ABALAWI 1
1
Emisango chiokhusambwa emichima
1OMWAMI yalanga Musa nali Mwiheema liokhubaho khwo MWAMI ma namuhelesia amalako kano 2khulwa Abaisiraeli okhulonda olwa bahaananga emisango chiabwe.
Olwo omundu wosi mwinywe ahaananga omusango kwomuruko, okhwola aleere ndala khutsing'ombe tsitsie nohomba elala khumakondi kaake nohomba ndala khutsimbusi tsitsie. 3Nikali ahaananga ndala khutsing'ombe tsitsie singa omusango kwokhusambwa, okhwola aleere ing'ombe echulukhi eralikhwo nobulema bwosi tawe. Okhwola achileere habwinjil'lo bwe Liheema liokhubaho khwo MWAMI kho OMWAMI abe onyala okhumuhuchil'la. 4Omundu ohaananga omusango yikwo are omukhono kukwe omusaatsa khumurwe kwechulukhi y'yo ne nayo elahuchil'lwa singa omusango kwokhuhiniaho tsimbi tsitsie. 5Yer're echulukhi y'yo mubwinjil'lo bwe Liheema, ne abasiani ba Haruni abakholanga omulimo kwobwesaalisi bahaane amatsahi khu MWAMI ma khandi bakasundule khutsimbeka tsiosi tsine etsiolusambwa oluli mubwinjil'lo bwe Liheema. 6Ma mwene muruko yetsa okhunyenya ahiniekhwo liseelo ma akukhalanie mubitonye, 7abesaalisi nabo barechekhe tsikhwi khulusambwa ma bahambiemwo omul'lo. 8Abesaalisi betsa okhura ebitonye bieinyama mumul'lo, omurwe halala nesinya nibilimwo. 9Mwene muruko okhwola asaabe ebiomunda nende ebilenje bieinyuma ne omwesaalisi orumikhanga olwene yilwo alasambila omusango kwosi omuchima khulusambwa. Okhuhunya khwebiokhulia ebihanwanga yibi khu yanzisianga OMWAMI.
10Omundu naba nahaana elala khumakondike nohomba ndala khumbusi tsitsie okhwola libe limiiku nohomba ekhole sila obulema bwosi. 11Yer're limiiku yilio nohomba ekhole y'yio elubeka wesinyolu wolusambwa, ne abesaalisi basundule amatsahi komusango yikwo khutsimbeka tsiosi tsiolusambwa. 12Omundu uyo namal'le okhukhalania omusango yikwo, omwesaalisi orumikhanga olwene yilwo abiikhe ebitonye biosi bine khumul'lo, omurwe halala nende esinya nibilimwo. 13Okhwola omundu uyo asaabe ebiomunda nende ebilenje bieinyuma, ma omwesaalisi ahaane omusango yikwo khu MWAMI, ma akusambile khulusambwa nikuchiman'ne. Okhuhunya khwebiokhulia ebihanwanga yibi khuyanzisianga OMWAMI.
14Ne omundu naba nahaananga khu MWAMI linyonyi singa omusango kwokhusambwa, okhwola libe likhuulwi nohomba esituka. 15Omwesaalisi alalihaana khulusambwa, naborola likosi lialio ma asambe omurwe kwalio khulusambwa. Omwesaalisi alanyul'lusia amatsahi kalio khulubeka lwolusambwa. 16Alahinia libotselo nende emiilo chialio ma abifuube khulubeka webukwe wolusambwa ahelikokhe litsukhwanga. 17Omwesaalisi alatiila tsimbaha tsialio ma aliabule, nebutswa aralikhalaniamwo hakari tawe. Ma omwesaalisi alisambile khulusambwa nilichiman'ne. Okhuhunya khwebiokhulia ebihanwanga yibi khuyanzisianga OMWAMI.
Currently Selected:
ABALAWI 1: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ABALAWI 1
1
Emisango chiokhusambwa emichima
1OMWAMI yalanga Musa nali Mwiheema liokhubaho khwo MWAMI ma namuhelesia amalako kano 2khulwa Abaisiraeli okhulonda olwa bahaananga emisango chiabwe.
Olwo omundu wosi mwinywe ahaananga omusango kwomuruko, okhwola aleere ndala khutsing'ombe tsitsie nohomba elala khumakondi kaake nohomba ndala khutsimbusi tsitsie. 3Nikali ahaananga ndala khutsing'ombe tsitsie singa omusango kwokhusambwa, okhwola aleere ing'ombe echulukhi eralikhwo nobulema bwosi tawe. Okhwola achileere habwinjil'lo bwe Liheema liokhubaho khwo MWAMI kho OMWAMI abe onyala okhumuhuchil'la. 4Omundu ohaananga omusango yikwo are omukhono kukwe omusaatsa khumurwe kwechulukhi y'yo ne nayo elahuchil'lwa singa omusango kwokhuhiniaho tsimbi tsitsie. 5Yer're echulukhi y'yo mubwinjil'lo bwe Liheema, ne abasiani ba Haruni abakholanga omulimo kwobwesaalisi bahaane amatsahi khu MWAMI ma khandi bakasundule khutsimbeka tsiosi tsine etsiolusambwa oluli mubwinjil'lo bwe Liheema. 6Ma mwene muruko yetsa okhunyenya ahiniekhwo liseelo ma akukhalanie mubitonye, 7abesaalisi nabo barechekhe tsikhwi khulusambwa ma bahambiemwo omul'lo. 8Abesaalisi betsa okhura ebitonye bieinyama mumul'lo, omurwe halala nesinya nibilimwo. 9Mwene muruko okhwola asaabe ebiomunda nende ebilenje bieinyuma ne omwesaalisi orumikhanga olwene yilwo alasambila omusango kwosi omuchima khulusambwa. Okhuhunya khwebiokhulia ebihanwanga yibi khu yanzisianga OMWAMI.
10Omundu naba nahaana elala khumakondike nohomba ndala khumbusi tsitsie okhwola libe limiiku nohomba ekhole sila obulema bwosi. 11Yer're limiiku yilio nohomba ekhole y'yio elubeka wesinyolu wolusambwa, ne abesaalisi basundule amatsahi komusango yikwo khutsimbeka tsiosi tsiolusambwa. 12Omundu uyo namal'le okhukhalania omusango yikwo, omwesaalisi orumikhanga olwene yilwo abiikhe ebitonye biosi bine khumul'lo, omurwe halala nende esinya nibilimwo. 13Okhwola omundu uyo asaabe ebiomunda nende ebilenje bieinyuma, ma omwesaalisi ahaane omusango yikwo khu MWAMI, ma akusambile khulusambwa nikuchiman'ne. Okhuhunya khwebiokhulia ebihanwanga yibi khuyanzisianga OMWAMI.
14Ne omundu naba nahaananga khu MWAMI linyonyi singa omusango kwokhusambwa, okhwola libe likhuulwi nohomba esituka. 15Omwesaalisi alalihaana khulusambwa, naborola likosi lialio ma asambe omurwe kwalio khulusambwa. Omwesaalisi alanyul'lusia amatsahi kalio khulubeka lwolusambwa. 16Alahinia libotselo nende emiilo chialio ma abifuube khulubeka webukwe wolusambwa ahelikokhe litsukhwanga. 17Omwesaalisi alatiila tsimbaha tsialio ma aliabule, nebutswa aralikhalaniamwo hakari tawe. Ma omwesaalisi alisambile khulusambwa nilichiman'ne. Okhuhunya khwebiokhulia ebihanwanga yibi khuyanzisianga OMWAMI.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019