Kem Lingón 22
22
Lingón Dabid yóm alì sidek kebà nawahen, ne yóm tey kdóyónen ke Dwata
1Ó Dwata, Dwatahe, moen de ke tódô
bayaem se ou du?
Tey ktabahu ebéléem anì tnóbóngem ou,
okóm là kô dog bnalaem dou.
2Ke kemdaw, tey ktabahu kóm, Dwata,
okóm là kô kenmónem dou.
Bude tmaba ebéléem ke kifu,
là se gnómu du ke mdengen kehegnóu.
3Igoen se uu yóm Dwata laen kô dù belenen,
myón bè yóm gónón myón kmamal.
Uu se yóm tendo dóyón yó kem tau Israél.
4Tey tehe ksalig le kóm yó kem fù me.
Tey kegléd nawa le kóm, ne uu se lemwà kul.
5Tmaba le ebéléem,
ne gewà le bè yó kem gfà le.
Tey kegléd nawa le kóm,
ne laen kô gónó le gsel du.
6Okóm yóm dou, lómón ke là bude tau,
lómón ke denge baling kuled.
Tey khisik le dou yóm kdéen tau,
ne lel le semdekà dou.
7Kdê yó kem tau mton dou,
tey sidek kehnê le dou.
Mangà le dilak ebéléu,
lel le hising.
8Yó mon le, “Tey ksaligem bè Dwata,
moen se ke là lenwaen kóm?
Ke hyu nawa Dwata ebéléem,
moen de ke là tnóbóngen kóm?”
9Uu se, Dwata, tehe hewà dou lem blutut yê,
laen kô dù hemenu.
Deng gel nofinem ou bè yóm kegenu hanà ngà,
laen kô dù tódô béléu.
10Tey kegléd nawahu kóm
tódô lemwót bè yóm kdaw ksutu gu bè yê.
Laen kô dumu Dwata hentahuhu, són uu.
11Hol béi hlayuk béléu.
Deng wen sidek moni ebéléu,
ne laen kô bang tau tmóbóng dou.
12Deng snibut le ou yó kem hmohon dou,
hol lómón ke safì le tudu.
Gotu snibut le ou,
hol lómón ke safì le tudu alì lóbô lemwót bè benwu Basan.
13Mngel le mnanga ebéléu, lómón ke liyun le,
nódód nsék le ou.
14Laen kô dù bud gelu ne, tódô lana,
hol lómón ke él mkok bè tonok, tódô mneb.
Yó kem tiolu, gotu slius.
Hol lómón kegnómu du lem but blututu,
lómón knò tolu.
15Gotu mékéng lem baku,
tódô demket lem hlalu dilaku.
Tey, Dwata, deng tódô bayaem ou matay masà lem kfung.
16Gotu senibut le ou yó kem tau mò sidek.
Lómón ke slomong tey dê ohu lóbô,
gotu le hloni ebéléu.
Gotu nsék le sigelu ne tihu.
17Maan kegfan tiolu.
Tódô le teneng temngel dou yó kem hohonu.
18Ne hlan le bè atù kwa le nesu
ne sensólól le.
19Ó Dwata, béi hlayuk béléu,
géhél tnóbóngem ou.
20Lenwaem ou bè bak sudeng yó kem hohonu.
Hol béem blay klowilu bè yó kem ohu lóbô yó.
21Lenwaem ou bè yó kem liyun.
Laen kô dù gmou
bè yó kem safì tudu alì lóbô.
22Angat gel tulónu bè yó he kem dou kwen
yóm deng gendengem béléu.
Gel dóyónu uu lem blóng le,
yó monu mò kul,
23“Hol dóyón ye Dwata, yu kem tau likò du.
Hol nadat ye Dwata, yu kem semfu gu bè Jakub.
Hol ye tmaba ebéléen, yu kem tau Israél.
24Là kô tódô bayaen kul yó kem tau élél,
sal gel kenmónen lu ke wen gónó le glayam.
Là kô knogolen kul,
mom bnalaen lu ke tmaba le ebéléen.”
25Bè yóm gel kestifun me tmaba ebéléem, Dwata, yóm kdê me,
tey kdóyónu kóm lemwót bè yóm deng nmoem.
Dsuu ebéléem yóm tehe fasadu kóm
lem blóng yó kem tau gel tmaba ebéléem.
26Bè yóm kdaw yó, tey kehdengen le mken yó kem tau élél.
Ne tey kdóyón le ke Dwata yó kem tau hloni ebéléen.
Hol laen kô dù tul sónen yóm kehyu Dwata klowil le.
27Angat gtulón nawa le Dwata yóm kdéen tau bè klamangen benwu.
Gotu le semfulék ebéléen yó kem tau
lemwót bè ket benwu talak tonok,
Kdéen kay but tau talak tonok,
gotu le tmaba ebéléen.
28Dwata se yóm hol dandónen geta,
gotu knamalen klamangen benwu.
29Yó kem tau hegeta knô
angat le gotu heglaan béléen.
Laen kô dù tau te tonok
ke là mtuden bukol bè soluhen.
30Yó kem tau hulin kdaw,
gotu le mimón béléen.
Bud tles tulón le se kul bè kem lugod le
yóm deng nmò Dwata.
31Balù yó kem tau là dengen sut he,
angat wen tmulón du kul.
Yó angat tulón le kul, mon le,
“Deng lenwà Dwata ne yó kem kun tau.”
Currently Selected:
Kem Lingón 22: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Lingón 22
22
Lingón Dabid yóm alì sidek kebà nawahen, ne yóm tey kdóyónen ke Dwata
1Ó Dwata, Dwatahe, moen de ke tódô
bayaem se ou du?
Tey ktabahu ebéléem anì tnóbóngem ou,
okóm là kô dog bnalaem dou.
2Ke kemdaw, tey ktabahu kóm, Dwata,
okóm là kô kenmónem dou.
Bude tmaba ebéléem ke kifu,
là se gnómu du ke mdengen kehegnóu.
3Igoen se uu yóm Dwata laen kô dù belenen,
myón bè yóm gónón myón kmamal.
Uu se yóm tendo dóyón yó kem tau Israél.
4Tey tehe ksalig le kóm yó kem fù me.
Tey kegléd nawa le kóm, ne uu se lemwà kul.
5Tmaba le ebéléem,
ne gewà le bè yó kem gfà le.
Tey kegléd nawa le kóm,
ne laen kô gónó le gsel du.
6Okóm yóm dou, lómón ke là bude tau,
lómón ke denge baling kuled.
Tey khisik le dou yóm kdéen tau,
ne lel le semdekà dou.
7Kdê yó kem tau mton dou,
tey sidek kehnê le dou.
Mangà le dilak ebéléu,
lel le hising.
8Yó mon le, “Tey ksaligem bè Dwata,
moen se ke là lenwaen kóm?
Ke hyu nawa Dwata ebéléem,
moen de ke là tnóbóngen kóm?”
9Uu se, Dwata, tehe hewà dou lem blutut yê,
laen kô dù hemenu.
Deng gel nofinem ou bè yóm kegenu hanà ngà,
laen kô dù tódô béléu.
10Tey kegléd nawahu kóm
tódô lemwót bè yóm kdaw ksutu gu bè yê.
Laen kô dumu Dwata hentahuhu, són uu.
11Hol béi hlayuk béléu.
Deng wen sidek moni ebéléu,
ne laen kô bang tau tmóbóng dou.
12Deng snibut le ou yó kem hmohon dou,
hol lómón ke safì le tudu.
Gotu snibut le ou,
hol lómón ke safì le tudu alì lóbô lemwót bè benwu Basan.
13Mngel le mnanga ebéléu, lómón ke liyun le,
nódód nsék le ou.
14Laen kô dù bud gelu ne, tódô lana,
hol lómón ke él mkok bè tonok, tódô mneb.
Yó kem tiolu, gotu slius.
Hol lómón kegnómu du lem but blututu,
lómón knò tolu.
15Gotu mékéng lem baku,
tódô demket lem hlalu dilaku.
Tey, Dwata, deng tódô bayaem ou matay masà lem kfung.
16Gotu senibut le ou yó kem tau mò sidek.
Lómón ke slomong tey dê ohu lóbô,
gotu le hloni ebéléu.
Gotu nsék le sigelu ne tihu.
17Maan kegfan tiolu.
Tódô le teneng temngel dou yó kem hohonu.
18Ne hlan le bè atù kwa le nesu
ne sensólól le.
19Ó Dwata, béi hlayuk béléu,
géhél tnóbóngem ou.
20Lenwaem ou bè bak sudeng yó kem hohonu.
Hol béem blay klowilu bè yó kem ohu lóbô yó.
21Lenwaem ou bè yó kem liyun.
Laen kô dù gmou
bè yó kem safì tudu alì lóbô.
22Angat gel tulónu bè yó he kem dou kwen
yóm deng gendengem béléu.
Gel dóyónu uu lem blóng le,
yó monu mò kul,
23“Hol dóyón ye Dwata, yu kem tau likò du.
Hol nadat ye Dwata, yu kem semfu gu bè Jakub.
Hol ye tmaba ebéléen, yu kem tau Israél.
24Là kô tódô bayaen kul yó kem tau élél,
sal gel kenmónen lu ke wen gónó le glayam.
Là kô knogolen kul,
mom bnalaen lu ke tmaba le ebéléen.”
25Bè yóm gel kestifun me tmaba ebéléem, Dwata, yóm kdê me,
tey kdóyónu kóm lemwót bè yóm deng nmoem.
Dsuu ebéléem yóm tehe fasadu kóm
lem blóng yó kem tau gel tmaba ebéléem.
26Bè yóm kdaw yó, tey kehdengen le mken yó kem tau élél.
Ne tey kdóyón le ke Dwata yó kem tau hloni ebéléen.
Hol laen kô dù tul sónen yóm kehyu Dwata klowil le.
27Angat gtulón nawa le Dwata yóm kdéen tau bè klamangen benwu.
Gotu le semfulék ebéléen yó kem tau
lemwót bè ket benwu talak tonok,
Kdéen kay but tau talak tonok,
gotu le tmaba ebéléen.
28Dwata se yóm hol dandónen geta,
gotu knamalen klamangen benwu.
29Yó kem tau hegeta knô
angat le gotu heglaan béléen.
Laen kô dù tau te tonok
ke là mtuden bukol bè soluhen.
30Yó kem tau hulin kdaw,
gotu le mimón béléen.
Bud tles tulón le se kul bè kem lugod le
yóm deng nmò Dwata.
31Balù yó kem tau là dengen sut he,
angat wen tmulón du kul.
Yó angat tulón le kul, mon le,
“Deng lenwà Dwata ne yó kem kun tau.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.