Kem Lingón 80
80
Lingón Asaf
1Ó Dwata, hol hnungolem nim taba
me ebéléem,
yakà uu du yóm gel semgyok yó kem tau Israél.
Hol hnungolem mi,
yakà uu du yóm gel tukô gna kum.
Dengi myón bè yóm gónóm myón kmamal geta senta
yóm gónó le gel nô yó kem gel hógówem.
2Hol hegfanem bè yó kem sfu Ifraim,
ne sfu Bindyamin ne sfu Manasi yóm tey keslinangem.
Hol htonem kum yóm kegbekem,
géhél lenwaem mi ne.
3Ó Dwata, bud hulékem mi ebéléem.
Hol knoduhem mi, són se bè yó gónó me gewà.
4Ó Dwata yóm Dwata laen dù là gbeken du,
yóm hol gónó me mogot,
kegenen de duen yóm là bud kebutem kum
anì hnungolem yóm kni me ebéléem?
5Tey sidek kehlóngónem kum nim kmoen ni,
lómón ke yó henged tendo ken me.
Ne yóm lewok me bè yóm gel kkik me,
lómón ke yó henged tendo ninum me.
6Deng gotu hlusem yó kem dumu benwu hmilol kum
anì sen-gled le yóm tonok me.
Tey kehnê le kum yó kem hohon me.
7Ó Dwata, bud hulékem mi ebéléem.
Hol knudungem mi, són se bè yó angat gónó me gewà.
8Bè yóm tehe kwitem kum hewà gu bè Idyip,
lómón ke wen hulu lemfà nitem gu ditu.
Gotu hdóhem yó kem tólóng tau là hemtahu le béléem,
ne huluhem bè tonok le yóm hulu lemfà yó koni.
9Deng tehe eles hen-gifatem yóm gónóm angat mulu du.
Tey nelem kdolilen yóm huluhem yó,
ne tódô lenngeben klamangen tonok me lefaen.
10Tódô golung se yó kem bilil, botong dounen.
Ne yó kem hangahen, tódô gnolungen yó kem koyu sidar lembang.
11Ne yóm lefaen, botong gefet bè mohin Miditiranyan
kól bè yóm tey él mayuk boluyen Yufratis.
12Moen de, Dwata, ke genbaem labat hilolen yóm huluhem yó?
Nénégem ket tau miwes, ket tódô temsob ma bunguhen.
13Yó kem sdô lem bnes, gotu senwól le.
Ne gotu le mowil bè yó, yó kem dumu ógóf lem bnes.
14Beklili ebélê me, Dwata,
yakà uu du yóm Dwata laen dù là gbeken du.
Temngeli gu dyó bè longit edini laan bélê me,
géhél lenwaem mi kem kóm tau.
15Géhél nam e tnóbóng yóm tehe huluhem,
igoen tehe tilob ktowoken, lelen mabù.
16Gotu nofok yó kem hohon me yóm tehe huluhem yó,
ne ntem le.
Hol genlaem yó kem hohon me, Dwata,
lemwót bè yóm tey kebutem kul.
17Hol hlowilem mi kem tau deng nélékem,
ne nofinem mi.
Yakà mi du yó kem tau tehe hekgisem.
18Là kô me na a bud skó béléem, Dwata.
Hol hlowilem mi, ne angat tey kdóyón me kóm.
19Ó Dwata yóm mogot kum,
bud hulékem mi ebéléem,
yakà uu du se yóm laen dù là gbeken du.
Hol knudungem mi,
són se bè yó gónó me gewà.
Currently Selected:
Kem Lingón 80: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 80
80
Lingón Asaf
1Ó Dwata, hol hnungolem nim taba
me ebéléem,
yakà uu du yóm gel semgyok yó kem tau Israél.
Hol hnungolem mi,
yakà uu du yóm gel tukô gna kum.
Dengi myón bè yóm gónóm myón kmamal geta senta
yóm gónó le gel nô yó kem gel hógówem.
2Hol hegfanem bè yó kem sfu Ifraim,
ne sfu Bindyamin ne sfu Manasi yóm tey keslinangem.
Hol htonem kum yóm kegbekem,
géhél lenwaem mi ne.
3Ó Dwata, bud hulékem mi ebéléem.
Hol knoduhem mi, són se bè yó gónó me gewà.
4Ó Dwata yóm Dwata laen dù là gbeken du,
yóm hol gónó me mogot,
kegenen de duen yóm là bud kebutem kum
anì hnungolem yóm kni me ebéléem?
5Tey sidek kehlóngónem kum nim kmoen ni,
lómón ke yó henged tendo ken me.
Ne yóm lewok me bè yóm gel kkik me,
lómón ke yó henged tendo ninum me.
6Deng gotu hlusem yó kem dumu benwu hmilol kum
anì sen-gled le yóm tonok me.
Tey kehnê le kum yó kem hohon me.
7Ó Dwata, bud hulékem mi ebéléem.
Hol knudungem mi, són se bè yó angat gónó me gewà.
8Bè yóm tehe kwitem kum hewà gu bè Idyip,
lómón ke wen hulu lemfà nitem gu ditu.
Gotu hdóhem yó kem tólóng tau là hemtahu le béléem,
ne huluhem bè tonok le yóm hulu lemfà yó koni.
9Deng tehe eles hen-gifatem yóm gónóm angat mulu du.
Tey nelem kdolilen yóm huluhem yó,
ne tódô lenngeben klamangen tonok me lefaen.
10Tódô golung se yó kem bilil, botong dounen.
Ne yó kem hangahen, tódô gnolungen yó kem koyu sidar lembang.
11Ne yóm lefaen, botong gefet bè mohin Miditiranyan
kól bè yóm tey él mayuk boluyen Yufratis.
12Moen de, Dwata, ke genbaem labat hilolen yóm huluhem yó?
Nénégem ket tau miwes, ket tódô temsob ma bunguhen.
13Yó kem sdô lem bnes, gotu senwól le.
Ne gotu le mowil bè yó, yó kem dumu ógóf lem bnes.
14Beklili ebélê me, Dwata,
yakà uu du yóm Dwata laen dù là gbeken du.
Temngeli gu dyó bè longit edini laan bélê me,
géhél lenwaem mi kem kóm tau.
15Géhél nam e tnóbóng yóm tehe huluhem,
igoen tehe tilob ktowoken, lelen mabù.
16Gotu nofok yó kem hohon me yóm tehe huluhem yó,
ne ntem le.
Hol genlaem yó kem hohon me, Dwata,
lemwót bè yóm tey kebutem kul.
17Hol hlowilem mi kem tau deng nélékem,
ne nofinem mi.
Yakà mi du yó kem tau tehe hekgisem.
18Là kô me na a bud skó béléem, Dwata.
Hol hlowilem mi, ne angat tey kdóyón me kóm.
19Ó Dwata yóm mogot kum,
bud hulékem mi ebéléem,
yakà uu du se yóm laen dù là gbeken du.
Hol knudungem mi,
són se bè yó gónó me gewà.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.