Kem Lingón 124
124
Sngal bè yóm kneged le ebè Jirusalim. Lingón Dabid
1Ó kem tau Israél, mò kmoen
de ke tehe là deng nfi Dwata tekuy?
Hol bnalà ye o kun.
2Ke tehe là deng nfi Dwata tekuy
bè yóm tehe kuluk yó kem hohon tekuy,
3deng tekuy gotu meglà matay ne,
bà mon yóm tey sidek kebut le tekuy.
4Ke tehe là tnóbóngen tekuy Dwata,
hol lómón ke deng gesloben tekuy yóm tey dunuk mamà.
5Deng tekuy gotu lemneb ne bè yóm tey dunuk mamà yó.
6Hol dóyón tekuy Dwata, abay se hensengen yó kem hohon tekuy bè yóm tô keglà le tekuy.
7Deng tekuy gewà lem tdok le,
lómón yóm onuk lem bnes gewà lem yóm holot le du.
Deng hto yóm tô holot le tekuy,
là bud tekuy gfét lemen.
8Tek són Dwata yóm tmóbóng tekuy
yóm Dwata tehe mò longit ne tonok.
Currently Selected:
Kem Lingón 124: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
