2 KORINTUS 2
2
1Anasa wera, nadya dara, ugunja ganya soloma nenesinaʾ dalyek aboka kemel beisinaʾ era, lobnamna senemsa. 2Nadya ganya hek elegananeseng nim enyek, nadya soloma nenesinya dara, wera hek nim edya nak onoʾ ganya hek eleganeneseng do senelamna. 3Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa. 4Nara ugunuk momnya weboka beibsisaʾ ara, hyak igin ganya boboka ganya soldowoka obdasakanya, heng mekaʾ gadyaʾ beibsisa. Ban nadya unuwasaʾ damok ara, ugunuk solom ganya boboka angwei senewoululumaʾ aboka gom, alda nara ugunuk hekaʾ huru wanaʾ ulusinaʾ anyek, ella ublulumaʾ aboka ubsa.
Malya Ulumak Nim Eb Dara Pe Memenaʾ Ok Hyok Yuba
5Nimi ben hnon soloma nenelamla dara, alda nanokok soloma nauba gobdo nenenggulunel bok, nera alda ugunuk nidyaʾ ak hnon soloma nenelesil. (Bok, nadyok goboka nauba lebnyekaʾ anasa, ban nenyek ok lebna.) 6Banaso unusuknya bek ara, ugunja alak igin elegelumaʾ ara, seleb nauba elekgogowoulum. 7Wera alda nauba solom ganya boboka, ganya obdangoka dib malya dalyek anasa, wenyek dara, ugunda alak sugunaʾ ganya meewoka, alak onoʾ ganya hekiyiwoululum. 8Ugunja alak ara wanaʾ ulunjab an beknaʾ enyek, laga amalalulumaʾ aboka, nara ugunuk weneweisin. 9Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa. 10Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna. 11Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.
Paulus Bera Troas Heikek Ara Ganya Emok Yuba
12 #
Kis. 20:1
Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek, 13Titus benyek eibnenggubsaʾ anasa, nadya ganya seininaʾ goʾ pe kaboka ubnenggubsa. Dara anyagan ulumek nim ek, nara binimna aboka lebgogowasa dara, Makedonia moka bisa.
Imik Neyung Adya Alja Wa Pe Welemab Yuba
14Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla. 15-16Nuk dara, Kristus bedya gen-gen song meklaʾ Imik Neyung amba ulumab. Nim uk hinik binobaʾ aboka ulumak nim emba dara, nuk dara, somoknaʾ damok song ulumab bok, alda embengaʾ ulunobaʾ aboka bleblesil nim emba dara, nunda mereldisinaʾ song anasoʾ ak ulumab. Bok heknya ak ban damok era, unuwanesonya be hnon ulumla do? 17Nimi nauba yok nim edya Imik Neyung yuba lero yabanaʾ ara, deknaʾ dobnobaʾ aboka welemak so nang ek, nunda ununggulumab. Nunda Imik Neyung adya wa nera welemnelum aboka elegousukaʾ anasa, nunja lero yabalamabaʾ ara, geisa ganya adya welemab. Nunda Imik Neyung yuba lelemabaʾ ara, Kristus lomok uboka, Imik Neyung saramek uboka lelemab.
Currently Selected:
2 KORINTUS 2: LAINLC
Highlight
Copy
Compare
Share
Want to have your highlights saved across all your devices? Sign up or sign in
2 KORINTUS 2
2
1Anasa wera, nadya dara, ugunja ganya soloma nenesinaʾ dalyek aboka kemel beisinaʾ era, lobnamna senemsa. 2Nadya ganya hek elegananeseng nim enyek, nadya soloma nenesinya dara, wera hek nim edya nak onoʾ ganya hek eleganeneseng do senelamna. 3Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa. 4Nara ugunuk momnya weboka beibsisaʾ ara, hyak igin ganya boboka ganya soldowoka obdasakanya, heng mekaʾ gadyaʾ beibsisa. Ban nadya unuwasaʾ damok ara, ugunuk solom ganya boboka angwei senewoululumaʾ aboka gom, alda nara ugunuk hekaʾ huru wanaʾ ulusinaʾ anyek, ella ublulumaʾ aboka ubsa.
Malya Ulumak Nim Eb Dara Pe Memenaʾ Ok Hyok Yuba
5Nimi ben hnon soloma nenelamla dara, alda nanokok soloma nauba gobdo nenenggulunel bok, nera alda ugunuk nidyaʾ ak hnon soloma nenelesil. (Bok, nadyok goboka nauba lebnyekaʾ anasa, ban nenyek ok lebna.) 6Banaso unusuknya bek ara, ugunja alak igin elegelumaʾ ara, seleb nauba elekgogowoulum. 7Wera alda nauba solom ganya boboka, ganya obdangoka dib malya dalyek anasa, wenyek dara, ugunda alak sugunaʾ ganya meewoka, alak onoʾ ganya hekiyiwoululum. 8Ugunja alak ara wanaʾ ulunjab an beknaʾ enyek, laga amalalulumaʾ aboka, nara ugunuk weneweisin. 9Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa. 10Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna. 11Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.
Paulus Bera Troas Heikek Ara Ganya Emok Yuba
12 #
Kis. 20:1
Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek, 13Titus benyek eibnenggubsaʾ anasa, nadya ganya seininaʾ goʾ pe kaboka ubnenggubsa. Dara anyagan ulumek nim ek, nara binimna aboka lebgogowasa dara, Makedonia moka bisa.
Imik Neyung Adya Alja Wa Pe Welemab Yuba
14Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla. 15-16Nuk dara, Kristus bedya gen-gen song meklaʾ Imik Neyung amba ulumab. Nim uk hinik binobaʾ aboka ulumak nim emba dara, nuk dara, somoknaʾ damok song ulumab bok, alda embengaʾ ulunobaʾ aboka bleblesil nim emba dara, nunda mereldisinaʾ song anasoʾ ak ulumab. Bok heknya ak ban damok era, unuwanesonya be hnon ulumla do? 17Nimi nauba yok nim edya Imik Neyung yuba lero yabanaʾ ara, deknaʾ dobnobaʾ aboka welemak so nang ek, nunda ununggulumab. Nunda Imik Neyung adya wa nera welemnelum aboka elegousukaʾ anasa, nunja lero yabalamabaʾ ara, geisa ganya adya welemab. Nunda Imik Neyung yuba lelemabaʾ ara, Kristus lomok uboka, Imik Neyung saramek uboka lelemab.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in