OKHUCHIAKA 38
38
Yuda nende Tamari
1Mumatukhu kene yako Yuda yalekha abaana babwe ma natsia okhumenya nende omundu walangwa Hira, owomusibala sia Adulamu. 2Yuda yakan'nayo nende omukhaana Omukanaani owa samwana yalangwanga Shua, ma namuteesia. 3Niyebula omwana omusiani, namukulikha Eri. 4Khandi nabelekha ma niyebula omusiani undi, namukulikha Onani. 5Khandi niyebula omusiani undi namukulikha Shela. Yuda yali nali Akishibi olwo omwana uyo yebulwa.
6Yuda yanyool'la omwanawe owokhuranga Eri omukhasi owalangwa Tamari. 7Tsifwo tsia Eri tsiali tsimbibibi, ma sitsiayanzisia OMWAMI tawe, kachila OMWAMI namwiira. 8Ma Yuda nabool'la Onani mbu, “Tsia obe nende omukhasi womwana wenywe. Omukalusie singa omwana wanga omusaatsawe, khe onyool'le omwana wenywe olwibulo.” 9Ne Onani yamanya bulahi mbu abaana yabo sibakhaba abaabe tawe, kho olwayabetsanga nende omukhasi womusiani wabwe, yatsukhanga butswa obumwo bubwe hasi, khe alekhe okhunyool'la omusiani wabwe abaana. 10Akene yako kasinya OMWAMI okhusila, ma OMWAMI namwiira naye khandi. 11Ma Yuda nabool'la omukhaanawe Tamari mbu, “Kalukha munyumba mwa papawo, omenye singa omulekhwa okhwola olwo omwana wanje Shela yakhabe nakhul'le.” Yaboola mbwo sichila yaria mbu Shela naye yakheerwa singa abaana babwe. Ma Tamari nakalukha owabwe.
12Olunyumakhwo mukha Yuda nafwa. Olwa Yuda yali namal'le amasika, yarula nende omulinawe Hira owokhurula Adulamu nibatsia Timina, hamakondike kali nikakhalakungwa obwoya. 13Omundu yamala nabool'la Tamari mbu nyakhusalanyene atsitsanga Timina okhukhalaka amakondike obwoya. 14Ma nanabula tsingubotsie etsiobulekhwa, niyebiikha olububi ma nafuunikha m'moni, niyekhala musilibwa sia Enaimu, khunjila yokhutsia Timina. Yali namanyile bulahi mbu Shela omwana wa Yuda yali niyakhula ne siyali niyamukalusia tawe.
15Olwa Yuda yamulola, yapaala mbu nomutamba, sichila yali nafuunikhile obweni bubwe. 16Natsia khuye khundulo khweinjila naboola mbu, “Nyenyanga mbe n'nawe, omurungokwo nisina?” Siyamanyanga mbu ninyakhusalawe tawe.
Naye namureeba, “Nikhuba n'nawe wakhamba sina?”
17Yuda nakalusia, “Nakhuleer're esimeeme sieimbusi okhurula mubiayo bianje.”
Naye naboola, “Umbelesie esindu esiandiila okhwola olwa nobe noler're imbusi tsana.”
18Yuda namureeba, “Nisina esiawenya khuhe otiile?”
Naye nakalusia, “Ingakayo yesimanyisio nende olutsiha lwayo, ma nende indabusi yochinjile m'mukhono.” Namuhelesia ebindu yibio, ne niyenjila naba n'naye, ma nabelekha. 19Tamari yarula nakalukha ingo ne nanabula olububi ma niyebiikha khandi tsingubo tsiobulekhwa.
20Yuda yaruma omulinawe Hira okhuhila imbusi ma abukule ebindu biayali nalekheye omukhasi uyo okhutiila, nebutswa Hira siyamunyoola tawe. 21Nareebakhwo abandu ba Enaimu, “Omutamba wali khunjila khuno ali hena?”
Nabo nibaboola, “Omutamba sabetsangakhwo hano tawe.”
22Nakalukha khu Yuda naboola, “Simunyooye tawe. Abandu bahabwene yaho babooye omutamba sabetsangakhwoho tawe.”
23Yuda naboola mbu, “Lekha abe nebindu yibio sikhwenya abandu bakhutsekhel'le tawe. Njomele okhumurunga, nebutswa siomunyooye tawe.”
24Inyuma wemiesi chitaru omundu nabool'la Yuda, “Nyakhusalawo Tamari yakhol'lenje obutamba ma wabelekhele inda yobuheyi.”
Yuda nahaana lilako naboola, “Mumubukule ma mumusambe afwe.”
25Olwayali nahiinibungwa yaruma ling'ana khunyakhusalanyene naboola, “Inda yandabelekha neyomundu mwene ebindu yibi. Bihenje olole nebiawina, ingaka yesimanyilo nolutsiha lwayo ma nende indabusi.”
26Yuda niyeyama mbu nebibie, naboola, “Aboolanga akatooto. Sindahesia akandenyekhanga mbesie tawe. Kenyekhanga muhaane khumwana wanje Shela amuteesie.” Ma Yuda siyamala nabakhwo n'naye khandi tawe.
27Olwe tsinyinga tsieinumwa tsioola, kalolekha mbu nayebule amakhwana. 28Olwa yali nalumwanga omwana mulala yahiinia omukhono ne omukhasi wokhwibusia nakutiila ma nabohakhwo oluusi olwakhanyu. Naboola mbu, “Uno niye owokhuranga okhwibulwa.” 29Nebutswa omwana uyo yakalusia omukhonokwe ma omwana wabwe naranga okhwibulwa. Ma omukhasi wokhwibusia naboola “Kho ibe omwene wekhal'liliiye okhurula.” Ma namukulikha Peresi. 30Olunyumakhwo ne omusiani wabwe niyebulwa nali nende oluusi olwakhanyu khumukhonokwe ne nakulikhwa Sera.
Currently Selected:
OKHUCHIAKA 38: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHUCHIAKA 38
38
Yuda nende Tamari
1Mumatukhu kene yako Yuda yalekha abaana babwe ma natsia okhumenya nende omundu walangwa Hira, owomusibala sia Adulamu. 2Yuda yakan'nayo nende omukhaana Omukanaani owa samwana yalangwanga Shua, ma namuteesia. 3Niyebula omwana omusiani, namukulikha Eri. 4Khandi nabelekha ma niyebula omusiani undi, namukulikha Onani. 5Khandi niyebula omusiani undi namukulikha Shela. Yuda yali nali Akishibi olwo omwana uyo yebulwa.
6Yuda yanyool'la omwanawe owokhuranga Eri omukhasi owalangwa Tamari. 7Tsifwo tsia Eri tsiali tsimbibibi, ma sitsiayanzisia OMWAMI tawe, kachila OMWAMI namwiira. 8Ma Yuda nabool'la Onani mbu, “Tsia obe nende omukhasi womwana wenywe. Omukalusie singa omwana wanga omusaatsawe, khe onyool'le omwana wenywe olwibulo.” 9Ne Onani yamanya bulahi mbu abaana yabo sibakhaba abaabe tawe, kho olwayabetsanga nende omukhasi womusiani wabwe, yatsukhanga butswa obumwo bubwe hasi, khe alekhe okhunyool'la omusiani wabwe abaana. 10Akene yako kasinya OMWAMI okhusila, ma OMWAMI namwiira naye khandi. 11Ma Yuda nabool'la omukhaanawe Tamari mbu, “Kalukha munyumba mwa papawo, omenye singa omulekhwa okhwola olwo omwana wanje Shela yakhabe nakhul'le.” Yaboola mbwo sichila yaria mbu Shela naye yakheerwa singa abaana babwe. Ma Tamari nakalukha owabwe.
12Olunyumakhwo mukha Yuda nafwa. Olwa Yuda yali namal'le amasika, yarula nende omulinawe Hira owokhurula Adulamu nibatsia Timina, hamakondike kali nikakhalakungwa obwoya. 13Omundu yamala nabool'la Tamari mbu nyakhusalanyene atsitsanga Timina okhukhalaka amakondike obwoya. 14Ma nanabula tsingubotsie etsiobulekhwa, niyebiikha olububi ma nafuunikha m'moni, niyekhala musilibwa sia Enaimu, khunjila yokhutsia Timina. Yali namanyile bulahi mbu Shela omwana wa Yuda yali niyakhula ne siyali niyamukalusia tawe.
15Olwa Yuda yamulola, yapaala mbu nomutamba, sichila yali nafuunikhile obweni bubwe. 16Natsia khuye khundulo khweinjila naboola mbu, “Nyenyanga mbe n'nawe, omurungokwo nisina?” Siyamanyanga mbu ninyakhusalawe tawe.
Naye namureeba, “Nikhuba n'nawe wakhamba sina?”
17Yuda nakalusia, “Nakhuleer're esimeeme sieimbusi okhurula mubiayo bianje.”
Naye naboola, “Umbelesie esindu esiandiila okhwola olwa nobe noler're imbusi tsana.”
18Yuda namureeba, “Nisina esiawenya khuhe otiile?”
Naye nakalusia, “Ingakayo yesimanyisio nende olutsiha lwayo, ma nende indabusi yochinjile m'mukhono.” Namuhelesia ebindu yibio, ne niyenjila naba n'naye, ma nabelekha. 19Tamari yarula nakalukha ingo ne nanabula olububi ma niyebiikha khandi tsingubo tsiobulekhwa.
20Yuda yaruma omulinawe Hira okhuhila imbusi ma abukule ebindu biayali nalekheye omukhasi uyo okhutiila, nebutswa Hira siyamunyoola tawe. 21Nareebakhwo abandu ba Enaimu, “Omutamba wali khunjila khuno ali hena?”
Nabo nibaboola, “Omutamba sabetsangakhwo hano tawe.”
22Nakalukha khu Yuda naboola, “Simunyooye tawe. Abandu bahabwene yaho babooye omutamba sabetsangakhwoho tawe.”
23Yuda naboola mbu, “Lekha abe nebindu yibio sikhwenya abandu bakhutsekhel'le tawe. Njomele okhumurunga, nebutswa siomunyooye tawe.”
24Inyuma wemiesi chitaru omundu nabool'la Yuda, “Nyakhusalawo Tamari yakhol'lenje obutamba ma wabelekhele inda yobuheyi.”
Yuda nahaana lilako naboola, “Mumubukule ma mumusambe afwe.”
25Olwayali nahiinibungwa yaruma ling'ana khunyakhusalanyene naboola, “Inda yandabelekha neyomundu mwene ebindu yibi. Bihenje olole nebiawina, ingaka yesimanyilo nolutsiha lwayo ma nende indabusi.”
26Yuda niyeyama mbu nebibie, naboola, “Aboolanga akatooto. Sindahesia akandenyekhanga mbesie tawe. Kenyekhanga muhaane khumwana wanje Shela amuteesie.” Ma Yuda siyamala nabakhwo n'naye khandi tawe.
27Olwe tsinyinga tsieinumwa tsioola, kalolekha mbu nayebule amakhwana. 28Olwa yali nalumwanga omwana mulala yahiinia omukhono ne omukhasi wokhwibusia nakutiila ma nabohakhwo oluusi olwakhanyu. Naboola mbu, “Uno niye owokhuranga okhwibulwa.” 29Nebutswa omwana uyo yakalusia omukhonokwe ma omwana wabwe naranga okhwibulwa. Ma omukhasi wokhwibusia naboola “Kho ibe omwene wekhal'liliiye okhurula.” Ma namukulikha Peresi. 30Olunyumakhwo ne omusiani wabwe niyebulwa nali nende oluusi olwakhanyu khumukhonokwe ne nakulikhwa Sera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019