Kem Udél Hlalak Tehe Selumun 5
5
Kekbê yóm ksamuk
1Ó Man, hol kenmónem yóm dou khulung hedem
ne hol henklinguhem yóm dou khulung temnef
2anì hulungi mit du hyu yóm kmoem ne dilô bè kudélem yóm ketngónem.
3Yakà wen libun mdà yehen gel gemé lemnek ne alì hulung mudél gónón gbóy tau.
4Okóm nim kun nmò ni sidek uléken lómón ke mkeni alì héét ne lómón ke amà le kóm sudeng.
5Yóm libun lómón ni kmoen loloen yóm lan e lem hatay ne nwiten u ebè benwu yó kem deng matay.
6Mom là kô hendemen du yóm lan gónón mowil, là kóen temnù ne là se dilóen du ke tedu ulék yóm nmoen.
7Ne ni kem ngà, hol hnungol ye o; hol bê ye abay knogol yóm monu ni.
8Holi hlayuk béléen yóm libun lómón ni ne hol béi abay hloni ebè gónóen.
9Déke gsindili béléen ne mom lana béléem kadat le kóm yó kem dumum tau ne dengi mom matay lem tdok yó kem tau laen dù kodu le.
10Déke wen tau milo gotu ma yó kem kimuhem ne yóm lenitegem deng mom tólóng tau fen hdengen du.
11Tey keheslafem yóm móyón kehtohem ne hol lómón ke són tiol ne kulit tebel béléem.
12Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.
13Là kô dog nimónu du yó kem tau gel tmolok do ne là se dog kenmónu kul.
14Ne ni, deng tey sidek kyaku lem blóng kem dumuhu tau.”
Yó se yóm udélen huli selen.
15Hol tnenebem tuha libunem ne yake sónen du kenbong nawahem.
16Ke wen ngaem gu laan laen kô ofolem kul.
17Yake tódô lenok le tmóbóng kóm yó kem ngaem ne béen mom bè yó kem tau milo.
18Yó gónóm mon, holi tódô hligal du yóm sana yehenem ne són béléen gónóm hegsengel nawahem.
19Tilob se kun ne tey hyu kmoen.
Yake són béléen gónóm hemyu nawahem ne gulesi bè yóm kun kbong nawa kóm.
20Ó Man, moen de ke tói gules bè yóm libun mdà yehenen ne moen du ke tô henlomem hemyu nawa bè tuha libun dumu tau?
21Yakà gotu ton Dwata du yóm kdê nmò te ne tendo hendemen yóm kdê lan te.
22Yóm tau gel mò sidek deng gfét lem salà ne.
Yóm salaen henged fét mgen du.
23Matay lemwót bè là kgafasen nawan.
Yóm alì kbooken mit du tlas.
Currently Selected:
Kem Udél Hlalak Tehe Selumun 5: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kem Udél Hlalak Tehe Selumun 5
5
Kekbê yóm ksamuk
1Ó Man, hol kenmónem yóm dou khulung hedem
ne hol henklinguhem yóm dou khulung temnef
2anì hulungi mit du hyu yóm kmoem ne dilô bè kudélem yóm ketngónem.
3Yakà wen libun mdà yehen gel gemé lemnek ne alì hulung mudél gónón gbóy tau.
4Okóm nim kun nmò ni sidek uléken lómón ke mkeni alì héét ne lómón ke amà le kóm sudeng.
5Yóm libun lómón ni kmoen loloen yóm lan e lem hatay ne nwiten u ebè benwu yó kem deng matay.
6Mom là kô hendemen du yóm lan gónón mowil, là kóen temnù ne là se dilóen du ke tedu ulék yóm nmoen.
7Ne ni kem ngà, hol hnungol ye o; hol bê ye abay knogol yóm monu ni.
8Holi hlayuk béléen yóm libun lómón ni ne hol béi abay hloni ebè gónóen.
9Déke gsindili béléen ne mom lana béléem kadat le kóm yó kem dumum tau ne dengi mom matay lem tdok yó kem tau laen dù kodu le.
10Déke wen tau milo gotu ma yó kem kimuhem ne yóm lenitegem deng mom tólóng tau fen hdengen du.
11Tey keheslafem yóm móyón kehtohem ne hol lómón ke són tiol ne kulit tebel béléem.
12Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.
13Là kô dog nimónu du yó kem tau gel tmolok do ne là se dog kenmónu kul.
14Ne ni, deng tey sidek kyaku lem blóng kem dumuhu tau.”
Yó se yóm udélen huli selen.
15Hol tnenebem tuha libunem ne yake sónen du kenbong nawahem.
16Ke wen ngaem gu laan laen kô ofolem kul.
17Yake tódô lenok le tmóbóng kóm yó kem ngaem ne béen mom bè yó kem tau milo.
18Yó gónóm mon, holi tódô hligal du yóm sana yehenem ne són béléen gónóm hegsengel nawahem.
19Tilob se kun ne tey hyu kmoen.
Yake són béléen gónóm hemyu nawahem ne gulesi bè yóm kun kbong nawa kóm.
20Ó Man, moen de ke tói gules bè yóm libun mdà yehenen ne moen du ke tô henlomem hemyu nawa bè tuha libun dumu tau?
21Yakà gotu ton Dwata du yóm kdê nmò te ne tendo hendemen yóm kdê lan te.
22Yóm tau gel mò sidek deng gfét lem salà ne.
Yóm salaen henged fét mgen du.
23Matay lemwót bè là kgafasen nawan.
Yóm alì kbooken mit du tlas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.