Kem Lingón 100
100
Lingón dmóyón ke Dwata
1Hol ye hligal semngal ebè
Dwata,
yu kem tau bè klamangen benwu.
2Hol ye hligal tmaba ebéléen.
Hloni ye ebéléen, mung du yóm kehligal ye semngal.
3Hol bê tekuy abay klifót, yóm Dwata gónó tekuy mogot,
du se yóm hol tahu Dwata.
Tehe nifilen tekuy, du se hol mfun tekuy,
ne tekuy se yó kem kun tau.
Hol lómón ke tekuy yóm ubiha tendo gel sen-gyoken.
4Bè yóm igò ye husek bè bak tikeb yóm Gónô Dwata,
hmung ye du yóm tey keslamat ye béléen.
Hol dóyón ye bè yóm khusek ye elem Gónóen.
Hol ye slamat béléen, mung du yóm tey kdóyón ye du.
5Tey hyu yóm Dwata.
Laen kô dù tul sónen yóm kbong nawahen tekuy.
Ne là kóen monol yóm nawahen ebélê tekuy efet kól bè laen dù sónen.
Currently Selected:
Kem Lingón 100: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
