ROMA 9
9
Israeli Nimi Weboka Dobok Yuba
1Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel. 2Ara nara hyak ganya lomok soloma dablenelekanya, sobaʾ ganya angoo senelamna. 3Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna. 4#Kel. 9:4Wera sikda Israeli nim ulumaakanya, sikda seleb alja mabo nenesuukanya, sikda perobaʾ senenggomaʾ ab, unubdanamab an yub eb, unuwanalum an yub eb, yuba longonaʾ amba yub eb, unu eleganasin hyok yub eb, dara sikda seleb domek. 5Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!
6Anyek bok Imik Neyung yub ulumlaʾ ara gigiwanggubok senewanggunusibya! Anasa nim ulumak Israeli nim era, nidyaʾ Israeli nang unggulumak. 7#Kej. 21:12Anya Abraham nang yilaʾ nidyaʾ ara alja mabo dibaʾ unggulumak. Bok, ”Ishak bek abnya nenyek an nang yilaʾ alamnamak,” aboka lebok, hyok. 8An wenhyoknya nera, nim ulumaakanya beillilimak mab enyek Imik Neyung mab unggulumak. Alda me eleganenggen amok me al nang yilaʾ aboka si silemnamak aboka wenyasuk nang yilaʾ enyek, Imik Neyung bedya mab ulumak. 9#Kej. 18:10Anasa ban yub era, an wenyasuk yub ulumlaʾ ara an: ”Ban salek eneso danyek, nara saawoka yanamna dara, Sara gera nengma hnonok beibnamla,” wenyamok.
10Bok onoʾ an nenyek ok gom. Hyak lak nongnya nera, Ribka gera alja mab era, be hnon nunjaʾ youmaʾanya, Ishak bera sikja neyung ulumok. 11-12#Kej. 25:23Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok,
”Men karob so me nera goubenya so me nedya wa wenya danamla.”
Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok. 13#Mal. 1:2-3An momnya dobokaʾ ulumla sok,
”Nara Yakub bek wanaʾ ulumsakanya, Esau bek ara lek senelamsa.”
Imik Neyung Albeyok Ganya Doboka Unulusil Yuba
14Wera anaso dara, nunda hek henemab do? Dara Imik Neyung ara pe sunuwoka unuwanggubuk de? Hyak unuwanggunumso, orok! 15#Kel. 33:19Anasa alda Musa bek wenhyok,
”Nara heknyek angoo yadyek senewoka arawananya bek ok nara angoo senewoka, aralemnamna, nara heknyek angoo yadyek senewanenya bek ok nara angoo yadyek senelemnamna,”
hyok. 16Dara Imik Neyung unulusil era, nim adya seininaʾ ak gom, yeiriwoka enaʾ ak gom ununggulusil. Bok Imik Neyung adya yadyek anasa ganya doboka unulusil. 17#Kel. 9:16Anasa Imik Neyung yuba momnya dobokaʾ ara Firaun bek wenhyok, ”Wera anasa nara anak sekiyiwagesaʾ ara, wera anedya, nara nadyaʾ migibaʾ anak laga amab elegoka, anya anedya nadya si nera mok soko nidyaʾ perobaʾ ob lelewolul aboka ununggesa,” wenhyok, hyok. 18Anasa Imik Neyung ara alda ganya doboka heknyek angoo yadyek ganya boboka arawanamna senenanya bek aralamla. Anya heknyek ganya gasa nenewanamna senenya bek ganya gasa unaʾ benyek an beillilamla.
19Wenera ugunda nak wenyhenenulum, ”An anaso dara, hekasa alda nuk meknenaʾ gebnamso do? Anasa heknedya alak isaʾanya nenewanamla do?” 20#Yes. 29:16, 45:9Wei, nim o, anda heknya do, anedya Imik Neyung ak sondaʾ anasa mel-mel alalam do? Wera uyiwoknya bedya al uyiwoknya bek, ”Anda hekasa nak an uyiwonulum do?” wenyhenemso de? 21Dara go soko adya yok-yok bonaʾ memelanya bera, ban neik go soko winirobaʾ enedya perobaʾ ak senesonya nera nen memewoka, ono yoknya nera or sobnya memewanamna senesonya nera nen memelamla dara, anadya alda meknelemla heneseng de?
22Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla. 23Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla. 24Wera anera nunda an alja yoululum aboka ebsuk nang era Yahudi nang ok ek ab gom, alda ono yok-yok mok soko nim ek ab anaba weboka dobsuk. Anaso nunsamba unusuk dara, anano? 25#Hos. 2:23Neikso ununumnaʾ lenya Hosea buku lomok alja lebokaʾ ara,
”Nadya nim gom bok, eimik era nadya nim henemna, anya nadya wanaʾ anya gom bok, nadya wanaʾanya henemna.”
26 #
Hos. 1:10
Anya sikenek hanyagarab,
”Ugunda nadya nim gom,”
amnyaʾ ak ara, anyeganyeb sikenek,
”Embengaʾ ulumla Imik Neyung bedya mab aboka henemak,”
hyok.
27 #
Yes. 10:22-23
Dara Yesaya bera Israeli nang emba ban wenyalamok,
”Israeli nang era nauba mek gwan gemek egenyaʾ eneso ak ligilyebok, or mekaʾ loblenya nok eimik era blebnamla.
28Alja seleb an wenhyoknya nera, Imik Neyung ara eimik an soko eilibik anera hyak berra aboka nidyaʾ gobdo unuwanamla ak lelemla,” hyok. 29#Yes. 1:9Men dara, Yesaya bera banaso wenyalamok sok,
”Imik Neyung imik sokok nidyaʾ ulumlaʾ dubnya bera, nuk nimi yilaʾ hnon lobongganggumso dara, nunda seleb Sodom Gomora heik anaso dangdomnesibya, wenhyok,” hyok.
Yok Mok Soko Nimi Blebsuukanya Israeli Nim Era Weiningdek Yuba
30Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob. 31Bok, Israeli nang ek dara, ban unuwanalum an yuba peldisinaʾ damok anyek, we doblemekaʾ ara, doblamlobek. 32Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek, 33#Yes. 28:16nera an momnya dobok sok,
”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,”
wenhyokaʾ ak momnya dobokaʾ ak ulumla.
Currently Selected:
ROMA 9: LAINLC
Highlight
Copy
Compare
Share
Want to have your highlights saved across all your devices? Sign up or sign in
ROMA 9
9
Israeli Nimi Weboka Dobok Yuba
1Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel. 2Ara nara hyak ganya lomok soloma dablenelekanya, sobaʾ ganya angoo senelamna. 3Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna. 4#Kel. 9:4Wera sikda Israeli nim ulumaakanya, sikda seleb alja mabo nenesuukanya, sikda perobaʾ senenggomaʾ ab, unubdanamab an yub eb, unuwanalum an yub eb, yuba longonaʾ amba yub eb, unu eleganasin hyok yub eb, dara sikda seleb domek. 5Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!
6Anyek bok Imik Neyung yub ulumlaʾ ara gigiwanggubok senewanggunusibya! Anasa nim ulumak Israeli nim era, nidyaʾ Israeli nang unggulumak. 7#Kej. 21:12Anya Abraham nang yilaʾ nidyaʾ ara alja mabo dibaʾ unggulumak. Bok, ”Ishak bek abnya nenyek an nang yilaʾ alamnamak,” aboka lebok, hyok. 8An wenhyoknya nera, nim ulumaakanya beillilimak mab enyek Imik Neyung mab unggulumak. Alda me eleganenggen amok me al nang yilaʾ aboka si silemnamak aboka wenyasuk nang yilaʾ enyek, Imik Neyung bedya mab ulumak. 9#Kej. 18:10Anasa ban yub era, an wenyasuk yub ulumlaʾ ara an: ”Ban salek eneso danyek, nara saawoka yanamna dara, Sara gera nengma hnonok beibnamla,” wenyamok.
10Bok onoʾ an nenyek ok gom. Hyak lak nongnya nera, Ribka gera alja mab era, be hnon nunjaʾ youmaʾanya, Ishak bera sikja neyung ulumok. 11-12#Kej. 25:23Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok,
”Men karob so me nera goubenya so me nedya wa wenya danamla.”
Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok. 13#Mal. 1:2-3An momnya dobokaʾ ulumla sok,
”Nara Yakub bek wanaʾ ulumsakanya, Esau bek ara lek senelamsa.”
Imik Neyung Albeyok Ganya Doboka Unulusil Yuba
14Wera anaso dara, nunda hek henemab do? Dara Imik Neyung ara pe sunuwoka unuwanggubuk de? Hyak unuwanggunumso, orok! 15#Kel. 33:19Anasa alda Musa bek wenhyok,
”Nara heknyek angoo yadyek senewoka arawananya bek ok nara angoo senewoka, aralemnamna, nara heknyek angoo yadyek senewanenya bek ok nara angoo yadyek senelemnamna,”
hyok. 16Dara Imik Neyung unulusil era, nim adya seininaʾ ak gom, yeiriwoka enaʾ ak gom ununggulusil. Bok Imik Neyung adya yadyek anasa ganya doboka unulusil. 17#Kel. 9:16Anasa Imik Neyung yuba momnya dobokaʾ ara Firaun bek wenhyok, ”Wera anasa nara anak sekiyiwagesaʾ ara, wera anedya, nara nadyaʾ migibaʾ anak laga amab elegoka, anya anedya nadya si nera mok soko nidyaʾ perobaʾ ob lelewolul aboka ununggesa,” wenhyok, hyok. 18Anasa Imik Neyung ara alda ganya doboka heknyek angoo yadyek ganya boboka arawanamna senenanya bek aralamla. Anya heknyek ganya gasa nenewanamna senenya bek ganya gasa unaʾ benyek an beillilamla.
19Wenera ugunda nak wenyhenenulum, ”An anaso dara, hekasa alda nuk meknenaʾ gebnamso do? Anasa heknedya alak isaʾanya nenewanamla do?” 20#Yes. 29:16, 45:9Wei, nim o, anda heknya do, anedya Imik Neyung ak sondaʾ anasa mel-mel alalam do? Wera uyiwoknya bedya al uyiwoknya bek, ”Anda hekasa nak an uyiwonulum do?” wenyhenemso de? 21Dara go soko adya yok-yok bonaʾ memelanya bera, ban neik go soko winirobaʾ enedya perobaʾ ak senesonya nera nen memewoka, ono yoknya nera or sobnya memewanamna senesonya nera nen memelamla dara, anadya alda meknelemla heneseng de?
22Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla. 23Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla. 24Wera anera nunda an alja yoululum aboka ebsuk nang era Yahudi nang ok ek ab gom, alda ono yok-yok mok soko nim ek ab anaba weboka dobsuk. Anaso nunsamba unusuk dara, anano? 25#Hos. 2:23Neikso ununumnaʾ lenya Hosea buku lomok alja lebokaʾ ara,
”Nadya nim gom bok, eimik era nadya nim henemna, anya nadya wanaʾ anya gom bok, nadya wanaʾanya henemna.”
26 #
Hos. 1:10
Anya sikenek hanyagarab,
”Ugunda nadya nim gom,”
amnyaʾ ak ara, anyeganyeb sikenek,
”Embengaʾ ulumla Imik Neyung bedya mab aboka henemak,”
hyok.
27 #
Yes. 10:22-23
Dara Yesaya bera Israeli nang emba ban wenyalamok,
”Israeli nang era nauba mek gwan gemek egenyaʾ eneso ak ligilyebok, or mekaʾ loblenya nok eimik era blebnamla.
28Alja seleb an wenhyoknya nera, Imik Neyung ara eimik an soko eilibik anera hyak berra aboka nidyaʾ gobdo unuwanamla ak lelemla,” hyok. 29#Yes. 1:9Men dara, Yesaya bera banaso wenyalamok sok,
”Imik Neyung imik sokok nidyaʾ ulumlaʾ dubnya bera, nuk nimi yilaʾ hnon lobongganggumso dara, nunda seleb Sodom Gomora heik anaso dangdomnesibya, wenhyok,” hyok.
Yok Mok Soko Nimi Blebsuukanya Israeli Nim Era Weiningdek Yuba
30Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob. 31Bok, Israeli nang ek dara, ban unuwanalum an yuba peldisinaʾ damok anyek, we doblemekaʾ ara, doblamlobek. 32Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek, 33#Yes. 28:16nera an momnya dobok sok,
”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,”
wenhyokaʾ ak momnya dobokaʾ ak ulumla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in