Kem Lingón 86
86
Kni Dabid bè Dwata
1Ó Dwata, hol hnungolem ou, ne
hol bnalaem ou,
abay se laen kô dù gmou, ne laen dù kgisu.
2Nofinem ou, yakà gotu nawaw kóm.
Lenwaem ou, yóm tau tóbóng lówóhem,
yóm tau smalig kóm.
Uu se yóm dou Dwata.
3Hol knoduhem ou, Dwata,
yakà senflósu du kdaw tendo tmaba ebéléem.
4Hol benlayem ou kligal, Dwata,
yakà ebéléem du tendo gónóhu e mni.
5Tey kehyuhem, Dwata, ne mahil béléem hmifót salà,
ne tey kbong nawam kul yó kem tau htóbóng béléem.
6Hol hnungolem yóm knihu, Dwata,
hnungolem yóm tey kehkoduhu béléem.
7Bè yóm kdaw wen gónóhu glayam, tmabahe ebéléem,
abay se gel bnalaem ou.
8Laen kô dù dwata kéng gemsenged kóm, Dwata.
Laen dù bélê le gembek mò hentaw ton lómón yóm kóm.
9Kdéen tau bè yó kem benwu deng nmoem,
angat le gotu mógów ebéléem,
ne heglaan le bè soluhem, Dwata.
Angat dóyón le yóm kegetahen ne yóm klaen dù belen yóm kóm boluy.
10Yakà uu du yóm hol gembek,
gbekem mò du yó kem hentaw ton.
Tek sónen uu yóm Dwata.
11Tolokem dou, Dwata, yóm nóyô hmoem dou,
anì galake bè yóm hol ktahuhen lemwót béléem.
Tnóbóngem ou mimón kóm anì wen klikou kóm.
12Tódô hotuhu nawahu dmóyón kóm, Dwata
yóm dou Dwata hol gónó mogot.
Laen kô dù sónen kdóyónu du yóm kóm boluy,
13abay se tey kbong nawahem dou.
Deng lenwaem ou gu lem hatay.
14Ó Dwata, wen kem tau alì heklabak mundug dou,
kem tau hono sidek nmò le, kóyô le ke hnatay le ou.
Ni kem tau ni, là kenmón le kóm.
15Okóm yóm uu, Dwata, teyi kmodu,
ne tey minggel nawahem, là mahili lembut.
Yóm kbong nawahem kum, là kóen monol,
ne teyi teneb bélê me.
16Beklili dou edini, ne hol knodum ou.
Hekgisem ou, yóm tau tóbóng lówóhem.
Hol lenwaem ou, abay se nimónu uu
hol mkél bè yóm kimón tehe yê kóm.
17Hegfanem dou kun ilóen yóm kehyu nawahem ebéléu,
anì ton yó kem tau kmutó nawa dou,
ne angat le bud mulék myak.
Abay se uu, Dwata, yóm gel tmóbóng dou ne gel hemyu nawahu.
Currently Selected:
Kem Lingón 86: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 86
86
Kni Dabid bè Dwata
1Ó Dwata, hol hnungolem ou, ne
hol bnalaem ou,
abay se laen kô dù gmou, ne laen dù kgisu.
2Nofinem ou, yakà gotu nawaw kóm.
Lenwaem ou, yóm tau tóbóng lówóhem,
yóm tau smalig kóm.
Uu se yóm dou Dwata.
3Hol knoduhem ou, Dwata,
yakà senflósu du kdaw tendo tmaba ebéléem.
4Hol benlayem ou kligal, Dwata,
yakà ebéléem du tendo gónóhu e mni.
5Tey kehyuhem, Dwata, ne mahil béléem hmifót salà,
ne tey kbong nawam kul yó kem tau htóbóng béléem.
6Hol hnungolem yóm knihu, Dwata,
hnungolem yóm tey kehkoduhu béléem.
7Bè yóm kdaw wen gónóhu glayam, tmabahe ebéléem,
abay se gel bnalaem ou.
8Laen kô dù dwata kéng gemsenged kóm, Dwata.
Laen dù bélê le gembek mò hentaw ton lómón yóm kóm.
9Kdéen tau bè yó kem benwu deng nmoem,
angat le gotu mógów ebéléem,
ne heglaan le bè soluhem, Dwata.
Angat dóyón le yóm kegetahen ne yóm klaen dù belen yóm kóm boluy.
10Yakà uu du yóm hol gembek,
gbekem mò du yó kem hentaw ton.
Tek sónen uu yóm Dwata.
11Tolokem dou, Dwata, yóm nóyô hmoem dou,
anì galake bè yóm hol ktahuhen lemwót béléem.
Tnóbóngem ou mimón kóm anì wen klikou kóm.
12Tódô hotuhu nawahu dmóyón kóm, Dwata
yóm dou Dwata hol gónó mogot.
Laen kô dù sónen kdóyónu du yóm kóm boluy,
13abay se tey kbong nawahem dou.
Deng lenwaem ou gu lem hatay.
14Ó Dwata, wen kem tau alì heklabak mundug dou,
kem tau hono sidek nmò le, kóyô le ke hnatay le ou.
Ni kem tau ni, là kenmón le kóm.
15Okóm yóm uu, Dwata, teyi kmodu,
ne tey minggel nawahem, là mahili lembut.
Yóm kbong nawahem kum, là kóen monol,
ne teyi teneb bélê me.
16Beklili dou edini, ne hol knodum ou.
Hekgisem ou, yóm tau tóbóng lówóhem.
Hol lenwaem ou, abay se nimónu uu
hol mkél bè yóm kimón tehe yê kóm.
17Hegfanem dou kun ilóen yóm kehyu nawahem ebéléu,
anì ton yó kem tau kmutó nawa dou,
ne angat le bud mulék myak.
Abay se uu, Dwata, yóm gel tmóbóng dou ne gel hemyu nawahu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.