Kem Lingón 98
98
Kkamal Dwata yóm klamangen
1Semngal tekuy ebè Dwata yóm lomi
sngal, yakà deng nmoen du yó kem tey hentaw ton.
Mlan bè kfasangen ne kólósen yóm kgemoen bè yó kem hohonen.
2Deng heglalag Dwata yóm kegmoen,
ne deng hegfanen bè ket benwu yóm tey ktedengen.
3Deng hendemen yóm tehe fasaden yó kem tau Israél,
duhen yóm kbong nawahen kul ne yóm kteneben bélê le.
Deng ton klamangen benwu yóm khewaen kum yóm kum Dwata.
4Yóm klamangen benwu, hol ye hligal mensag ebè Dwata,
Hol ye hligal semngal, sngal ye yó kem sngal dmóyón du.
5Sngal ye yóm sngal dmóyón ke Dwata mlan bè yóm gel kenbit ye,#98:5 Boluyen harp.
hol dóyón tekuy mlan bè yóm gel kenbit ye alì tilob utómen.
6Dóyón tekuy mlan bè yó kem féw,#98:6 Nmò le bè blówón bukay yóm gel bnoluy le trumpet.
mlan bè yóm féw nmò le lemwót bè hanga safì.
Hol tekuy hligal mensag bè solu Dwata yóm Hol Geta.
7Hol hligal se kun yóm mohin ne yóm kdê nô lemen.
Hol hligal se kun yóm klamangen benwu dalang se yóm kdê nô lemen.
8Yó kem él mlel, hol sendofì ye hólól ye,
ne yó kem bulul, hol ye hligal semngal se kuy
9bè solu Dwata.
Yakà kól Dwata nan e knukum klamang benwu.
Knukumen klamang benwu mlan bè ktedengen,
ne laen kô dù mtukul nfihen.
Currently Selected:
Kem Lingón 98: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
