ABALAWI 9
9
Haruni nende abasianibe bachiaka okhukhola omulimo kwabwe
1Litukhu elialondakhwo, omulukha kwokhwemekhwa nikuhweye, Musa yalanga Haruni nende abasiani baabe, halala nabemeli ba Baisiraeli. 2Yabool'la Haruni mbu, “Bukula esimoosi esichulukhi nende limiiku eliralikhwo nobulema bwosi tawe ma obihaane singa omusango khu MWAMI. Ohaane esimoosi singa omusango kwetsimbi ne limiiku singa omusango kwokhusambwa. 3Ma obool'le Abaisiraeli babukule imbusi ekhole khulwo musango kwetsimbi, esimoosi siomuhika mulala nende esimeme sielikondi siomuhika mulala ebibulakhwo obulema bwosi khulwokhuhaana omusango kwokhusambwa, 4khandi echulukhi nende limiiku khulwo omusango kwobuhambani. Babihaane singa omusango khu MWAMI, halala nende omusango kwobuswache nikutsokan'nemwo amafura. Okhwola bakhole yaka sichila OMWAMI yetsa okhulolekha khu Baisiraeli olwaleelo.”
5Abaisiraeli baleera ebindu bia Musa yabalaka imbeli we Liheema ma omukanda kwa Baisiraeli bosi nikwebunjikha habwene yaho khulwo khwekayakaya OMWAMI. 6Musa naboola mbu, “OMWAMI umulachile okhukhola yaka kho obulafu bubwe obwakhanga nibumanyianga okhubaho khukhwe bulolekhe khu inywe.” 7Ma Musa nabool'la Haruni mbu, “Tsia khulusambwa ma ohaane omusango kwetsimbi nende omusango kwokhusambwa khulwo khuhiniaho tsimbi tsitsio nende tsimbi tsiabandu. Ohaane omusango yiku khulwo okhuhiinia tsimbi tsiabandu bosi, singa obwo MWAMI yalaka kakholwe.”#Heb. 7:27
8Haruni yatsia halusambwa ma niyeera esimoosi esichulukhi esiali omusango kwetsimbi tsitsie omwene. 9Abasiani baabe nibamuleer'ra amatsahi kasio ma niyeenamwo esitere sisie ma nabakha malala khutsinzika tsiomutsikona tsiolusambwa, ma nasundula akasikala hasi holusambwa. 10Ma nasambila khulusambwa esinya, etsisiko tsibili nende aheingurumani eli indahi okhusila, singa obwo MWAMI yali niyalaka Musa kakholwe. 11Nebutswa nasambila inyama yasio nende liseelo liasio esioba wekambi.
12Haruni yeera omuruko okwali singa omusango kukwe okwokhusambwa. Abasiani baabe nibamuleer'ra amatsahi kakwo ne nakasundula khutsimbeka tsine etsiolusambwa. 13Bamuhelesia omurwe kwakwo nende ebitonye bindi biomuruko tsana ma nabisambila khulusambwa. 14Ma nasaaba ebiomunda khandi nasaaba ebilenje bieinyuma ma nabisambila khulusambwa ikulu womusango kwokhusambwa okwali nikusikaye.
15Namal'le okhukhola yaka, Haruni yahaana emisango chiabandu bandi bosi. Yabukula imbusi yokhuhaana khumusango kwetsimbi tsiabandu, nachiira ma nahaana omusango yikwo singa obwa yali nahan'ne omusango kukwe kwetsimbi. 16Khandi naleera omuruko kwomusango kwokhusambwa ma nakuhaana singa obwa amalako kaboolanga. 17Khandi nahaana omusango kwobuswache ma nabukulakhwo obusie mufuusi ma nabusambila khulusambwa okhumeeta khumusango kwokhusambwa kwa bulitukhu. 18Yeera echulukhi nende limiiku singa omusango kwobuhambani khubandu. Abasiani baabe nibamuleer'ra amatsahi ma nasundula khutsimbeka tsine tsiosi etsiolusambwa.#Abal. 3:1-11 19Haruni yabukula ebitonye biesinya yechulukhi nende ebitonye biesinya yelimiiku 20nabira ikulu weinyama yokhusilifu yomuruko ma nabichinga biosi nabira khulusambwa. Nasambila esinya khulusambwa. 21Ma nahaana inyama yokhusilifu nende ebinama bieinyuma ebiomukhono omusaatsa singa esihanwa esichomekhe khu MWAMI khulwokhuhaana khubesaalisi singa obwa Musa yalaka kakholwe.
22Olwa Haruni yali namal'le okhuhaana emisango chiosi, yachingula amakhono kaake khulwo okhulaamila abandu tsikhabi ma niyekha hasi okhurula aholusambwa lwali.#Obub. 6:22-26 23Musa nende Haruni benjila Mwiheema, ne olwa barulamwo, balaamila abandu tsikhabi ne okhwakha khwobulafu obumanyianga okhubaho khwo MWAMI bwalolekha khubandu bosi. 24Matetekhana OMWAMI naruma omul'lo, ma nikulia omusango kwokhusambwa nende ebitonye biesinya ebiali khulusambwa. Olwabandu balola yaka, bakhupa liyoka ma nibenamia emirwe chiabwe hasi khulwokhuhaana oluyali.
Currently Selected:
ABALAWI 9: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ABALAWI 9
9
Haruni nende abasianibe bachiaka okhukhola omulimo kwabwe
1Litukhu elialondakhwo, omulukha kwokhwemekhwa nikuhweye, Musa yalanga Haruni nende abasiani baabe, halala nabemeli ba Baisiraeli. 2Yabool'la Haruni mbu, “Bukula esimoosi esichulukhi nende limiiku eliralikhwo nobulema bwosi tawe ma obihaane singa omusango khu MWAMI. Ohaane esimoosi singa omusango kwetsimbi ne limiiku singa omusango kwokhusambwa. 3Ma obool'le Abaisiraeli babukule imbusi ekhole khulwo musango kwetsimbi, esimoosi siomuhika mulala nende esimeme sielikondi siomuhika mulala ebibulakhwo obulema bwosi khulwokhuhaana omusango kwokhusambwa, 4khandi echulukhi nende limiiku khulwo omusango kwobuhambani. Babihaane singa omusango khu MWAMI, halala nende omusango kwobuswache nikutsokan'nemwo amafura. Okhwola bakhole yaka sichila OMWAMI yetsa okhulolekha khu Baisiraeli olwaleelo.”
5Abaisiraeli baleera ebindu bia Musa yabalaka imbeli we Liheema ma omukanda kwa Baisiraeli bosi nikwebunjikha habwene yaho khulwo khwekayakaya OMWAMI. 6Musa naboola mbu, “OMWAMI umulachile okhukhola yaka kho obulafu bubwe obwakhanga nibumanyianga okhubaho khukhwe bulolekhe khu inywe.” 7Ma Musa nabool'la Haruni mbu, “Tsia khulusambwa ma ohaane omusango kwetsimbi nende omusango kwokhusambwa khulwo khuhiniaho tsimbi tsitsio nende tsimbi tsiabandu. Ohaane omusango yiku khulwo okhuhiinia tsimbi tsiabandu bosi, singa obwo MWAMI yalaka kakholwe.”#Heb. 7:27
8Haruni yatsia halusambwa ma niyeera esimoosi esichulukhi esiali omusango kwetsimbi tsitsie omwene. 9Abasiani baabe nibamuleer'ra amatsahi kasio ma niyeenamwo esitere sisie ma nabakha malala khutsinzika tsiomutsikona tsiolusambwa, ma nasundula akasikala hasi holusambwa. 10Ma nasambila khulusambwa esinya, etsisiko tsibili nende aheingurumani eli indahi okhusila, singa obwo MWAMI yali niyalaka Musa kakholwe. 11Nebutswa nasambila inyama yasio nende liseelo liasio esioba wekambi.
12Haruni yeera omuruko okwali singa omusango kukwe okwokhusambwa. Abasiani baabe nibamuleer'ra amatsahi kakwo ne nakasundula khutsimbeka tsine etsiolusambwa. 13Bamuhelesia omurwe kwakwo nende ebitonye bindi biomuruko tsana ma nabisambila khulusambwa. 14Ma nasaaba ebiomunda khandi nasaaba ebilenje bieinyuma ma nabisambila khulusambwa ikulu womusango kwokhusambwa okwali nikusikaye.
15Namal'le okhukhola yaka, Haruni yahaana emisango chiabandu bandi bosi. Yabukula imbusi yokhuhaana khumusango kwetsimbi tsiabandu, nachiira ma nahaana omusango yikwo singa obwa yali nahan'ne omusango kukwe kwetsimbi. 16Khandi naleera omuruko kwomusango kwokhusambwa ma nakuhaana singa obwa amalako kaboolanga. 17Khandi nahaana omusango kwobuswache ma nabukulakhwo obusie mufuusi ma nabusambila khulusambwa okhumeeta khumusango kwokhusambwa kwa bulitukhu. 18Yeera echulukhi nende limiiku singa omusango kwobuhambani khubandu. Abasiani baabe nibamuleer'ra amatsahi ma nasundula khutsimbeka tsine tsiosi etsiolusambwa.#Abal. 3:1-11 19Haruni yabukula ebitonye biesinya yechulukhi nende ebitonye biesinya yelimiiku 20nabira ikulu weinyama yokhusilifu yomuruko ma nabichinga biosi nabira khulusambwa. Nasambila esinya khulusambwa. 21Ma nahaana inyama yokhusilifu nende ebinama bieinyuma ebiomukhono omusaatsa singa esihanwa esichomekhe khu MWAMI khulwokhuhaana khubesaalisi singa obwa Musa yalaka kakholwe.
22Olwa Haruni yali namal'le okhuhaana emisango chiosi, yachingula amakhono kaake khulwo okhulaamila abandu tsikhabi ma niyekha hasi okhurula aholusambwa lwali.#Obub. 6:22-26 23Musa nende Haruni benjila Mwiheema, ne olwa barulamwo, balaamila abandu tsikhabi ne okhwakha khwobulafu obumanyianga okhubaho khwo MWAMI bwalolekha khubandu bosi. 24Matetekhana OMWAMI naruma omul'lo, ma nikulia omusango kwokhusambwa nende ebitonye biesinya ebiali khulusambwa. Olwabandu balola yaka, bakhupa liyoka ma nibenamia emirwe chiabwe hasi khulwokhuhaana oluyali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019