OKHURULA 8
8
Likhupako lia Masele
1Ma OMWAMI, nabool'la Musa “Tsia khumuruchi omubool'le mbu OMWAMI aboolanga ‘Lekha abandu banje batsie okhundekayakaya.’ 2Noba nosuula, nambaane esinyasio musibala sisio khulwo okhwitsusiamwo amaseelo. 3Omuchela kwa Naili nakwitsulemwo amasele ma nakarulemwo nikenjila hango haho; nakenjile mubikoti ebiokonangamwo, mulwalo lwesitanda sisio, mutsinyumba tsiabakhongobo nende etsiabandubo, kata nende mumachiko kokhutekha nende mubifuria bibio. 4Nakaruume khu iwe nende khubandu baabo halala nende abemeli belihanga lilio!”
5OMWAMI nabool'la Musa, “Bool'la Haruni achinguule indabusi yiye khumichela khumayabo nende khumatubango kamaatsi ma kachile amasele ketse okhwitsula musibala sie Misiri.” 6Haruni yachinguula indabusi yiye khumaatsi kosi ma amasele niketsula musibala sie Misiri. 7Nebutswa abafumu barumikhila obufumu bwabwe, khandi nabo nibaleera amasele khusibala.
8Omuruchi nalanga Musa nende Haruni ma nababool'la mbu, “Saaye khu MWAMI ahiinie amasele yaka Musibala nase nandekhe abandu batsie okhuhaana omusango khu MWAMI.”
9Musa nakalusia mbu, “Ndakhasangala okhukhusaayila. Mbool'la inyinga yanyala okhukhusaayila ibe nende abemelibo nende abandubo, ma amasele nakarule musibala siosi ne libulaho elianalisikale nikarali akali mumuchela kwa Naili.”
10Omuruchi nakalusia mbu, “Nausaayile mukamba.”
Musa naboola mbu, “Nakhole akorebele ma nilwo olwa nomanye mbu khubulakhwo nende nyasaye undi narali OMWAMI Nyasaye wefwe. 11Ibe nende abemeli baabo nende abandubo namuhinibwekhwo amasele, ne libulaho elianalisikale nikarali akali mumuchela kwa Naili.” 12Ma Musa nende Haruni nibarula khumuruchi ne Musa nasaaya khu MWAMI mbu ahiinie amasele aka yali naleer're khumuruchi. 13OMWAMI yakhola singa Musa yali nareebele ne amasele akali mutsinyumba, mumikitsi nende mumikunda nikafwa. 14Abaamisiri bakabunjikha mubifuumi ebikali ma esibala siosi nisihunya obukundu khulwako. 15Olwomuruchi yalola mbu amasele kafwiye, yatinyia omwoyo kukwe khandi, ne singa OMWAMI yali nabooye omuruchi siyahulila Musa nende Haruni tawe.
Likhupako lietsinda
16Ma OMWAMI nabool'la Musa mbu, “Bool'la Haruni akhupe indabusi yiye hasi, ne musibala siosi esie Emisiri olukuukhi nalukalukhane okhukwa tsinda.” 17Kho Haruni yakhupa indabusi yiye hasi ne olukuukhi musibala siosi esie Misiri lwakalukhana okhukwa tsinda etsienjila mubandu nende mumiruko. 18Abafumu bateema okhurumikhila obufumu bwabwe okhuleera tsinda nebutswa sibanyala tawe. Khwaliho netsinda siahabundu hosi, 19ne abafumu babool'la omuruchi mbu, “OMWAMI niye okhol'le yaka!” Nebutswa omuruchi yatinyia omwoyo kukwe, ne singa OMWAMI yali nabooye omuruchi siyahulila Musa nende Haruni tawe.#Lk. 11:20
Likhupako lietsisi
20OMWAMI nabool'la Musa mbu, “Nibusieye mukamba tsuli notsie okhwakan'na omuruchi natsitsanga mumuchela, ma omubool'le mbu OMWAMI aboolanga mbu, ‘Lakhuula abandu banje batsie okhundekayakaya. 21Khubool'langa mbu noba nosuula, nakhuler're tsisi singa esinyasio khuibe omwene nende abemelibo nende abandubo. Tsinyumba tsia Abaamisiri natsitsulemwo tsisi khandi natsitsule habundu hosi. 22Nebutswa musibala sia Gosheni ahabandu banje bamenyanga sinareho tsisi tawe. Nakhole yaka kho nomanye mbu ise OMWAMI kholanga emilimo musibala muno. 23Nareho olwakhwo hakari habandu banje nende abandu baabo. Ling'ana yili naliekhole mukamba!’ ” 24OMWAMI yaruma emisinga emikali hango homuruchi nende mutsinyumba tsiabemelibe. Esibala siosi sifwabibwa netsisi.
25Ma omuruchi nalanga Musa nende Haruni nababool'la mbu, “Tsie muhaane emisango khu Nyasaye wenywe hano musibala sianje.”
26Musa namukalusia mbu, “Yako sikakhaba akahabwene tawe, sichila Abaamisiri bakhachonya mumakani khulwe emisango tsietsinyama etsia khuhaananga khu MWAMI Nyasaye wefwe. Nikhuba nikhurumikhila tsinyama yitsi ma khuchile Abaamisiri bachonye olwa khutsihaana habundu habanyala okhulola, beetsa okhukhulasa namachina ma bakhwire. 27Okhwola khutsie oluchendo lwamatukhu kataru musitsiimi okhuhaana omusango khu MWAMI Nyasaye wefwe singa butswa yakhulaka.”
28Omuruchi naboola mbu, “Namuhuchil'le okhutsia okhuhaana omusango khu MWAMI Nyasaye wenywe musitsiimi nikali simwakhatsia ehale okhurula hano tawe. Musaayile.”
29Musa nakalusia, “Olwa nzia okhuba nirul'le hano nzia okhusaaya khu MWAMI mbu mukamba, tsisi natsirule khuibe, khubemeli baabo, nende khubandubo. Nebutswa orakhukaata khandi ma wikal'le abandu balekhe okhutsia okhuhaana omusango khu MWAMI tawe.”
30Musa yarula khumuruchi ma nasaaya khu MWAMI, 31ne OMWAMI yakhola aka Musa yali namureebele. Tsisi tsiarula khumuruchi khubemeli babe nende khubandu babe; ebulaho kata ndala eyasikalakhwo tawe. 32Nebutswa kata olwene yilu omuruchi yatinyia omwoyo kukwe ne khandi siyalekha abandu okhutsia tawe.
Currently Selected:
OKHURULA 8: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 8
8
Likhupako lia Masele
1Ma OMWAMI, nabool'la Musa “Tsia khumuruchi omubool'le mbu OMWAMI aboolanga ‘Lekha abandu banje batsie okhundekayakaya.’ 2Noba nosuula, nambaane esinyasio musibala sisio khulwo okhwitsusiamwo amaseelo. 3Omuchela kwa Naili nakwitsulemwo amasele ma nakarulemwo nikenjila hango haho; nakenjile mubikoti ebiokonangamwo, mulwalo lwesitanda sisio, mutsinyumba tsiabakhongobo nende etsiabandubo, kata nende mumachiko kokhutekha nende mubifuria bibio. 4Nakaruume khu iwe nende khubandu baabo halala nende abemeli belihanga lilio!”
5OMWAMI nabool'la Musa, “Bool'la Haruni achinguule indabusi yiye khumichela khumayabo nende khumatubango kamaatsi ma kachile amasele ketse okhwitsula musibala sie Misiri.” 6Haruni yachinguula indabusi yiye khumaatsi kosi ma amasele niketsula musibala sie Misiri. 7Nebutswa abafumu barumikhila obufumu bwabwe, khandi nabo nibaleera amasele khusibala.
8Omuruchi nalanga Musa nende Haruni ma nababool'la mbu, “Saaye khu MWAMI ahiinie amasele yaka Musibala nase nandekhe abandu batsie okhuhaana omusango khu MWAMI.”
9Musa nakalusia mbu, “Ndakhasangala okhukhusaayila. Mbool'la inyinga yanyala okhukhusaayila ibe nende abemelibo nende abandubo, ma amasele nakarule musibala siosi ne libulaho elianalisikale nikarali akali mumuchela kwa Naili.”
10Omuruchi nakalusia mbu, “Nausaayile mukamba.”
Musa naboola mbu, “Nakhole akorebele ma nilwo olwa nomanye mbu khubulakhwo nende nyasaye undi narali OMWAMI Nyasaye wefwe. 11Ibe nende abemeli baabo nende abandubo namuhinibwekhwo amasele, ne libulaho elianalisikale nikarali akali mumuchela kwa Naili.” 12Ma Musa nende Haruni nibarula khumuruchi ne Musa nasaaya khu MWAMI mbu ahiinie amasele aka yali naleer're khumuruchi. 13OMWAMI yakhola singa Musa yali nareebele ne amasele akali mutsinyumba, mumikitsi nende mumikunda nikafwa. 14Abaamisiri bakabunjikha mubifuumi ebikali ma esibala siosi nisihunya obukundu khulwako. 15Olwomuruchi yalola mbu amasele kafwiye, yatinyia omwoyo kukwe khandi, ne singa OMWAMI yali nabooye omuruchi siyahulila Musa nende Haruni tawe.
Likhupako lietsinda
16Ma OMWAMI nabool'la Musa mbu, “Bool'la Haruni akhupe indabusi yiye hasi, ne musibala siosi esie Emisiri olukuukhi nalukalukhane okhukwa tsinda.” 17Kho Haruni yakhupa indabusi yiye hasi ne olukuukhi musibala siosi esie Misiri lwakalukhana okhukwa tsinda etsienjila mubandu nende mumiruko. 18Abafumu bateema okhurumikhila obufumu bwabwe okhuleera tsinda nebutswa sibanyala tawe. Khwaliho netsinda siahabundu hosi, 19ne abafumu babool'la omuruchi mbu, “OMWAMI niye okhol'le yaka!” Nebutswa omuruchi yatinyia omwoyo kukwe, ne singa OMWAMI yali nabooye omuruchi siyahulila Musa nende Haruni tawe.#Lk. 11:20
Likhupako lietsisi
20OMWAMI nabool'la Musa mbu, “Nibusieye mukamba tsuli notsie okhwakan'na omuruchi natsitsanga mumuchela, ma omubool'le mbu OMWAMI aboolanga mbu, ‘Lakhuula abandu banje batsie okhundekayakaya. 21Khubool'langa mbu noba nosuula, nakhuler're tsisi singa esinyasio khuibe omwene nende abemelibo nende abandubo. Tsinyumba tsia Abaamisiri natsitsulemwo tsisi khandi natsitsule habundu hosi. 22Nebutswa musibala sia Gosheni ahabandu banje bamenyanga sinareho tsisi tawe. Nakhole yaka kho nomanye mbu ise OMWAMI kholanga emilimo musibala muno. 23Nareho olwakhwo hakari habandu banje nende abandu baabo. Ling'ana yili naliekhole mukamba!’ ” 24OMWAMI yaruma emisinga emikali hango homuruchi nende mutsinyumba tsiabemelibe. Esibala siosi sifwabibwa netsisi.
25Ma omuruchi nalanga Musa nende Haruni nababool'la mbu, “Tsie muhaane emisango khu Nyasaye wenywe hano musibala sianje.”
26Musa namukalusia mbu, “Yako sikakhaba akahabwene tawe, sichila Abaamisiri bakhachonya mumakani khulwe emisango tsietsinyama etsia khuhaananga khu MWAMI Nyasaye wefwe. Nikhuba nikhurumikhila tsinyama yitsi ma khuchile Abaamisiri bachonye olwa khutsihaana habundu habanyala okhulola, beetsa okhukhulasa namachina ma bakhwire. 27Okhwola khutsie oluchendo lwamatukhu kataru musitsiimi okhuhaana omusango khu MWAMI Nyasaye wefwe singa butswa yakhulaka.”
28Omuruchi naboola mbu, “Namuhuchil'le okhutsia okhuhaana omusango khu MWAMI Nyasaye wenywe musitsiimi nikali simwakhatsia ehale okhurula hano tawe. Musaayile.”
29Musa nakalusia, “Olwa nzia okhuba nirul'le hano nzia okhusaaya khu MWAMI mbu mukamba, tsisi natsirule khuibe, khubemeli baabo, nende khubandubo. Nebutswa orakhukaata khandi ma wikal'le abandu balekhe okhutsia okhuhaana omusango khu MWAMI tawe.”
30Musa yarula khumuruchi ma nasaaya khu MWAMI, 31ne OMWAMI yakhola aka Musa yali namureebele. Tsisi tsiarula khumuruchi khubemeli babe nende khubandu babe; ebulaho kata ndala eyasikalakhwo tawe. 32Nebutswa kata olwene yilu omuruchi yatinyia omwoyo kukwe ne khandi siyalekha abandu okhutsia tawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019