Kem Lingón 35
35
Lingón Dabid
1Ó Dwata, hol hnohonem yó kem
tau hmohon dou.
Hol gnidahem yó kem tau mundug dou.
2Leketem yó kem onitem sfatay, ne nwahem klungem.
Géhéli lemwót nem e tnóbóng ou.
3Kayangem eta buyusem ne sbatem mò hemseng lan yó kem hohonu.
Hfungolem dou dé yóm udélem, yóm monem,
“Ou yóm lemwà kóm.”
4Hol henyakem lu yó kem tau tô hmatay dou.
Hol hulékem lu, hesbewegem kehedem le.
5Hol nyufem lu mayuk lómón ubek mung holis bè lenos.
Yóm lenos hmolis kul yó, hwit yóm hógów Dwata.
6Yake hol kmifu yóm lan le, lelen medel,
yóm igoen kemtes kul yóm hógów Dwata.
7Igoen laen dù sidek nmou bélê le,
ewenem sana tô kholot le dou.
Laen dù sidek nmou bélê le,
ewenem sana kokol le sol mò gónóhu btang.
8Yó gónóm mon, hol kendel wen heglumfakem kul.
Hol lu tles bkó bè yóm holot tgama le dou.
Hol lu tles btang bè yóm sol nokol le béléu.
9Ominu yó hligal ebè Dwata.
Teye hligal, abay se lenwaen ou.
10Hol lemwót lem but blututu yóm kdóyónu du, yó monu,
“Ó Dwata, laen kô dù gemsenged kóm.
Tmau du de gembek lemwà yó kem tau lunog
ne kem tau élél bè yó kem tau kemgis?
Tmau du de gembek mofin yó kem tau élél
bè yó kem tau gel mongò kul?”
11Yó kem tau alì móyô hmatay dou, tódô le tmifù kéng.
Dnelem le ou bè yóm salà là deng dou tngón du.
12Mom bnalà le sidek yó kem hyu gel nmou bélê le.
Tey sidek kegnómu du.
13Okóm bè yóm tehe kwen des le, tey klóngón nawahu kul.
Sbole fasting ne mnihe bélê le bè Dwata,
okóm yóm knihu yó, tódô mulék laen dù balaen.
14Tey keblat nawahu bè yóm kwen des le,
hol lómón ke hol weu lu, duhen ke kem fes lówóhu lu.
Hol lómón ke hol yéu yóm kmò klóngónu kul.
15Okóm ni, deng le mom hligal bè yóm kwen gfau.
Mo le mom hligal stifun hmohon dou.
Balù yó kem tau là tngónu kul, sana kutó nawa le dou,
ne là kóen skó tendo khohon le dou.
16Sónmò le tendo semdekà dou yó kem udél là mólós,
lel le semteken beeng ebéléu.
17Mò kegenen de, Dwata, yóm tódô ketngelem dou?
Hol lenwaem ou lem yóm tey ksidek kundug le dou.
Hol lenwaem klowilu lem yó kem tey liyun yó.
18Ominu yó dmóyón kóm lem blóng yó kem tey tau wen deng stifun.
Dóyónu uu bè solu yóm kdéen tau.
19Hol béem abay hlus lu yó kem hohonu tmulón kéng yó
ke hligal le bè yóm là kegmou.
Hol béem abay hlus lu yó kem tau kmutó nawa dou hkawang
ke hligal le bè yóm kwen knangagu.
20Laen dù udél le ke mò gónón menek nawa kem tau.
Sónmò le mitung mebel lan le mò sidek bè yó kem tau tódô henek menwu.
21Yó tulón le, mon le deng ton le ou mò sidek kun.
Yó mon le, “Ngem, deng tódô kum mata mton du yóm nmoen.”
22Ó Dwata, deng gotu tngónem ni kem ni.
Béi tódô yem.
Béem bayà ou, Dwata.
23Hkuóni kut, Dwata. Hol nfihem ou.
Knukumem dou nim salà duón le dou ni.
Uu se yóm Dwata hol gónóhu mogot.
24Hegfanem yóm klaen dù salau, Dwata
yóm Dwata hol dou gónó mogot,
yakà uu du yóm tedeng kwiten kukum.
Hol béem bayà yó kem hohonu ke knuli le nim kwen gfau ni.
25Béi móyô ke mon le, “Wóyón dé, deng guta me yóm nóyô me.
Hnatay me ne.”
26Yó kem tau semkuli dou bè yóm kwen gfau,
yake hol le bud mulék myak.
Yó kem tau hegeta le knô le sentahu,
hol hulékem lu myak.
27Okóm hol benlayem lu kligal yó kem tau mfi dou.
Tendo gel mon le, “Hol megdóyón Dwata.
Hyu nawahen tmóbóng yóm tau tóbóng lówóhen.”
28Ominu yó tmulón du bè kdéen tau
yóm tey ktedeng kkukumem ne yóm tey kehyuhem,
ne snilefu kdaw tendo dmóyón kóm.
Currently Selected:
Kem Lingón 35: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 35
35
Lingón Dabid
1Ó Dwata, hol hnohonem yó kem
tau hmohon dou.
Hol gnidahem yó kem tau mundug dou.
2Leketem yó kem onitem sfatay, ne nwahem klungem.
Géhéli lemwót nem e tnóbóng ou.
3Kayangem eta buyusem ne sbatem mò hemseng lan yó kem hohonu.
Hfungolem dou dé yóm udélem, yóm monem,
“Ou yóm lemwà kóm.”
4Hol henyakem lu yó kem tau tô hmatay dou.
Hol hulékem lu, hesbewegem kehedem le.
5Hol nyufem lu mayuk lómón ubek mung holis bè lenos.
Yóm lenos hmolis kul yó, hwit yóm hógów Dwata.
6Yake hol kmifu yóm lan le, lelen medel,
yóm igoen kemtes kul yóm hógów Dwata.
7Igoen laen dù sidek nmou bélê le,
ewenem sana tô kholot le dou.
Laen dù sidek nmou bélê le,
ewenem sana kokol le sol mò gónóhu btang.
8Yó gónóm mon, hol kendel wen heglumfakem kul.
Hol lu tles bkó bè yóm holot tgama le dou.
Hol lu tles btang bè yóm sol nokol le béléu.
9Ominu yó hligal ebè Dwata.
Teye hligal, abay se lenwaen ou.
10Hol lemwót lem but blututu yóm kdóyónu du, yó monu,
“Ó Dwata, laen kô dù gemsenged kóm.
Tmau du de gembek lemwà yó kem tau lunog
ne kem tau élél bè yó kem tau kemgis?
Tmau du de gembek mofin yó kem tau élél
bè yó kem tau gel mongò kul?”
11Yó kem tau alì móyô hmatay dou, tódô le tmifù kéng.
Dnelem le ou bè yóm salà là deng dou tngón du.
12Mom bnalà le sidek yó kem hyu gel nmou bélê le.
Tey sidek kegnómu du.
13Okóm bè yóm tehe kwen des le, tey klóngón nawahu kul.
Sbole fasting ne mnihe bélê le bè Dwata,
okóm yóm knihu yó, tódô mulék laen dù balaen.
14Tey keblat nawahu bè yóm kwen des le,
hol lómón ke hol weu lu, duhen ke kem fes lówóhu lu.
Hol lómón ke hol yéu yóm kmò klóngónu kul.
15Okóm ni, deng le mom hligal bè yóm kwen gfau.
Mo le mom hligal stifun hmohon dou.
Balù yó kem tau là tngónu kul, sana kutó nawa le dou,
ne là kóen skó tendo khohon le dou.
16Sónmò le tendo semdekà dou yó kem udél là mólós,
lel le semteken beeng ebéléu.
17Mò kegenen de, Dwata, yóm tódô ketngelem dou?
Hol lenwaem ou lem yóm tey ksidek kundug le dou.
Hol lenwaem klowilu lem yó kem tey liyun yó.
18Ominu yó dmóyón kóm lem blóng yó kem tey tau wen deng stifun.
Dóyónu uu bè solu yóm kdéen tau.
19Hol béem abay hlus lu yó kem hohonu tmulón kéng yó
ke hligal le bè yóm là kegmou.
Hol béem abay hlus lu yó kem tau kmutó nawa dou hkawang
ke hligal le bè yóm kwen knangagu.
20Laen dù udél le ke mò gónón menek nawa kem tau.
Sónmò le mitung mebel lan le mò sidek bè yó kem tau tódô henek menwu.
21Yó tulón le, mon le deng ton le ou mò sidek kun.
Yó mon le, “Ngem, deng tódô kum mata mton du yóm nmoen.”
22Ó Dwata, deng gotu tngónem ni kem ni.
Béi tódô yem.
Béem bayà ou, Dwata.
23Hkuóni kut, Dwata. Hol nfihem ou.
Knukumem dou nim salà duón le dou ni.
Uu se yóm Dwata hol gónóhu mogot.
24Hegfanem yóm klaen dù salau, Dwata
yóm Dwata hol dou gónó mogot,
yakà uu du yóm tedeng kwiten kukum.
Hol béem bayà yó kem hohonu ke knuli le nim kwen gfau ni.
25Béi móyô ke mon le, “Wóyón dé, deng guta me yóm nóyô me.
Hnatay me ne.”
26Yó kem tau semkuli dou bè yóm kwen gfau,
yake hol le bud mulék myak.
Yó kem tau hegeta le knô le sentahu,
hol hulékem lu myak.
27Okóm hol benlayem lu kligal yó kem tau mfi dou.
Tendo gel mon le, “Hol megdóyón Dwata.
Hyu nawahen tmóbóng yóm tau tóbóng lówóhen.”
28Ominu yó tmulón du bè kdéen tau
yóm tey ktedeng kkukumem ne yóm tey kehyuhem,
ne snilefu kdaw tendo dmóyón kóm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.