Kem Lingón 110
110
Lingón Dabid
1Yó udél Dwata bè yóm gónóhu
mogot, monen,
“Myóni bè ni bè kwananu
efet gotu heglaanu lu bè soluhem yó kem hohonem,
lómón ke nmou lu mò gónóm hmótól tihem.”
2Lemwót bè Sayun, angat hlamang Dwata yóm benwu nogotem.
Angat uu mogot kul yó kem hohonem.
3Bè yóm kdaw angat kwitem sgida,
wen tey óyô le tmóbóng kóm yó kem tauhem.
Yó kem ngà logi sendaluem alì mólós nes le,
angat le sut béléem ket hlafus,
hol lómón kmò le, lómón ke amù gel sut hlafus.
4Deng wen safà Dwata, ne là kô nan e bud hulék du lem baken, monen,
“Uu se mò blóng tau ebéléu kól bè laen kô dù tul sónen
lómón yóm tehe keseblóng Mélkisédék tau ebéléu.”
5Mdà bè kwananem Dwata mò mofin kóm.
Bè yóm kdaw angat kebuten,
tey dê kem tau hol geta hnatayen.
6Gotu tnafaken yó kem tau bè yó kem benwu,
ne tey dê tau hnatayen.
Gotu genlaen yó kem malak bè klamangen benwu.
7Okóm kun, angat minum bè yó kem él lemnek mlel hilol lan
anì mulék ebéléen kgisen.
Angat gemmò.
Currently Selected:
Kem Lingón 110: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
