Kem Lingón 78
78
Lingón Asaf
1Ó kem dou tau, hol hnungol ye yóm
toloku kuy.
Henklingu ye yó kem tulónu kuy.
2Yakà hlanu du bè hlingón yó kem tulónu kuy.
Tulónu kuy yóm gebnos bélê tekuy là sekna,
3kem tutul deng gel gungol tekuy ne tngón tekuy,
yóm deng gel tulón le tekuy yó kem fù tekuy.
4Bê tekuy abay bnos bè yó kem ngà tekuy nim ktahuhen ni.
Okóm hol tulón tekuy bè yó kem bud lugod tekuy yóm tey knóón deng nmò Dwata.
Tulón tekuy yóm tey kegbeken ne yó kem tey hentaw ton deng nmoen.
5Wen hloloen ke tehe Jakub, wen hlau hloloen yó kem tau Israél.
Hloloen yó kem fù tekuy anì hol bud tolok le bè yó kem ngà le yóm hlauhen kul yó,
6anì bud tngón yó kem lugod le,
balù yóm ngà là dengen sut he,
anì bud lu tmolok du bè yó kem kul ngà.
7Mlan bè nim ni, són Dwata ne nefet nawa le,
ne là kô klifót le du yó kem deng nmoen bélê le,
okóm tendo nimón le yó kem hlauhen kul yó.
8Ke lómón ni, là mkél le bè yó kem fù le,
kem tau mgel kulu, ne là nimón le ke Dwata,
là mbegelen yóm klolò le ke Dwata,
ne là kô le teneb béléen.
9Yó kem sendalù sfu Ifraim,
deng gotu nogot le boho le ne hanak le,
okóm timbow le kól bè gónó sgida,
gotu le mlóy semfulék.
10Là kô lolò le du yóm deng senfasad le Dwata,
ne kenbê le yó kem kun hlau kul.
11Deng klifót le yóm deng nmò Dwata,
yó kem tey hentaw ton deng hegfanen bélê le.
12Tey wen hentaw ton tehe nmò Dwata bè yó kem fù le
bè yóm tehe knô le bè Idyip bè datal Suan.
13Senkóhen bè gónón sóól yóm mohin anì gotu le mlan lemen,
ne tódô segbusung eta yóm él lómón ke mdà beng.
14Ke kemdaw, nalaken lu mlan bè lobun,
ne ke kifu, nalaken lu mlan bè yóm nóng ofi tukô gna kul.
15Heskangen yó kem botu bè yóm benwu laen hol wen tauhen
mò gónón hesut yóm tey él mò ninum le,
hol lómón kmoen sfut él.
16Wen él mlel hesfuten gu bè botu,
ne yóm lel yóm él yó hol lómón ke lówó él.
17Okóm yó kem fù tekuy, mom henlós le mò salà,
là kô nimón le du yóm Hol Dandónen Geta bè yóm benwu laen hol wen tauhen.
18Tnilów le Dwata bè yóm kni le yóm ken nóyô le.
19Yó udél le eta Dwata, mon le,
“Là kô gbek Dwata bemlay tekuy ken bè nim benwu là hyu menwu du ni.
20Tahu se gbeken heskang botu anì wen él semfut gu lemen,
okóm là kô gbeken du bemlay ken ne utón bè yó kem kun tau.”
21Bè yóm kungol Dwata du yóm udél le yó, ya tey sidek kebuten.
Yó gónón hemwit ofi ebè yó kem sfu Jakub, mkal yóm kebuten bè yó kem sfu Israél,
22abay se là kô hentahu le ke Dwata,
ne là kô snalig le du yóm kesegyoken kul.
23Balù yó he, dóken longit anì hnas,
24hkulónen mana mò ken le.
Wen ken blayen kul gu bè longit.
25Ken le yóm kul gel ken yó kem hógów Dwata nô bè longit,
ngang le mken efet le bsow.
26Hwit Dwata yóm lenos lemwót fi dmata kdaw,
ne mlan bè kfasangen hesuten yóm lenos lemwót fi leged.
27Hwiten yó kem tey utón lómón kwen le kfung,
hwiten kem onuk móyóng, lómón kwen le helek bè kilil mohin.
28Hdefen lu lem kamfù le,
ne gu hilol yó kem tolda le.
29Ngang le mken efet le gemtu,
abay se monem, blay Dwata kul yóm nóyô le.
30Okóm yóm igò le tolo mken du nim utón ni,
igoen tolo nô lem bak le,
31msut bélê le yóm tey kebut Dwata kul,
tey wen hnatayen bè yó kem logi alì kemgis bélê le.
Hnatayen yó kem logi lomi lemnok bè yó kem tau Israél.
32Okóm balù yó he, tódô senflós le mò salà yó kem tau.
Balù yóm deng kton le du yó kem hentaw ton deng nmò Dwata, là kô hentahu le du.
33Yó gónóm mon, kendel lensón Dwata yóm klowil le.
Yóm klawi le tolo mowil, senflósen tendo wen knikò le.
34Tikóng wen hnatay Dwata bélê le,
yó he kebel le ke Dwata yó kem dù tau mowil.
Hegsel le, ne bud le semfulék ebè Dwata.
35Yó he kegtulón nawa le du Dwata se yóm henged botu gónó le gel hofin,
du se yóm Dwata Hol Dandónen geta deng msok kul.
36Okóm són te kulit le néen yóm klolò le du,
mò le kéng béléen.
37Là bud le teneb béléen.
Là dnohò le du yóm deng senfasad le Dwata.
38Okóm balù yó he, tey kkodu Dwata kul, hnifóten salà le,
ne là kô genlaen kul.
Tey dê duléken ne mafas du yóm kebuten kul,
là hesuten du yóm alì sidek kebuten kul.
39Abay se hendemen olo le tau tonok se kul, là kóen té klowil le,
lómón ke lenos, tek suléken mbel, là kô bud tngónem du.
40Deng hilu dulék le ne là mimón ke Dwata bè yóm benwu laen hol wen tauhen,
ne tendo heblat le nawahen bè yóm benwu laen hol wen tauhen.
41Ket kiwól le tendo tmilów ke Dwata,
ket kiwól le tendo heblat nawa yóm Dwata laen dù belenen bè Israél.
42Là bud hendem le du yóm tey kfasangen,
duhen yóm tehe kehewaen kul bè yó kem hohon le.
43Deng klifót le yó kem tey tennga tehe nmoen bè Idyip,
yó kem hentaw ton tehe nmoen bè yó bè datal Suan.
44Yóm tehe kehbaling Dwata du litô yó kem él mlel bè Idyip,
anì laen dù bud él ninum le yó kem tau Idyip.
45Yóm tehe keheglumfaken du bélê le yó kem tey lenged wen mò hmayam kul,
ne yó kem tey fak wen mò gemlà kul.
46Yóm keheglumfaken du kul yóm hol yéen tlangas lememek bè benwu le
mò hemsidek yó kem hulu le ne yó kem tbas le.
47Gotu hensideken yó kem bungu grép le
hlanen bè yóm tey bulók kulón.
Ne gotu hensideken snéen kdê yó kem koyu sikamor le
hlanen bè yóm kulón gedlug ketnawen.
48Gotu hfatayen snéen yó kem safì le mlan bè yóm bulók kulón yó,
ne hekfóen leték yó kem dumu ógóf le.
49Lemwót bè yóm alì ksidek kebuten yó kem tau Idyip,
wen kem hógówen gu bè longit mit hatay mò gemlà kul.
50Là bud nafasen du yóm alì ksidek kebuten kul.
Là kô lenwaen kul bè yóm hatay le,
okóm gotu hfatayen lu mlan bè yóm des mit hatay hwiten elem blóng le.
51Gotu hfatayen yó kem ngà le logi twogu yó kem tau Idyip,
kem ngà alì mebtes bélê le, hfatayen lu bè klamangen benwu Idyip.
52Okóm yó kem kun tau, fen nalaken lu lómón kem ubiha,
nalaken lu hlalak yóm benwu laen hol wen tauhen.
53Laen kô dù hemen le bè yóm kesgalaken kul yó, yó gónó le là likò.
Okóm yó kem hohon le, gotu le lemneb lem mohin.
54Nalaken yó kem kun tau ebè yóm kun tonok,
ebè yó kem bulul lemnek deng gutahen mò blayen kul.
55Deng gotu lohen yó kem tau tehe nô bè yóm benwu yó.
Nólólen yóm tonok le mò blayen yó kem tau Israél mò nfun le.
Ne bè yó gónón hemsù kul yó kem tau Israél.
56Baluen ke lómón yó deng nmoen bélê le,
sana ktilów le du he yóm Dwata Hol Dandónen Geta.
Sana là kimón le du, là móyô le mimón du yó kem hloloen kul.
57Deng mom knogol le, mkél le bè yó kem tehe tuha le.
Hol le mkél bè boho sigol, là gsaligem du.
58Deng hefebut le Dwata mlan bè yóm kehdà le
yó kem gónó demsù ebè yó kem dwata kéng.
Tey khélés le nawahen bè yóm ktaba le ebè yó kem dwata lennged nmò le.
59Tikóng gungol Dwata yóm nmò le yó, ya tey sidek kebuten kul,
ne sulék kenbéen lu yóm kdê le yó kem kun tau Israél.
60Botong tebelen yóm gónô gónóhen nô lem blóng le bè Silu.
Tebelen yóm gónô gel nit le mógów gónón nô lem blóng yó kem kun tau.
61Lusen yóm Slungan Fasaden anì negef yó kem hohonen,
yóm Slungan ilô yóm kfasangen ne keklóónen.
62Lemwót bè yóm alì kebuten kul yó kem kun tau nfun,
lusen lu matay bè sudeng.
63Gotu le matay bè gida yó kem ngà le logi lomi lemnok,
yó gónón laen dù bud yehen yó kem sawang libun le.
64Matay bè sudeng yó kem tau gel blóng le ebè Dwata,
ne là hlus le kul ke lenangag le lu yó kem yehen le deng bolu.
65Omin Dwata yó he hetngón, lómón ke tau lomi btik,
hol lómón kmoen yóm tau lóbô deng btik bè klengelen.
66Gotu hlóyen lu mulék yó kem hohonen,
ne laen dù tul sónen yóm tey kehyaken kul.
67Okóm kenbéen yó kem sfu Jusif,
ne là se néléken du yó kem sfu Ifraim.
68Deng mom néléken sfu Juda,
dalang se yóm Bulul Sayun yóm hol kenbong nawahen.
69Bè yó gónón hefdà yóm Gónóen alì geta,
lómón kbegelen yóm tonok laen dù tul ksideken.
70Néléken Dabid yóm tóbóng lówóhen,
tnabahen gu bè yóm gónón semgyok ubiha.
71Nwahen Dabid gu bè yóm gónón semgyok yó kem ubiha libun wen ngà le,
nmoen mò semgyok yó kem sfu Jakub,
yó kem tau Israél hol kun nfun Dwata.
72Tey hyu kesegyoken kul, abay se hol lemwót bè nawahen,
ne tey tilob kesgalaken kul.
Currently Selected:
Kem Lingón 78: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 78
78
Lingón Asaf
1Ó kem dou tau, hol hnungol ye yóm
toloku kuy.
Henklingu ye yó kem tulónu kuy.
2Yakà hlanu du bè hlingón yó kem tulónu kuy.
Tulónu kuy yóm gebnos bélê tekuy là sekna,
3kem tutul deng gel gungol tekuy ne tngón tekuy,
yóm deng gel tulón le tekuy yó kem fù tekuy.
4Bê tekuy abay bnos bè yó kem ngà tekuy nim ktahuhen ni.
Okóm hol tulón tekuy bè yó kem bud lugod tekuy yóm tey knóón deng nmò Dwata.
Tulón tekuy yóm tey kegbeken ne yó kem tey hentaw ton deng nmoen.
5Wen hloloen ke tehe Jakub, wen hlau hloloen yó kem tau Israél.
Hloloen yó kem fù tekuy anì hol bud tolok le bè yó kem ngà le yóm hlauhen kul yó,
6anì bud tngón yó kem lugod le,
balù yóm ngà là dengen sut he,
anì bud lu tmolok du bè yó kem kul ngà.
7Mlan bè nim ni, són Dwata ne nefet nawa le,
ne là kô klifót le du yó kem deng nmoen bélê le,
okóm tendo nimón le yó kem hlauhen kul yó.
8Ke lómón ni, là mkél le bè yó kem fù le,
kem tau mgel kulu, ne là nimón le ke Dwata,
là mbegelen yóm klolò le ke Dwata,
ne là kô le teneb béléen.
9Yó kem sendalù sfu Ifraim,
deng gotu nogot le boho le ne hanak le,
okóm timbow le kól bè gónó sgida,
gotu le mlóy semfulék.
10Là kô lolò le du yóm deng senfasad le Dwata,
ne kenbê le yó kem kun hlau kul.
11Deng klifót le yóm deng nmò Dwata,
yó kem tey hentaw ton deng hegfanen bélê le.
12Tey wen hentaw ton tehe nmò Dwata bè yó kem fù le
bè yóm tehe knô le bè Idyip bè datal Suan.
13Senkóhen bè gónón sóól yóm mohin anì gotu le mlan lemen,
ne tódô segbusung eta yóm él lómón ke mdà beng.
14Ke kemdaw, nalaken lu mlan bè lobun,
ne ke kifu, nalaken lu mlan bè yóm nóng ofi tukô gna kul.
15Heskangen yó kem botu bè yóm benwu laen hol wen tauhen
mò gónón hesut yóm tey él mò ninum le,
hol lómón kmoen sfut él.
16Wen él mlel hesfuten gu bè botu,
ne yóm lel yóm él yó hol lómón ke lówó él.
17Okóm yó kem fù tekuy, mom henlós le mò salà,
là kô nimón le du yóm Hol Dandónen Geta bè yóm benwu laen hol wen tauhen.
18Tnilów le Dwata bè yóm kni le yóm ken nóyô le.
19Yó udél le eta Dwata, mon le,
“Là kô gbek Dwata bemlay tekuy ken bè nim benwu là hyu menwu du ni.
20Tahu se gbeken heskang botu anì wen él semfut gu lemen,
okóm là kô gbeken du bemlay ken ne utón bè yó kem kun tau.”
21Bè yóm kungol Dwata du yóm udél le yó, ya tey sidek kebuten.
Yó gónón hemwit ofi ebè yó kem sfu Jakub, mkal yóm kebuten bè yó kem sfu Israél,
22abay se là kô hentahu le ke Dwata,
ne là kô snalig le du yóm kesegyoken kul.
23Balù yó he, dóken longit anì hnas,
24hkulónen mana mò ken le.
Wen ken blayen kul gu bè longit.
25Ken le yóm kul gel ken yó kem hógów Dwata nô bè longit,
ngang le mken efet le bsow.
26Hwit Dwata yóm lenos lemwót fi dmata kdaw,
ne mlan bè kfasangen hesuten yóm lenos lemwót fi leged.
27Hwiten yó kem tey utón lómón kwen le kfung,
hwiten kem onuk móyóng, lómón kwen le helek bè kilil mohin.
28Hdefen lu lem kamfù le,
ne gu hilol yó kem tolda le.
29Ngang le mken efet le gemtu,
abay se monem, blay Dwata kul yóm nóyô le.
30Okóm yóm igò le tolo mken du nim utón ni,
igoen tolo nô lem bak le,
31msut bélê le yóm tey kebut Dwata kul,
tey wen hnatayen bè yó kem logi alì kemgis bélê le.
Hnatayen yó kem logi lomi lemnok bè yó kem tau Israél.
32Okóm balù yó he, tódô senflós le mò salà yó kem tau.
Balù yóm deng kton le du yó kem hentaw ton deng nmò Dwata, là kô hentahu le du.
33Yó gónóm mon, kendel lensón Dwata yóm klowil le.
Yóm klawi le tolo mowil, senflósen tendo wen knikò le.
34Tikóng wen hnatay Dwata bélê le,
yó he kebel le ke Dwata yó kem dù tau mowil.
Hegsel le, ne bud le semfulék ebè Dwata.
35Yó he kegtulón nawa le du Dwata se yóm henged botu gónó le gel hofin,
du se yóm Dwata Hol Dandónen geta deng msok kul.
36Okóm són te kulit le néen yóm klolò le du,
mò le kéng béléen.
37Là bud le teneb béléen.
Là dnohò le du yóm deng senfasad le Dwata.
38Okóm balù yó he, tey kkodu Dwata kul, hnifóten salà le,
ne là kô genlaen kul.
Tey dê duléken ne mafas du yóm kebuten kul,
là hesuten du yóm alì sidek kebuten kul.
39Abay se hendemen olo le tau tonok se kul, là kóen té klowil le,
lómón ke lenos, tek suléken mbel, là kô bud tngónem du.
40Deng hilu dulék le ne là mimón ke Dwata bè yóm benwu laen hol wen tauhen,
ne tendo heblat le nawahen bè yóm benwu laen hol wen tauhen.
41Ket kiwól le tendo tmilów ke Dwata,
ket kiwól le tendo heblat nawa yóm Dwata laen dù belenen bè Israél.
42Là bud hendem le du yóm tey kfasangen,
duhen yóm tehe kehewaen kul bè yó kem hohon le.
43Deng klifót le yó kem tey tennga tehe nmoen bè Idyip,
yó kem hentaw ton tehe nmoen bè yó bè datal Suan.
44Yóm tehe kehbaling Dwata du litô yó kem él mlel bè Idyip,
anì laen dù bud él ninum le yó kem tau Idyip.
45Yóm tehe keheglumfaken du bélê le yó kem tey lenged wen mò hmayam kul,
ne yó kem tey fak wen mò gemlà kul.
46Yóm keheglumfaken du kul yóm hol yéen tlangas lememek bè benwu le
mò hemsidek yó kem hulu le ne yó kem tbas le.
47Gotu hensideken yó kem bungu grép le
hlanen bè yóm tey bulók kulón.
Ne gotu hensideken snéen kdê yó kem koyu sikamor le
hlanen bè yóm kulón gedlug ketnawen.
48Gotu hfatayen snéen yó kem safì le mlan bè yóm bulók kulón yó,
ne hekfóen leték yó kem dumu ógóf le.
49Lemwót bè yóm alì ksidek kebuten yó kem tau Idyip,
wen kem hógówen gu bè longit mit hatay mò gemlà kul.
50Là bud nafasen du yóm alì ksidek kebuten kul.
Là kô lenwaen kul bè yóm hatay le,
okóm gotu hfatayen lu mlan bè yóm des mit hatay hwiten elem blóng le.
51Gotu hfatayen yó kem ngà le logi twogu yó kem tau Idyip,
kem ngà alì mebtes bélê le, hfatayen lu bè klamangen benwu Idyip.
52Okóm yó kem kun tau, fen nalaken lu lómón kem ubiha,
nalaken lu hlalak yóm benwu laen hol wen tauhen.
53Laen kô dù hemen le bè yóm kesgalaken kul yó, yó gónó le là likò.
Okóm yó kem hohon le, gotu le lemneb lem mohin.
54Nalaken yó kem kun tau ebè yóm kun tonok,
ebè yó kem bulul lemnek deng gutahen mò blayen kul.
55Deng gotu lohen yó kem tau tehe nô bè yóm benwu yó.
Nólólen yóm tonok le mò blayen yó kem tau Israél mò nfun le.
Ne bè yó gónón hemsù kul yó kem tau Israél.
56Baluen ke lómón yó deng nmoen bélê le,
sana ktilów le du he yóm Dwata Hol Dandónen Geta.
Sana là kimón le du, là móyô le mimón du yó kem hloloen kul.
57Deng mom knogol le, mkél le bè yó kem tehe tuha le.
Hol le mkél bè boho sigol, là gsaligem du.
58Deng hefebut le Dwata mlan bè yóm kehdà le
yó kem gónó demsù ebè yó kem dwata kéng.
Tey khélés le nawahen bè yóm ktaba le ebè yó kem dwata lennged nmò le.
59Tikóng gungol Dwata yóm nmò le yó, ya tey sidek kebuten kul,
ne sulék kenbéen lu yóm kdê le yó kem kun tau Israél.
60Botong tebelen yóm gónô gónóhen nô lem blóng le bè Silu.
Tebelen yóm gónô gel nit le mógów gónón nô lem blóng yó kem kun tau.
61Lusen yóm Slungan Fasaden anì negef yó kem hohonen,
yóm Slungan ilô yóm kfasangen ne keklóónen.
62Lemwót bè yóm alì kebuten kul yó kem kun tau nfun,
lusen lu matay bè sudeng.
63Gotu le matay bè gida yó kem ngà le logi lomi lemnok,
yó gónón laen dù bud yehen yó kem sawang libun le.
64Matay bè sudeng yó kem tau gel blóng le ebè Dwata,
ne là hlus le kul ke lenangag le lu yó kem yehen le deng bolu.
65Omin Dwata yó he hetngón, lómón ke tau lomi btik,
hol lómón kmoen yóm tau lóbô deng btik bè klengelen.
66Gotu hlóyen lu mulék yó kem hohonen,
ne laen dù tul sónen yóm tey kehyaken kul.
67Okóm kenbéen yó kem sfu Jusif,
ne là se néléken du yó kem sfu Ifraim.
68Deng mom néléken sfu Juda,
dalang se yóm Bulul Sayun yóm hol kenbong nawahen.
69Bè yó gónón hefdà yóm Gónóen alì geta,
lómón kbegelen yóm tonok laen dù tul ksideken.
70Néléken Dabid yóm tóbóng lówóhen,
tnabahen gu bè yóm gónón semgyok ubiha.
71Nwahen Dabid gu bè yóm gónón semgyok yó kem ubiha libun wen ngà le,
nmoen mò semgyok yó kem sfu Jakub,
yó kem tau Israél hol kun nfun Dwata.
72Tey hyu kesegyoken kul, abay se hol lemwót bè nawahen,
ne tey tilob kesgalaken kul.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.