ABALAWI 3
3
Emisango chiobuhambani
1Omundu wosi niyakhahaana khu MWAMI ndala khutsing'ombe tsitsie singa omusango kwobuhambani okhwola ebe echulukhi nohomba etwasi eralikhwo nobulema bwosi tawe. 2Omundu uyo are omukhono kukwe omusaatsa khumurwe kwayo, ma atsiir're habwinjil'lo bwe Liheema liokhubaho khwo MWAMI. Abesaalisi banyul'lusie amatsahi kayo khutsimbeka tsiosi etsiolusambwa 3ma bahaane ebitonye bieing'ombe bino singa ebiokhulia ebihanwanga khu MWAMI: esinya yosi eli khubiomunda, 4etsisiko tsibili nende esinya eli khutsio, ma nende habundu aheingurumani eli indali okhusila. 5Abesaalisi balasamba yibi biosi khulusambwa halala nemisango chiokhusambwa. Okhuhunya khwebiokhulia ebihanwanga yibi khuyanzisianga OMWAMI.
6Likondi nohomba imbusi nerumikhilwa singa omusango kwobuhambani, okhwola libe lisaatsa nohomba likhasi, nebutswa lirabakhwo nobulema bwosi tawe. 7Omundu niyakhahaana likondi singa omusango khu MWAMI, 8okhwola are omukhono kukwe omusaatsa khumurwe kwalio ma aliir're imbeli we Liheema. Abesaalisi betsa okhusundula amatsahi kalio khutsimbeka tsine tsiolusambwa 9ma bahaane ebitonye bielikondi bino singa ebiokhulia ebihanwanga khu MWAMI: esinya, isembe nekhalachiywe ahembi khumukongo, esinya yosi eli khubiomunda, 10etsisiko tsibili nende esinya eli khutsio, nende aheingurumani eli indahi okhusila. 11Omwesaalisi orumikhanga olwene yilwo asambe yibi biosi khulusambwa singa ebiokhulia ebihanwanga khu MWAMI.
12Omundu naba nahaana imbusi singa omusango, khu MWAMI, 13okhwola abiikhe omukhono kukwe omusaatsa khumurwe kwayo ma atsiir're imbeli we Liheema. Abesaalisi balasundula amatsahi kayo khutsimbeka tsiosi etsiolusambwa 14ma bahaane ebitonye bieimbusi bino singa ebiokhulia ebihanwanga khu MWAMI: esinya yosi eli khubiomunda, 15etsisiko tsibili nende esinya yatsio ma nende aheingurumani eli indahi okhusila. 16Omwesaalisi alasamba yibi biosi khulusambwa singa esihanwa siebiokhulia ebiyanzisianga OMWAMI. Esinya yosi neyo MWAMI. 17Omuisiraeli wosi araliakhwo esinya nohomba amatsahi tawe; yili nelilako elia Abaisiraeli bakwana okhulinda amatukhu kosi habundu hosi habamenyele.
Currently Selected:
ABALAWI 3: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ABALAWI 3
3
Emisango chiobuhambani
1Omundu wosi niyakhahaana khu MWAMI ndala khutsing'ombe tsitsie singa omusango kwobuhambani okhwola ebe echulukhi nohomba etwasi eralikhwo nobulema bwosi tawe. 2Omundu uyo are omukhono kukwe omusaatsa khumurwe kwayo, ma atsiir're habwinjil'lo bwe Liheema liokhubaho khwo MWAMI. Abesaalisi banyul'lusie amatsahi kayo khutsimbeka tsiosi etsiolusambwa 3ma bahaane ebitonye bieing'ombe bino singa ebiokhulia ebihanwanga khu MWAMI: esinya yosi eli khubiomunda, 4etsisiko tsibili nende esinya eli khutsio, ma nende habundu aheingurumani eli indali okhusila. 5Abesaalisi balasamba yibi biosi khulusambwa halala nemisango chiokhusambwa. Okhuhunya khwebiokhulia ebihanwanga yibi khuyanzisianga OMWAMI.
6Likondi nohomba imbusi nerumikhilwa singa omusango kwobuhambani, okhwola libe lisaatsa nohomba likhasi, nebutswa lirabakhwo nobulema bwosi tawe. 7Omundu niyakhahaana likondi singa omusango khu MWAMI, 8okhwola are omukhono kukwe omusaatsa khumurwe kwalio ma aliir're imbeli we Liheema. Abesaalisi betsa okhusundula amatsahi kalio khutsimbeka tsine tsiolusambwa 9ma bahaane ebitonye bielikondi bino singa ebiokhulia ebihanwanga khu MWAMI: esinya, isembe nekhalachiywe ahembi khumukongo, esinya yosi eli khubiomunda, 10etsisiko tsibili nende esinya eli khutsio, nende aheingurumani eli indahi okhusila. 11Omwesaalisi orumikhanga olwene yilwo asambe yibi biosi khulusambwa singa ebiokhulia ebihanwanga khu MWAMI.
12Omundu naba nahaana imbusi singa omusango, khu MWAMI, 13okhwola abiikhe omukhono kukwe omusaatsa khumurwe kwayo ma atsiir're imbeli we Liheema. Abesaalisi balasundula amatsahi kayo khutsimbeka tsiosi etsiolusambwa 14ma bahaane ebitonye bieimbusi bino singa ebiokhulia ebihanwanga khu MWAMI: esinya yosi eli khubiomunda, 15etsisiko tsibili nende esinya yatsio ma nende aheingurumani eli indahi okhusila. 16Omwesaalisi alasamba yibi biosi khulusambwa singa esihanwa siebiokhulia ebiyanzisianga OMWAMI. Esinya yosi neyo MWAMI. 17Omuisiraeli wosi araliakhwo esinya nohomba amatsahi tawe; yili nelilako elia Abaisiraeli bakwana okhulinda amatukhu kosi habundu hosi habamenyele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019