Kem Lingón 85
85
Lingón yó kem sfu Kura
1Ó Dwata, deng tódô kokem eta yóm
tonokem
yóm tóbóng là deng wen hnikót mton du.
Deng bud hen-gulékem klowil me mi kem tau Israél.
2Deng gotu hnifótem salà yó kem kóm tau.
Tahu se, deng gotu kóhem bélê le kdê salà le.
3Là bud lenbutem kul ne.
Laen dù sfuhen yóm tey sidek kebutem.
4Bud hesfulékem mi ebéléem, Dwata
yóm Dwata gel lemwà kum.
Hol klifótem ne yóm kebutem kum.
5Laen dù sónen ne kô yóm alì kebutem kum?
Là buden teflok ne kô yóm kebutem kum
efet kól bè yó kem lugod me?
6Bud hnomihem mi anì bud me hligal ebéléem, mi kem kóm tau.
7Hegfanem kum, Dwata, yóm kbong nawam là monolen,
ne hol lenwaem mi.
8Tey khungolu du ke tedu yóm udél Dwata yóm Dwata hol gónó me mogot,
abay se fasaden tekuy kem kun tau yóm kenek nawa,
syan ke là bud tekuy semfulék ebè yó kem sidek tehe nmò tekuy.
9Bè ktahuhen, là buden legen ne kehewà Dwata
yó kem tau wen klikò le du,
anì gfan bè klamang benwu tekuy yóm tey keslinang Dwata.
10Deng le slomong ne yóm kbong nawa là monolen ne yóm ktahuhen.
Deng le sebkes yóm tedeng ne yóm kenek nawa.
11Ne yóm ktahuhen, lómón ke hesut gu lem tonok,
ne hligal hménég elaan se yóm tey ktedeng Dwata ditu bè longit.
12Tahu se, tódô kok Dwata ebélê tekuy yóm kun tóbóng,
ne angat tey tembas yó kem tonok tekuy.
13Eles tukô gna ke Dwata yóm kun ktedeng mò hemtifes yóm lanen.
Currently Selected:
Kem Lingón 85: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
