1 TESALONIKA 4
4
Munaʾ Anaso Ulululum Hyok Yuba
1Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab. 2Wenelesilnya Yesus bek ab hek oruknaʾ yub ak ugunuk elegosubaʾ ara, ugunda ella ululum.
3Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil. 4-5Imik Neyung elgom ulumak nim era, gel ganya nauba bolomak sok unggom. Ugunda nidyaʾ ara ugunja nonga geisa ulululaʾ aboka, pe eboka pe unuldalamnalum. 6Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil. 7Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom. 8Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.
9Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya. 10Al dib, ugun kabo nimi Makedonia sokok ulumak nimi nidyaʾ ak wanaʾ ulusulum. Bok, hemyab o, nauba so unul sounululumaʾ aboka dukaʾ lolom-lolom alasab.
11Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum. 12Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.
Yesus Yanamla Yuba
13Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom. 14Yesus ara somogoka onoʾ embengaʾ welemokaʾ ara dib senelemabaʾ anasa, Imik Neyung adya alja mabo men somogomek nim era, Yesus ablaboka bob mamagiyiwanasilaʾ ara dib senelemab. 15#1Kor. 15:51-52Wenelesilnya albeyok wenyasuk sok wenyhenesab, Wenelesilnya yanamla sum era, anam embengaʾ ulumab nim era men somogomek Imik Neyung mabo mengeb hwibnenggunusab. 16Wenelesilnya bera imik ab yingginiboka bii aboka, lero dubnya wenyaboka, Imik Neyung benggong yuba leblya dara, somogomek nimi Kristus mab ara men welewanamak. 17Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab. 18Anasa, ban yuba lebdangoka ganya hekellildalamnalum.
Currently Selected:
1 TESALONIKA 4: LAINLC
Highlight
Copy
Compare
Share
Want to have your highlights saved across all your devices? Sign up or sign in
1 TESALONIKA 4
4
Munaʾ Anaso Ulululum Hyok Yuba
1Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab. 2Wenelesilnya Yesus bek ab hek oruknaʾ yub ak ugunuk elegosubaʾ ara, ugunda ella ululum.
3Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil. 4-5Imik Neyung elgom ulumak nim era, gel ganya nauba bolomak sok unggom. Ugunda nidyaʾ ara ugunja nonga geisa ulululaʾ aboka, pe eboka pe unuldalamnalum. 6Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil. 7Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom. 8Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.
9Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya. 10Al dib, ugun kabo nimi Makedonia sokok ulumak nimi nidyaʾ ak wanaʾ ulusulum. Bok, hemyab o, nauba so unul sounululumaʾ aboka dukaʾ lolom-lolom alasab.
11Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum. 12Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.
Yesus Yanamla Yuba
13Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom. 14Yesus ara somogoka onoʾ embengaʾ welemokaʾ ara dib senelemabaʾ anasa, Imik Neyung adya alja mabo men somogomek nim era, Yesus ablaboka bob mamagiyiwanasilaʾ ara dib senelemab. 15#1Kor. 15:51-52Wenelesilnya albeyok wenyasuk sok wenyhenesab, Wenelesilnya yanamla sum era, anam embengaʾ ulumab nim era men somogomek Imik Neyung mabo mengeb hwibnenggunusab. 16Wenelesilnya bera imik ab yingginiboka bii aboka, lero dubnya wenyaboka, Imik Neyung benggong yuba leblya dara, somogomek nimi Kristus mab ara men welewanamak. 17Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab. 18Anasa, ban yuba lebdangoka ganya hekellildalamnalum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in