Kem Lingón 24
24
Lingón Dabid bè yóm hol dandónen geta
1Dwata se mfun du yóm klamangen
benwu
ne yóm kdéen nô lemen.
Ne kdéen tau nô tahen, hono kun.
2Bè yóm tehe kedlimunen du yóm tonok,
tódô suen ta yóm tey él nelem fi laan tonok.
Hdaen lem mohin yó kem tud blungónen mò hembegel du.
3Tau du de knóón bang mneged bè yóm kun bulul Dwata?
Tau du de knóón bang husek elem yóm kun Gónô?
4Yó knóón mò du, duhen yó kem tau laen dù belenen yóm kekdol le ne yóm kehedem le.
Là tmaba le ebè yó kem dwata lenbù nmò,
ne là tódô le mò fasad hkawang.
5Tey angat kkudung Dwata kul yó kem tau yó,
ne angat lenwaen lu ke wen gel gfà le.
Bè yóm kkukumen kul, laen dù salà tonen bélê le.
6Lu se yó kem tau knóón hloni ebè Dwata
yóm Dwata kun hentahu tehe Jakub.
7Hol hennas ye dé yó kem bak tikeb yóm lósól Gónô Dwata.
Hol hennas ye dé yó kem sana beng tganay bè Gónô Dwata.
Angat husek elemen yóm hol dandónen geta.
8Tau du se yóm hol dandónen geta yó?
Du se yóm Dwata hol gónó mogot,
yóm hol kemgis, yóm hol gembek,
yóm tendo gel gemmò bè yó kem hohonen.
9Hol hennas ye dé yó kem bak tikeb yóm lósól Gónô Dwata.
Hol hennas ye dé yó kem sana beng tganay bè Gónô Dwata.
Angat husek elemen yóm hol dandónen geta.
10Tau du de yóm hol dandónen geta yó?
Du se yóm Dwata laen dù gónón là gemmò
bè yó kem hohonen.
Du se yóm hol dandónen geta.
Currently Selected:
Kem Lingón 24: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
