 24Ne omwemeli wolwibulo lwa Benjameni yali Abidani omwana wa Gideoni.
25Ma yabo abali hasi wependela yekambi yolwibulo lwa Dani, eyamalilikha khutsikambi tsiosi okhutsisinga emukongo, nibalondakhwo mumikanda chiabwe; ne Abieseri omwana wa Amishadai nali omwemeli wabwe. 26Ne omwemeli wolwibulo lwa Asheri yali Pagieli omwana wa Okirani. 27Ne omwemeli wolwibulo lwa Nafutali yali Ahila omwana wa Enani. 28Tsinjendo tsiabandu ba Isiraeli tsiali singa mbwo, olwa basambulanga ekambi nibachaaka oluchendo.
29Ne Musa yabool'la omukhwe uwe Hobabu, omusiani wa Yetsero, Omumidiani, mbu, “Khuli khuluchendo okhutsia habundu ho MWAMI yakhubool'la mbu yakhakhuhelesie. Ye wakhusubisia mbu yakhahindihasie Isiraeli, kho hamba khutsie n'nawe, nefwe nakhusange n'nawe mubuhinda bwefwe.”
30Naye namukalusia mbu “Sinzia n'nenywe tawe; ngalukhanga musibala siefwe, khubolwibulo lwanje.”
31Musa namubool'la mbu “Khusaayanga mbu orakhulekha tawe; sichila niwe omanyile ahakhunyala okhwombokha etsikambi musitsiimi, ne olaba omwemeli wefwe. 32Ne noba notsia n'nefwe, khulakabulana ebindu biosi ebio MWAMI nakhuhelesie.”
33Abandu bachiaka oluchendo kho olwabandu barula khusikulu sia Sinai, esikulu esitsienukhu, bachenda khulwamatukhu kataru. Lisanduku lie Indakano yo MWAMI liali imbeli wabwe amatukhu kataru yako khulwo khubakhabila ahokhukhoma ekambi. 34Lilumbesi lio MWAMI niliba ikulu wabwe m'basu, olwa bachiaka oluchendo okhurula mukambi.
35Ne buli olwe Lisanduku Liendakano liarulanga, Musa yaboolanga mbu, “E OMWAMI, obuukhe! Abasukubo basalaanibwe, ma otaabie yabo abakhubihil'lwanga.”#Etsisa. 68:1 36Ne olwa liasinjilanga, yaboolanga mbu, “E OMWAMI, kalukhila Abaisiraeli etsielefu netsielefu.”
Currently Selected:
OBUBALI 10: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
OBUBALI 10
10
Etsitulumbete tsialombwa khufetsa
1OMWAMI nabool'la Musa mbu, 2“Lomba ebisiliba bibili okhurula khufetsa eyatuywa; ne obirumikhile khulwo okhulanga abandu bosi halala, nende khulwo okhusambula ekambi. 3Olwa ebisiliba biombi bikhupwa, abandu bosi bebunjikhe imbeli uwo habwinjil'lo bwe Liheema liokhubaho khwanje. 4Ne nibaba nibakhupa esisiliba silala sionyene, kho abakhulundu, abali abemeli bebilibwa bia Isiraeli, bebunjikhe aha oli. 5Ne olwe ebisiliba bihiinia amayoosi kabwangu, etsikambi etsili ebukwe tsichiake oluchendo lwatsio. 6Ne olwa bikhupwa okhuhiinia amayoosi kabwangu olwakhabili, etsikambi etsili enandete tsichiake oluchendo lwatsio; bikhupenje amayoosi kabwangu singa mbwo khulwa okhuchiakia tsinjendo. 7Nebutswa olwomukanda kwosi kwenya okhubunjelesibwa, ebisiliba bikhupwe khulwoluhono. 8Ne abasiani ba Haruni, abesaalisi, bakhupenje ebisiliba. Lilako yili okhwola lirumikhilwe khulweinziayo mumatukhu kosi akeetsanga. 9Kata olwa murula okhutsia mwihe musibala sienywe, okhulwana abasuku abamusandinjia, mukhupe ebisiliba khulwo okhumanyia mbu muli mwihe, ne ise OMWAMI Nyasaye wenywe naamukhonye, nimuhabina khubasuku benywe. 10Khandi khwitukhu liobusangali bwenywe, nohomba mumilukha chienywe, nohomba mumasabo kokhulaba khwomwesi, mukhupenje ebisiliba olwa muhaananga emisango chienywe emisambe, nende emisango chienywe chiobuhambani. Yisi silabetsanga khwinywe esiitsul'lo imbeli wanje ise Nyasaye wenywe. Ise nise OMWAMI Nyasaye wenywe.”
Abaisiraeli barula Sinai
11Mumuhika kwakhabili, mumwesi kwakhabili, khwitukhu liamakhumi kabili eliomumwesi yikwo okhurula olwa Abaisiraeli barula Emisiri, lilumbesi liarula khwiheema lio khubaho khwo MWAMI. 12Kho abandu ba Isiraeli bachiaka oluchendo lwabwe okhurula musitsiimi sia Sinai. Bachenda okhwola olwelumbesi liasinjila hasitsimi sia Parani.
13Bachiaka okhuchenda, singa OMWAMI yali nalachile Musa; 14ne buli lwosi olwa barulanga balondananga mubulosie bulala. Yabo abali hasi wependela yomukanda okwemel'lwanga nabolwibulo lwa Yuda bekholel'la okhurula mumikanda chiabwe; ne Nashoni omwana wa Aminadabu yali omwemeli wabwe. 15Ne omwemeli wolwibulo lwa Isakari yali Natsanieli omwana wa Suari. 16Ne omwemeli wolwibulo lwa Sabuloni yali Eliabu omwana wa Heloni.
17Liheema liokhubaho khwo MWAMI liasambulwanga, abesilibwa sia Gerishoni nende esia Merari, abachinganga Liheema liokhubaho khwo MWAMI nabo nibachaaka oluchendo. 18Ma yabo abali hasi wependela yekambi ya Rubeni balondakhwo mumikanda chiabwe; ne Elisuri omwana wa Shedeuri nali omwemeli wabwe. 19Ne omwemeli wolwibulo lwa Simioni yali Shelumieli omwana wa Surishadai. 20Ne omwemeli wolwibulo lwa Gadi yali Eliasafu omwana wa Deweli.
21Ma Abalawi besilibwa sia Kohatsi balondakhwo, nibachinjile ebindu ebitsienukhu. Ne Liheema liokhubaho khwo MWAMI liasinjisibwanga nibasili okhwola ahekambi elondakhwo yakhomwa.
22Ma yabo abali hasi wependela yekambi yolwibulo lwa Efuraimu balondakhwo, mumikanda chiabwe, ne Elishama omwana wa Amihudi nali singa omwemeli. 23Ne omwemeli wolwibulo lwa Manase yali Gamalieli omwana wa Pedasuri. 24Ne omwemeli wolwibulo lwa Benjameni yali Abidani omwana wa Gideoni.
25Ma yabo abali hasi wependela yekambi yolwibulo lwa Dani, eyamalilikha khutsikambi tsiosi okhutsisinga emukongo, nibalondakhwo mumikanda chiabwe; ne Abieseri omwana wa Amishadai nali omwemeli wabwe. 26Ne omwemeli wolwibulo lwa Asheri yali Pagieli omwana wa Okirani. 27Ne omwemeli wolwibulo lwa Nafutali yali Ahila omwana wa Enani. 28Tsinjendo tsiabandu ba Isiraeli tsiali singa mbwo, olwa basambulanga ekambi nibachaaka oluchendo.
29Ne Musa yabool'la omukhwe uwe Hobabu, omusiani wa Yetsero, Omumidiani, mbu, “Khuli khuluchendo okhutsia habundu ho MWAMI yakhubool'la mbu yakhakhuhelesie. Ye wakhusubisia mbu yakhahindihasie Isiraeli, kho hamba khutsie n'nawe, nefwe nakhusange n'nawe mubuhinda bwefwe.”
30Naye namukalusia mbu “Sinzia n'nenywe tawe; ngalukhanga musibala siefwe, khubolwibulo lwanje.”
31Musa namubool'la mbu “Khusaayanga mbu orakhulekha tawe; sichila niwe omanyile ahakhunyala okhwombokha etsikambi musitsiimi, ne olaba omwemeli wefwe. 32Ne noba notsia n'nefwe, khulakabulana ebindu biosi ebio MWAMI nakhuhelesie.”
33Abandu bachiaka oluchendo kho olwabandu barula khusikulu sia Sinai, esikulu esitsienukhu, bachenda khulwamatukhu kataru. Lisanduku lie Indakano yo MWAMI liali imbeli wabwe amatukhu kataru yako khulwo khubakhabila ahokhukhoma ekambi. 34Lilumbesi lio MWAMI niliba ikulu wabwe m'basu, olwa bachiaka oluchendo okhurula mukambi.
35Ne buli olwe Lisanduku Liendakano liarulanga, Musa yaboolanga mbu, “E OMWAMI, obuukhe! Abasukubo basalaanibwe, ma otaabie yabo abakhubihil'lwanga.”#Etsisa. 68:1 36Ne olwa liasinjilanga, yaboolanga mbu, “E OMWAMI, kalukhila Abaisiraeli etsielefu netsielefu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019