Kem Lingón 26
26
Lingón Dabid
1Ó Dwata, hegfanem yóm klaen dù salau,
abay se tedeng yóm gel nmou.
Là kóen monol yóm gel ksaligu kóm.
2Tilówem ou, Dwata, hol hen-getem smisif dou.
Tenngelem yóm nô lem but blututu, ne yóm nô lem hendemu.
3Yakà yó du tendo malak dou yóm kbong nawahem là monolen,
ne tendo lolou yóm ktahuhen.
4Là kóe gel mung seyón bè yó kem tau mò kéng,
ne là se kóe gel slomong bè yó kem tau olon nô te kulit yóm kehtahu le.
5Tey keklitu du yóm gel kestifun le yó kem tau sidek gel nmò le.
Là kóe móyô segmung kul bè yóm gel nmò le.
6Nolobu tdoku mò gónów hegfan yóm klaen dù salau.
Mógówe lemibut yóm gónó me gel demsù ebéléem, Dwata,
7lingónu yóm lingón dmóyón kóm,
ne tulónu yóm kdê hentaw ton deng nmoem.
8Tey bong nawahu du yóm Gónóem, Dwata, yóm gónóhen gfan yóm keslinangem.
9Béem hmung ou bè yóm kul gónó e kól yó kem tau gemsalà,
dalang se bè yó kem tau monok, béem hmung ou golu bélê le.
10Yó kem tau yó, senflós le matul mò sidek,
ne senflós le ma filak mò wa nawa le.
11Okóm béléu, són lolou yóm tedeng.
Hol lenwaem ou hlanem bè yóm kkoduhem dou.
12Deng hol nô bè nawahu mimón ke Dwata,
ne angat dóyónu bè gónón wen.
Currently Selected:
Kem Lingón 26: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
