Lista 24
24
1Bè yóm kkól le bè yó, tódô eles tngón Balaam yóm kóyô Dwata muyag kul yó kem tau Israél, yó gónón là bud wen gónón e solu na a mebel ilô yóm kóyô Dwata lómón yóm deng gna gel nmoen. Mom yó nmoen, temngel eta yóm benwu laen hol wen tauhen 2ne tonen yó kem tau Israél kmamfù gu bè yó, tódô sbung hono kul ktol. Tódô sut bè Balaam yóm Tulus Dwata, 3yó udél htugod Dwata du, monen,
“Ni se tulón Balaam yóm ngà Biyur,
Ni se udél yóm tau tikaw kton matahen du yóm nmò Dwata
4ne mdengen klinguhen mungol du yóm udél Dwata.
Bè yóm igou teneng temngel tódô wen hton Dwata do, yóm Dwata alì gembek.
Tódóe mugod bè yóm igou tolo temngel.
5Yó htonen do yóm tey ktilob yóm kamfù yó kem tau Israél.
6Hol lómón ke stodol tmowok kemlol él yó kem lefò duhen ke yó kem dumu hulu.
Lómón ke koyu alus ne koyu sidar hulu Dwata.
7Angat tendo gel hkulón Dwata eta yó kem hulu le.
Gotu hulu le bnék le bè yóm tonok tilob khéféen.
Yóm tau hol geta bélê le, angat geta senta Agag ne senflósen temnù yóm benwu nogoten.
8Deng nit Dwata lu hewà gu bè Idyip.
Du se mit sfatay bè yó kem hohon le, hol lómón kmoen ke safì tudu alì sidek klóbóen.
Angat genlaen yó kem hohonen.
Gotu tenfoken yó kem tiol le, gotu gentien lu.
9Yó kem tau Israél, hol lómón ke yóm liyun alì lóbô.
Ke tolo tungô laen dù mlos bemtik du.
Yó se tau muyag yó kem tau Israél angat bud nuyag Dwata se kun.
Ne yó se tau hemmulà kul angat bud henmulà Dwata se kun.”
10Bè yóm kungol Balak du yóm udél Balaam yó koni, tey sidek kebuten du botong gesdofien hólólen ne yó monen mò ke Balaam, “Yó gónów htaba kóm anì henmulaem yó kem hohonu, okóm deng mom tlu dulékem ne muyag kul. 11Tódói mulék ne. Deng tehe wen ofol fasadu kóm okóm deng henseng Dwata béléem yóm ofol yó.”
12Bnalà Balaam se, monen, “Deng tulónu yó kem tau hangayem do, 13anien he ke gotu blayem do kdê tahu blówónem ne kdê blówón bukay nô bè gónô bongem, là kô naw e gbek du ke là nimónu du yóm hmò Dwata do. Són olo monu, són yóm htugod Dwata do.”
Yóm són htugod Dwata ke Balaam
14Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.” 15Ominen bud tmugod du yóm htugod Dwata du, monen,
“Ni se yóm tugod Balaam yóm ngà Biyur.
Ni se udél yóm tau tikaw kton matahen du yóm nmò Dwata
16ne mdengen klinguhen mungol du yóm mon Dwata
ne hulung temnef du yóm hetngónen du yóm Dwata hol dandónen geta bè kdéen.
Bè yóm igou tódô teneng temngel wen hton Dwata dou, yóm Dwata alì gembek.
17Tódóe mugod igou tolo temngel.
Tódô htonen do yóm mò kmoen elem hulin kdaw.
Tódô eles gmatahu yó kem tau Israél.
Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken.
Angat genlaen yó kem tau bè benwu Muab ne gomong genlaen yó kem tau Sét.
18Gotu genlaen yó kem hohonen bè Idom ne gotu nfunen yóm kul tonok.
Yó kem tau Israél, tódô hlós yóm kegmò le bè yó kem hohon le.
19Angat sut yóm tau malak kul ne gotu genlaen yó kem dù mowil bè yóm benwu boluyen Ir.”
20Bud hton Dwata bè Balaam snéen yó kem tau Amalikayt ne tulón Balaam yóm htugod Dwata du, monen,
“Hol lemyu senta yó kem dumu but tau yó kem tau Amalikayt.
Okóm yó hol són le, gotu le meglà.”
21Bud hton Dwata ke Balaam yó kem tau Kinayt ne bud tulón Balaam yóm htugod Dwata du, monen,
“Tey mbegel yóm benwu gónó ye nô, hol lómón kbegelen yóm sala nô bè léhék geta.
22Okóm angat ye meglà yu kem tau Kinayt sok angat gotu negef kem tau Asirya yu.”
23Bud mon Balaam yóm bud htugod Dwata du,
“Étey. Ke ni se nmò Dwata, tau du se tô mowil?
24Lemwót le mówóng gu bè Siprus yó kem tau gemlà.
Angat nled le Asirya ne Ibir okóm angat le bud meglà se kul.”
25Omin Balaam tódô mulék ne hlós mulék se ke Balak.
Currently Selected:
Lista 24: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Lista 24
24
1Bè yóm kkól le bè yó, tódô eles tngón Balaam yóm kóyô Dwata muyag kul yó kem tau Israél, yó gónón là bud wen gónón e solu na a mebel ilô yóm kóyô Dwata lómón yóm deng gna gel nmoen. Mom yó nmoen, temngel eta yóm benwu laen hol wen tauhen 2ne tonen yó kem tau Israél kmamfù gu bè yó, tódô sbung hono kul ktol. Tódô sut bè Balaam yóm Tulus Dwata, 3yó udél htugod Dwata du, monen,
“Ni se tulón Balaam yóm ngà Biyur,
Ni se udél yóm tau tikaw kton matahen du yóm nmò Dwata
4ne mdengen klinguhen mungol du yóm udél Dwata.
Bè yóm igou teneng temngel tódô wen hton Dwata do, yóm Dwata alì gembek.
Tódóe mugod bè yóm igou tolo temngel.
5Yó htonen do yóm tey ktilob yóm kamfù yó kem tau Israél.
6Hol lómón ke stodol tmowok kemlol él yó kem lefò duhen ke yó kem dumu hulu.
Lómón ke koyu alus ne koyu sidar hulu Dwata.
7Angat tendo gel hkulón Dwata eta yó kem hulu le.
Gotu hulu le bnék le bè yóm tonok tilob khéféen.
Yóm tau hol geta bélê le, angat geta senta Agag ne senflósen temnù yóm benwu nogoten.
8Deng nit Dwata lu hewà gu bè Idyip.
Du se mit sfatay bè yó kem hohon le, hol lómón kmoen ke safì tudu alì sidek klóbóen.
Angat genlaen yó kem hohonen.
Gotu tenfoken yó kem tiol le, gotu gentien lu.
9Yó kem tau Israél, hol lómón ke yóm liyun alì lóbô.
Ke tolo tungô laen dù mlos bemtik du.
Yó se tau muyag yó kem tau Israél angat bud nuyag Dwata se kun.
Ne yó se tau hemmulà kul angat bud henmulà Dwata se kun.”
10Bè yóm kungol Balak du yóm udél Balaam yó koni, tey sidek kebuten du botong gesdofien hólólen ne yó monen mò ke Balaam, “Yó gónów htaba kóm anì henmulaem yó kem hohonu, okóm deng mom tlu dulékem ne muyag kul. 11Tódói mulék ne. Deng tehe wen ofol fasadu kóm okóm deng henseng Dwata béléem yóm ofol yó.”
12Bnalà Balaam se, monen, “Deng tulónu yó kem tau hangayem do, 13anien he ke gotu blayem do kdê tahu blówónem ne kdê blówón bukay nô bè gónô bongem, là kô naw e gbek du ke là nimónu du yóm hmò Dwata do. Són olo monu, són yóm htugod Dwata do.”
Yóm són htugod Dwata ke Balaam
14Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.” 15Ominen bud tmugod du yóm htugod Dwata du, monen,
“Ni se yóm tugod Balaam yóm ngà Biyur.
Ni se udél yóm tau tikaw kton matahen du yóm nmò Dwata
16ne mdengen klinguhen mungol du yóm mon Dwata
ne hulung temnef du yóm hetngónen du yóm Dwata hol dandónen geta bè kdéen.
Bè yóm igou tódô teneng temngel wen hton Dwata dou, yóm Dwata alì gembek.
17Tódóe mugod igou tolo temngel.
Tódô htonen do yóm mò kmoen elem hulin kdaw.
Tódô eles gmatahu yó kem tau Israél.
Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken.
Angat genlaen yó kem tau bè benwu Muab ne gomong genlaen yó kem tau Sét.
18Gotu genlaen yó kem hohonen bè Idom ne gotu nfunen yóm kul tonok.
Yó kem tau Israél, tódô hlós yóm kegmò le bè yó kem hohon le.
19Angat sut yóm tau malak kul ne gotu genlaen yó kem dù mowil bè yóm benwu boluyen Ir.”
20Bud hton Dwata bè Balaam snéen yó kem tau Amalikayt ne tulón Balaam yóm htugod Dwata du, monen,
“Hol lemyu senta yó kem dumu but tau yó kem tau Amalikayt.
Okóm yó hol són le, gotu le meglà.”
21Bud hton Dwata ke Balaam yó kem tau Kinayt ne bud tulón Balaam yóm htugod Dwata du, monen,
“Tey mbegel yóm benwu gónó ye nô, hol lómón kbegelen yóm sala nô bè léhék geta.
22Okóm angat ye meglà yu kem tau Kinayt sok angat gotu negef kem tau Asirya yu.”
23Bud mon Balaam yóm bud htugod Dwata du,
“Étey. Ke ni se nmò Dwata, tau du se tô mowil?
24Lemwót le mówóng gu bè Siprus yó kem tau gemlà.
Angat nled le Asirya ne Ibir okóm angat le bud meglà se kul.”
25Omin Balaam tódô mulék ne hlós mulék se ke Balak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.