Kem Lingón 87
87
Lingón yó kem sfu Kura
1Bè yóm bulul Dwata, bè yó gónón
nô yóm syudad deng hefdaen.
2Tey kbong nawa Dwata du yóm syudad Jirusalim
senta yó kem dumu syudad bè Israél.
3Ó syudad Dwata, hol hnungolem yóm tey tilob udél Dwata etahem.
4Yó mon Dwata, “Bè yóm klistahu yó kem benwu mimón dou,
angat homongu Idyip ne Babilun.
Bud homongu Flistya ne Tayal,
balù yóm klayuk Ityupya,
deng le gotu baling tau bè Jirusalim.”
5Yó angat mon le gbak ebè Jirusalim,
“Kdéen tau, angat le gotu baling tau bè ni.”
Ne yóm Dwata Hol Dandónen geta angat hembegel du nim syudad ni.
6Sok angat lista Dwata yó kem tau, yó monen,
“Nim sotu nii, deng baling tau bè Jirusalim.”
7Bè yó kem gel kehligal le, angat le gotu semngal yóm kdéen tau.
Yó utóm sngal le, mon le,
“Bè Jirusalim gónón gu tembul yóm dou klowil.”
Currently Selected:
Kem Lingón 87: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
