OKHUCHIAKA 47
47
1Yosefu yabukula abasiani babwe barano natsia n'nabo khumuruchi, Naboola, “Papa wanje nende abaana befwe betsele okhurula Kanaani, halala nende emiruko chiabwe nende tsing'ombe tsiabwe, nende biosi ebia bali n'nabio. Bali musibala sia Kosheni.” 2Ma namanyia omuruchi abaana babwe. 3Omuruchi nabareeba, “Emilimo chienywe echiamukholanga nechiliena?”
Nabo nibakalusia, “Omwami, ifwe khuli abaayi singa abakuka befwe balinji abaayi. 4Khwitsile okhumenya musibala sino, sichila musibala sia Kanaani inzala neingali okhusila makata obunyaasi bwokhwaya emiruko chiefwe bubula. Noyanza khuhelesie obweyangu okhumenya musibala sia Kosheni.” 5Omuruchi nabool'la Yosefu, “Luno sichila mbu Papawo nende abasiani benywe betsele, 6esibala sie Misiri nesiabwe. Lekha bamenye musibala sia Kosheni, esili neliloba lilahi okhuyomba haundi hosi. Ne noba nomanyile balala mubo abali netsingufu obare okhulinda emiruko chianje.” 7Ma Yosefu naleera Yakobo samwana, namumanyia khumuruchi. Yakobo nasabila omuruchi ikhabi, 8ne omuruchi namureeba, “Oli nemihika chianga?”
9Yakobo nakalusia mbu, “Amatukhu kobulamu bwanje nemihika emia ndala nende amakhumi kataru ne ndachendanga y'yi neyiyi. Emihika yichio nemitututu khandi emitinyu, sichihela nende emihika eminji chiabakuka banje tawe, kata nikali nabo bachendananga yiyi neyiyi.” 10Yakobo nasabila omuruchi ikhabi yokhumuseebula ma narula. 11Ma Yosefu namenyia samwana nende abaana babwe musibala sie Misiri, nabahelesia liloba eliali lilahi ahembi nende Ramase, singa obwomuruchi yali nalachile. 12Yosefu nahaana ebiakhulia khu samwana, abasiani babwe nende bosi abeinyumba yasamwana halala nende abaana abati.
Amatukhu keinzala
13Inzala yali ingali okhusila ma ebiakhulia nibibula musibala siosi, ne abandu be Misiri nende Abakanaani nibahwa tsingufu khulweinzala. 14Olwa bakulanga obuswache ne Yosefu nabunjelesia amapesa kosi nahila munyumba yomuruchi. 15Olwa amapesa kosi musibala sie Misiri nende esia Kanaani kali nikahweye, Abaamisiri beetsa khu Yosefu nibaboola mbu, “Khuhelesie ebiakhulia. Orakhulekha butswa khufwe tawe. Amapesa kefwe kosi kahwa.”
16Yosefu nakalusia mbu, “Muleere emiruko chienywe nase muhelesie ebiakhulia, nimuba nimubula amapesa.” 17Ma nibaleera emiruko chiabwe khu Yosefu, naye nasilaania ebiakhulia nende etsisululi tsiabwe, namakondi, netsimbusi, netsing'ombe, nende etsipunda. Omuhika yikwo yabakabul'la ebiakhulia nende emiruko chiabwe chiosi.
18Omuhika okwalondakhwo beetsa khuye nibaboola mbu, “Omwami, sikhukhubisakhwo ling'ana liosi tawe. Amapesa kefwe kosi kahwa khandi emiruko chiefwe chiosi luno nechichio. Sikhuli nende esindu siosi esisikaaye tawe nichirali emibili chiefwe nende emikunda chiefwe. 19Orakhulekha khufwe tawe. Okhukule ifwe nende emikunda chiefwe khulwebiakhulia. Nakhube abasumba bomuruchi ma nabe niye mwene emikunda chiefwe. Okhuheelesie obuswache bwokhulia nende imwo eyokhuraaka mumikunda chiefwe.”
20Yosefu nakul'la omuruchi liloba liosi elie Misiri. Abaamisiri bosi bakusia emikunda chiabwe sichila inzala yali inyinji, ma liloba liosi niliba omwandu kwomuruchi. 21Yosefu nakhola abandu bosi okhuba abasumba okhurula khutsindulo tsiosi etsie Misiri. 22Liloba elirakulwa liali eliabesaalisi lionyene. Bo sibali okhukusia emikunda chiabwe tawe sichila omuruchi yabahuchil'la okhumenyamwo. 23Yosefu nabool'la abandu mbu, “Lole, mal'le okhumukula inywe nende emikunda chienywe khulwomuruchi, imwo njieino muraache mumikunda chienywe. 24Olwe lichesa liakhoole mwakhahaane buli sitonye silala khubirano khumuruchi. Ebitonye bindi bine khubirano mwakharumikhile singa imwo nende ebiakhulia bienywe nabaana benywe.”
25Nabo nibamukalusia mbu, “Uhonisie obulamu bwefwe. Ukhukholeye obulahi omwami, ne nakhube abasumba bomuruchi.” 26Ma Yosefu naraho lilako musibala sie Misiri mbu esitonye silala khubirano khumachese kosi nesiomuruchi. Lilako yilio lisiliho okhwola leelo. Emikunda chiabesaalisi chionyene nichio echirabukulwa okhuba echiomuruchi.
Obureebi bwa Yakobo obwokhumalilikha
27Abaisiraeli bamenyanga musibala sie Misiri musibala sia Kosheni, nibenyool'layo emiandu eminji, nibebulan'nayo ma nibenjiha okhusila. 28Yakobo yamenya Emisiri emihika likhumi nende chine nachitaru, okhwola olwa yoola emihika emia ndala nende amakhumi kane nende chine nachitaru. 29Olwe tsinyinga tsitsie tsiokhufwa tsioola, yalanga omwanawe Yosefu namubool'la mbu, “Ra omukhonokwo mumarango kanje ma undesuhile mbu siwakhanzabilekhwo Emisiri tawe.#Okhuch. 49:29-32; 50:6 30Nyenyanga nanzabilwe ahabakuka banje bayabilwa, naunjinge okhurula Emisiri ma naunzabile habayabilwa.”
Yosefu nakalusia, “Nakhole singa obwobooye.”
31Yakobo naboola, “Wesuuhe mbu nokhole mbwo.” Yosefu niyesuha, ma Yakobo nakhupa embwo nali khusitandasie.
Currently Selected:
OKHUCHIAKA 47: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHUCHIAKA 47
47
1Yosefu yabukula abasiani babwe barano natsia n'nabo khumuruchi, Naboola, “Papa wanje nende abaana befwe betsele okhurula Kanaani, halala nende emiruko chiabwe nende tsing'ombe tsiabwe, nende biosi ebia bali n'nabio. Bali musibala sia Kosheni.” 2Ma namanyia omuruchi abaana babwe. 3Omuruchi nabareeba, “Emilimo chienywe echiamukholanga nechiliena?”
Nabo nibakalusia, “Omwami, ifwe khuli abaayi singa abakuka befwe balinji abaayi. 4Khwitsile okhumenya musibala sino, sichila musibala sia Kanaani inzala neingali okhusila makata obunyaasi bwokhwaya emiruko chiefwe bubula. Noyanza khuhelesie obweyangu okhumenya musibala sia Kosheni.” 5Omuruchi nabool'la Yosefu, “Luno sichila mbu Papawo nende abasiani benywe betsele, 6esibala sie Misiri nesiabwe. Lekha bamenye musibala sia Kosheni, esili neliloba lilahi okhuyomba haundi hosi. Ne noba nomanyile balala mubo abali netsingufu obare okhulinda emiruko chianje.” 7Ma Yosefu naleera Yakobo samwana, namumanyia khumuruchi. Yakobo nasabila omuruchi ikhabi, 8ne omuruchi namureeba, “Oli nemihika chianga?”
9Yakobo nakalusia mbu, “Amatukhu kobulamu bwanje nemihika emia ndala nende amakhumi kataru ne ndachendanga y'yi neyiyi. Emihika yichio nemitututu khandi emitinyu, sichihela nende emihika eminji chiabakuka banje tawe, kata nikali nabo bachendananga yiyi neyiyi.” 10Yakobo nasabila omuruchi ikhabi yokhumuseebula ma narula. 11Ma Yosefu namenyia samwana nende abaana babwe musibala sie Misiri, nabahelesia liloba eliali lilahi ahembi nende Ramase, singa obwomuruchi yali nalachile. 12Yosefu nahaana ebiakhulia khu samwana, abasiani babwe nende bosi abeinyumba yasamwana halala nende abaana abati.
Amatukhu keinzala
13Inzala yali ingali okhusila ma ebiakhulia nibibula musibala siosi, ne abandu be Misiri nende Abakanaani nibahwa tsingufu khulweinzala. 14Olwa bakulanga obuswache ne Yosefu nabunjelesia amapesa kosi nahila munyumba yomuruchi. 15Olwa amapesa kosi musibala sie Misiri nende esia Kanaani kali nikahweye, Abaamisiri beetsa khu Yosefu nibaboola mbu, “Khuhelesie ebiakhulia. Orakhulekha butswa khufwe tawe. Amapesa kefwe kosi kahwa.”
16Yosefu nakalusia mbu, “Muleere emiruko chienywe nase muhelesie ebiakhulia, nimuba nimubula amapesa.” 17Ma nibaleera emiruko chiabwe khu Yosefu, naye nasilaania ebiakhulia nende etsisululi tsiabwe, namakondi, netsimbusi, netsing'ombe, nende etsipunda. Omuhika yikwo yabakabul'la ebiakhulia nende emiruko chiabwe chiosi.
18Omuhika okwalondakhwo beetsa khuye nibaboola mbu, “Omwami, sikhukhubisakhwo ling'ana liosi tawe. Amapesa kefwe kosi kahwa khandi emiruko chiefwe chiosi luno nechichio. Sikhuli nende esindu siosi esisikaaye tawe nichirali emibili chiefwe nende emikunda chiefwe. 19Orakhulekha khufwe tawe. Okhukule ifwe nende emikunda chiefwe khulwebiakhulia. Nakhube abasumba bomuruchi ma nabe niye mwene emikunda chiefwe. Okhuheelesie obuswache bwokhulia nende imwo eyokhuraaka mumikunda chiefwe.”
20Yosefu nakul'la omuruchi liloba liosi elie Misiri. Abaamisiri bosi bakusia emikunda chiabwe sichila inzala yali inyinji, ma liloba liosi niliba omwandu kwomuruchi. 21Yosefu nakhola abandu bosi okhuba abasumba okhurula khutsindulo tsiosi etsie Misiri. 22Liloba elirakulwa liali eliabesaalisi lionyene. Bo sibali okhukusia emikunda chiabwe tawe sichila omuruchi yabahuchil'la okhumenyamwo. 23Yosefu nabool'la abandu mbu, “Lole, mal'le okhumukula inywe nende emikunda chienywe khulwomuruchi, imwo njieino muraache mumikunda chienywe. 24Olwe lichesa liakhoole mwakhahaane buli sitonye silala khubirano khumuruchi. Ebitonye bindi bine khubirano mwakharumikhile singa imwo nende ebiakhulia bienywe nabaana benywe.”
25Nabo nibamukalusia mbu, “Uhonisie obulamu bwefwe. Ukhukholeye obulahi omwami, ne nakhube abasumba bomuruchi.” 26Ma Yosefu naraho lilako musibala sie Misiri mbu esitonye silala khubirano khumachese kosi nesiomuruchi. Lilako yilio lisiliho okhwola leelo. Emikunda chiabesaalisi chionyene nichio echirabukulwa okhuba echiomuruchi.
Obureebi bwa Yakobo obwokhumalilikha
27Abaisiraeli bamenyanga musibala sie Misiri musibala sia Kosheni, nibenyool'layo emiandu eminji, nibebulan'nayo ma nibenjiha okhusila. 28Yakobo yamenya Emisiri emihika likhumi nende chine nachitaru, okhwola olwa yoola emihika emia ndala nende amakhumi kane nende chine nachitaru. 29Olwe tsinyinga tsitsie tsiokhufwa tsioola, yalanga omwanawe Yosefu namubool'la mbu, “Ra omukhonokwo mumarango kanje ma undesuhile mbu siwakhanzabilekhwo Emisiri tawe.#Okhuch. 49:29-32; 50:6 30Nyenyanga nanzabilwe ahabakuka banje bayabilwa, naunjinge okhurula Emisiri ma naunzabile habayabilwa.”
Yosefu nakalusia, “Nakhole singa obwobooye.”
31Yakobo naboola, “Wesuuhe mbu nokhole mbwo.” Yosefu niyesuha, ma Yakobo nakhupa embwo nali khusitandasie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019