Kem Lingón 67
67
Sotu Lingón
1Ó Dwata, hol knoduhem mi, ne hol
knudungem mi.
Htonem kum yóm alì kehyu nawahem ebélê me
2anì yó, angat tngón le se kul yó kem tau bè klamangen benwu yóm kóyóem bélê le,
ne angat tngón le se yóm lanem hewà kul.
3Yake hol dóyón le uu, Dwata, yó kem tau.
Yake kdéen tau bè klamangen benwu gotu dmóyón kóm.
4Yake gotu le hligal semngal yóm kdéen tau bè klamangen benwu,
abay se tey tedeng yóm kkukumem kul.
Gotu sen-galakem yó kem tau bè ket benwu talak tonok.
5Yake hol dóyón le uu, Dwata, yóm kdéen tau.
Yake kdéen tau bè klamangen benwu gotu dmóyón kóm.
6Deng tey bong ne yóm nuta tekuy.
Tey kuyagen tekuy yóm kut Dwata.
7Tey kuyagen tekuy.
Yake hol nadat yóm kdéen tau bè klamangen benwu.
Currently Selected:
Kem Lingón 67: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
