Kem Lingón 146
146
1Hol dóyón tekuy Dwata.
Hotuhu nawahu se do dmóyón du.
2Klawihu mowil tendo dóyónu Dwata.
Ne tendohe gel semngal ebéléen efet kukol towoku.
3Hol béem ken-gel nawa yó kem tau mogot benwu.
Laen dù bélê le ke gembek lemwà kóm.
4Ke matay le, bud le baling kfung se kul,
ne kdê yó kem tehe natul le, gotu gesón.
5Hligal kun yóm tau ke tnóbóng Dwata
yóm Dwata tehe Jakub.
Hligal yóm tau ke genléd nawahen Dwata
yóm Dwata gónóhen mogot.
6Du se yóm Dwata tehe mò longit ne tonok ne mohin ne kdéen ton.
Sal dnohoen yó kem deng fasaden.
7Gel nfihen yó kem tau hen-gnok,
ne gel benlayen ken yó kem bitil.
Gel hefewaen yó kem tau blanggù,
8ne htonen yó kem butô.
Bud henwósen yóm blat nô ta yó kem tau meflayam.
Tey kbong nawahen kul yó kem tau tedeng kmò le.
9Bud nofinen lu snéen yó kem tólóng tau menwu lem blóng tekuy.
Tendo tnóbóngen yó kem libun bolu ne yó kem ngà hikit.
Okóm yó kem tau gel mò sidek, fen hensideken kógów klowil le.
10Dwata se yóm hol dandónen geta,
ne laen kô dù tul sónen yóm kegetahen.
Yu kem tau menwu bè Sayun, yóm Dwata gónô ye kmulu,
laen kô dù sónen yóm kogoten kuy.
Hol dóyón tekuy Dwata.
Currently Selected:
Kem Lingón 146: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
