Kem Lingón 84
84
Lingón bè yóm khahù nawa ebè Gónô Dwata#Sotu bud lingón yó kem sfu Kura.
1Ó Dwata yóm Dwata laen dù là
gbeken du, tey kbong nawahu du yóm kóm Gónô.
2Hol kóyóu ke bude nô bè yó.
Tey khahuu du yóm Gónóem, Dwata.
Tahu lemwót bè nawahu hligal lemingón
ebè yóm Dwata laen dù tul katayen.
3Balù yó kem onuk lem bnes ne yó kem hyongi,
wen kul gónó nô moni bè Gónóem.
Gel nisok le kem ngà le moni bè yóm gónó me demsù ebéléem, Dwata,
yóm Dwata laen dù là gbeken du,
yóm Dwata dou gónó mogot,
yóm dou gónó kmulu,
ne yóm dou gónó hemtahu.
4Tey kligal le yó kem tau nô bè Gónóem.
Sónmò le semngal yó kem sngal dmóyón kóm.
5Hligal yó kem tau ke béléem gónón lemwót yóm kgis le.
Lu se yó kem tau alì nô bè nawa le mógów ebè bulul Sayun.
6Bè yóm kógów le, mlan le bè benwu Baka,
yóm datal udì alì mékéng tonoken.
Bè yóm igò le mógów lemen, tódô henbalingem benwu wen kem él tembul du yóm benwu mékéng yó.
Bè yóm tanay kkulónen, tódô baling wen kem boben.
7Bè yóm igò le mógów, sónmoen temnù kgis le
efet ton le Dwata bè yóm kun bulul bè Sayun
yóm Dwata hol dandónen geta bè kdéen dwata.
8Ó Dwata, hol hnungolem yóm knihu béléem,
yakà uu du yóm Dwata laen dù là gbeken du
yóm Dwata gónóhu mogot.
Hol hnungolem ou,
yakà uu du yóm Dwata yóm tehe fù me Jakub.
9Hol knudungem, Dwata, yóm tau hol geta bélê me,
yóm geta deng kóm nélék.
10Anien ke tek sendawu nô bè Gónóem, Dwata,
bong hyu he yó senta ke lemibu kdawu nô bè lewà.
Mom hyu nawahu ke ou fen mentey bè bak tikeb yóm Gónóem
senta ke nóe lem kul gónô yó kem tau mò sidek.
11Dwata se yóm hol mofin tekuy.
Du se yóm hol dandónen geta alì minggel kmoen.
Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy.
Là kô nalihen du yóm hyu
ebè yó kem tau mò du yóm tedeng.
12Tey bong kligalen yóm tau smalig béléem, Dwata,
yakà uu du yóm Dwata laen dù là gbeken du.
Currently Selected:
Kem Lingón 84: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 84
84
Lingón bè yóm khahù nawa ebè Gónô Dwata#Sotu bud lingón yó kem sfu Kura.
1Ó Dwata yóm Dwata laen dù là
gbeken du, tey kbong nawahu du yóm kóm Gónô.
2Hol kóyóu ke bude nô bè yó.
Tey khahuu du yóm Gónóem, Dwata.
Tahu lemwót bè nawahu hligal lemingón
ebè yóm Dwata laen dù tul katayen.
3Balù yó kem onuk lem bnes ne yó kem hyongi,
wen kul gónó nô moni bè Gónóem.
Gel nisok le kem ngà le moni bè yóm gónó me demsù ebéléem, Dwata,
yóm Dwata laen dù là gbeken du,
yóm Dwata dou gónó mogot,
yóm dou gónó kmulu,
ne yóm dou gónó hemtahu.
4Tey kligal le yó kem tau nô bè Gónóem.
Sónmò le semngal yó kem sngal dmóyón kóm.
5Hligal yó kem tau ke béléem gónón lemwót yóm kgis le.
Lu se yó kem tau alì nô bè nawa le mógów ebè bulul Sayun.
6Bè yóm kógów le, mlan le bè benwu Baka,
yóm datal udì alì mékéng tonoken.
Bè yóm igò le mógów lemen, tódô henbalingem benwu wen kem él tembul du yóm benwu mékéng yó.
Bè yóm tanay kkulónen, tódô baling wen kem boben.
7Bè yóm igò le mógów, sónmoen temnù kgis le
efet ton le Dwata bè yóm kun bulul bè Sayun
yóm Dwata hol dandónen geta bè kdéen dwata.
8Ó Dwata, hol hnungolem yóm knihu béléem,
yakà uu du yóm Dwata laen dù là gbeken du
yóm Dwata gónóhu mogot.
Hol hnungolem ou,
yakà uu du yóm Dwata yóm tehe fù me Jakub.
9Hol knudungem, Dwata, yóm tau hol geta bélê me,
yóm geta deng kóm nélék.
10Anien ke tek sendawu nô bè Gónóem, Dwata,
bong hyu he yó senta ke lemibu kdawu nô bè lewà.
Mom hyu nawahu ke ou fen mentey bè bak tikeb yóm Gónóem
senta ke nóe lem kul gónô yó kem tau mò sidek.
11Dwata se yóm hol mofin tekuy.
Du se yóm hol dandónen geta alì minggel kmoen.
Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy.
Là kô nalihen du yóm hyu
ebè yó kem tau mò du yóm tedeng.
12Tey bong kligalen yóm tau smalig béléem, Dwata,
yakà uu du yóm Dwata laen dù là gbeken du.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.