Kem Lingón 53
53
Lingón Dabid
1Yó mon nawa yó kem tau là hulung le
hedem, “Laen kô dù Dwata.”
Yó kem tau mon du yóm yó, hono kem tau mò sidek,
nmò le yóm nmò alì kenyó.
Laen dù bélê le mò du yóm tedeng, balù sotu.
2Ditu bè longit temngel elaan Dwata ebè yó kem tau,
tenngelen ke wen bélê le hulung hedem, ke wen bélê le mebel du.
3Okóm là, deng knogol le Dwata yóm kdê le,
tódô kdê le mò du yóm sidek.
Laen dù bélê le mò du yóm hyu, balù sotu.
4Yó snólók Dwata, monen,
“Ni kem tau mò sidek ni, laen dù hendem le kô?
Mowil le lan le mnagaw bè yó kem dou tau,
ne là kô le móyô mni ebéléu.”
5Okóm angat wen alì knikò le,
yóm klikò là deng hnikót gnóm le du teganay.
Angat gotu bulét Dwata tiol yó kem kul hohon yó kem kun tau.
Yakà deng kenbê Dwata kul, yó gónó le gemmò bélê le kem tau Israél.
6Tey hyu ke lemwót bè Bulul Sayun yóm mò lemwà yó kem tau Israél.
Ke deng bang Dwata bud hemgulék klowil yó kem kun tau,
angat le gotu mensag lemwót bè kligal le yó kem sfu Jakub,
ne yóm kdéen tau Israél, angat le gotu hligal.
Currently Selected:
Kem Lingón 53: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
